Դասի պլան- ,,ա,, տառի ուսուցում

Դասարան` Առաջին

Առարկա` Մայրենի

Դասի թեմա` «Ա» հնչյուն-տառի ուսուցում

Ժամաքանակ` 1

Կահավորանքը` Մեծադիր տառապատկերներ, հանելուկներ ու

պատասխաններ, պաստառներ, քարտեր, բառերի

աղյուսակներ

Չափորոշիչ

• Կիմանան տառանունը, կկարողանան տարբերել տառը և հնչյունը

• Կկարողանան վանկատել բառերը, կտարբերեն միավանկ և բազմավանկ բառերը

• Կկարողանան լսել, հասկանալ և ճիշտ վերարտադրել հնչող խոսքը

• Կկարողանան իրավիճակին համապատասխան ոչ ծավալուն բանավոր տեքստ կազմել

Դասի նպատակը

• Ուսուցանել «Ա» հնչյուն-տառը

• Հյուսել պատմություն թեմատիկ նկարի շուրջ

• Ամրապնդել պատմություն, նախադասություն, բառ, վանկ, հնչյուն, տառ շղթան

• Հարստացնել բառապաշարը նկարելուկների միջոցով

• Ամրապնդել բառի հնչյունային վերլուծությունը

Դասի խնդիրները

• Սովորել նոր բառերի բացատրությունը

• Կազմել կայուն կապկցություններ

• Ամրապնդել պատմություն-տառ շղթան

Դասից հետո աշակերտները կիմանան

• Կարդալ ու գրել «Ա» հնչյուն-տառը «

• Տրամաբանական հաջորդականությամբ վերարտադրել նկարի բովանդակությունը

• Գործնականում կիրառել բառակապակցության գիտելիքները

• Նկարագրել, բնութագրել կերպարները

Դասից հետո աշակերտները կկարողանան

• Կազմել բառեր, որտեղ «Ա» հնչյունը բառասկզբում է, բառամիջում և բառավերջում

• Կազմել նոր բառեր «Ա» -ն կցագրելով նկարներին

• Արտասանել տառաձևին բնորոշ երկտողը

• Կարևորել «Ա» հնչյունի բնորոշ հատկությունը «Ա» հնչյունի բնորոշ

Դասի ընթացքը

Ողջույնի խոսքեր

Խումբ—Ողջունում ենք մենք սրտանց,

Մեր հյուրերին հազարանց,

Եվ խնդրում ենք մենք նրանց,

Լսել մեր դասը սրտանց:

Ուսուցիչ – Այսօր տոն է, տոն է քանի որ դուք արդեն դպրոց եք հաճախում և այսօր առաջին անգամ կարդալու և գրելու ենք «Ա» հնչյուն-տառը: «Ա» հնչյուն-տառը մեր այբբենարանի առաջատարն է,մեր լեզվի ադամանդյա բանալին: Եվ այսօր երդում տանք, որ միշտ մաքուր և անաղարտ կպահենք հայոց մարգարտաշատ այբբուբենը:

Խումբ— Հայ ենք մենք և հայերեն ենք խոսում: Եվ այսօր հանդիսավոր երդվում ենք ձեր առաջ «Սովորել հայերենը գերազանց»: Երդվեւմ ենք, երդվում ենք, երդվում ենք:

1. Աշակերտները ասում են երկտողեր.

1. Դե մանուկներ, ժպտացեք Սևակ

«Ա» տառին ողջույն տվեք:

1. Ահա և «Ա»-ն, հիմա ասեմ Մանե

«Ա» տառն եմ ես, անունս Այբ

1. «Ա»-ն լսեց, ականջ դրեց, Շանթ

Մեր դասարան այցելեց:

1. «Ա»-ն եմ, Այբ-ն եմ Այբբուբենի Աննա

Ավյունն եմ ես հայի գենի:

1. «Ա», «Ա» եկ, եկ Դիանա

Մեր դասարան հյուր եկ:

1. Մեր Արաքս գետը, Դաննի

Մեր Անին ավեր

1. Եվ հայոց հրաշք Գոռ

Արարատ սարը:

1. «Ա» տառն է նա, ազնիվ, շիտակ Արեգ

Ադամանդ է, ոսկեղեն ակ:

1. Ամպիկ դու էլ անձրևիր, Կանի

Որ Ա-ն ծլի, կանաչի:

1. Արև, արև վառ շող, Լիլա

Թող Ա տառը մեզ ժպտա:

1. Արյունն եմ քաջ վեհ այրերի Դավիթ

Անունս` անմահ մեր հայրերի:

1. «Ա»-ով է սկսվում այբբուբենը մեր, Նարե, Ժուլվեռն

Մեր հայոց լեզվի առաջին տառը:

1. Մտքի ծիլն եմ, խոսքի ջիլն եմ Անրի

Այբբուբենում առաջինն եմ:

1. Մեր միտքն ու հոգին Վիվիանա

Լույսով թող լցնի:

1. «Ա»-ն արքան է տառերի Ճորճիո

Արժանի է նա մեծ փառքի:

1. Եկեք հավերժ, հիշենք անգիր Արտաշես

Այբուբենը մեր թանկագի:

Խթանման փուլ

1. Երեխաներ, եկեք գուշակենք, հանելուկները: /Հանելոկները գուշակելուց հետո հասկանում են, որ պատասխանները միայն «Ա»-ով են սկսվում:

2. Երեխանե՛ր, ի՞նչ եք կարծում, ի՞նչ ենք ուսուցանելու այսօր:

«Ա» տառը

1. Պատասխանեք իմ հարցերին, վերհիշելով մեր անցած դասերը:

2. Ինչ ունի պատմությունը:

Ինչից է կազմված պատմությունը:

Ինչից է կազմված նախադասությունը:

Ինչից է կազմված բառը:

Ինչից է կազմված վանկը:

Հնչյուն-տառերը քանի տեսակի են լինում:

Ինչպես տարբերենք ձայնավորը բաղաձայնից:

Արդեն գրատախտակին փակցված է «Ա» հնչյուն-տառի էջի բոլոր նկարները:

1. Հանձնարարվում է կազմել պատմություն ըստ փակցված նկարի: /Լեզվական փորձառության մոտեցում, ձայնանշում, բառի ճանաչում /: Կազմել նախադասությունների գծապատկերներ, տեղադրել նախադասությունները, համադրել հերթականությամբ և ստեղծել չափածո խոսք:

Մենք հյուսեցինք գեղեցիկ պատմություն, որը կազմված էր նախադասություններից, նախադասությունները բառերից, բառերը վանկերից, վանկերը հնչյուններից, հնչյունը եթե գրենք կստացվի տառ:

1. Ասացեք բառեր, որոնք սկսվում են «Ա» հնչյուն-տառով, վանկատեք այդ բառերը և որոշեք թե որտեղ է գտնվում «Ա» հնչյուն-տառը:

2. Ասացեք բառեր, որտեղ «Ա» հնչյունը լսում ենք բառասկզբում:

3. Հիմա ինչ եղանակ է մեզ մոտ: Իսկ կարող եք աշուն բառից ստանալ մեկ նոր բառ: Եկեք վանկատենք աշուն բառը:Երեխաներից մեկը ասում է ա-շուն «շուն» և գրատախտակին փակցնում է շան նկարը, մյուսները փորձում են վերակազմել «աշուն» բառը և հաջորդ աշակերտը շան մոտ ավելացնում է «ա» տառը:

Գրատախտակին փակցնել «ծուխ» նկար և հանձնարարել կազմել նոր բառ: Գտնողը` մոտը ավելացնում է «ա» տառը:

Գրատախտակին փակցնել «նուշ»-ի նկար, հանձնարարել կազմել նոր բառ: Գտնողը` մոտը ավելացնում է «ա» տառը:

1. Ցուցադրել «Ա,ա» տպատառերը և փակցնել, այնուհետև ձեռագիրը և գրատախտակին ամրացնել «Ա» մեծատառի և «ա» փաքրատառի գրելու կառուցվածքը, որից հետո բացատրելով գրել տառերը: Այդ գործողությունը կատարել մի քանի անգամ:

2. Բաժանել բացիկներ

Կշռադատման փուլ

1. Բացիկներում, որտեղ մայրիկներին նվիրված ուղերձ կա, վրան գրել «Ա» տառը:

7