музыка) Gagauzlara deyni Vatan her zaman ayozluydu. Adama hepsi lääzım paalı olsun ne var kendi Vatanında: onun halkı, onun topraa, onun istoriyası, kulturası. Vatanımızın gelecaa -bizim ellerimizda, unutmayın bunu! Sizin bobalarınız sizä brakêrlar en pak, en ayozlu eri- Vatanı. Sevin onu, nicä analarınızı seversiniz! Bizim Vatanımız- Respublika Moldova, angısının bir köşesindä bulunêr bizim Ana tarafımız -Gagauz Eri. Gagauz avtonomıyamızın kurulması için var pek çok informaţiyalar nice internetta, ölä da kiyatlarda, ama büünkü gündä bizä te o informaţiya taa paalı, yakın geler, angısını biz işideriz kendilerindän te o adamnardan, ani gördülar hem aktiv pay aldılar o oluşlarda avtonomiyanın kurulması için. Bizim küüdä da var bir kaç aktivist adam. . A. V. Zaeţ hem S.S. Kolev büün bulunêrlar bizim aramızda , onnar bizä annadaceklar ne olardı o zamannar. -Uşaklar buyurun sorun ne istersiniz işitmää? Saaolunmeraklıannatmalarınıziçin. Bänsanêrım ani buişleriuşaklaraklılarındatutaceklarçokvakıtlar. Neyimizbüün var … isteerim çekmaa dikatınızı prezentaţiya. Çok vakıtlar bizim halkımız zoorluu çekmiş, 1941 yılda , açan çeketmiş cenk , aardına da tezdä hep 1941 başlamışlar insannarı kaldırmaa kulak olarak. Bizim küülülär da bir kaç aylä girdilär bu ‘’kara yapraa’’, angılarını kaldırıldılar Sibirä. Arhiv dokumentlär bulunêrlar bizim muzeydä. (архивные документы, видео). Taman insan başlamış kendinä gelmää cenktän, onnara uurêêr taa bir bela ‘’Aaçlık’’. Bu çerkin karannık yıllar için bir rolik. (ролик) Zor vakıtlarda insannara kahırını unutmaa yardım edarmiş maanilar, türkülär. (ролик) Bu girgin halk korumuş bizä deyni çok gözäl adetleri: horu, sidänka, perdänka, düün. (ролик) Bizim çoyu avtorlar göstererlär yaratmalarında eveldän kalma o gözäl adetleri, angılarından bırazını biz büünda bakêrız. Onnarın biri D. Kara Çoban, bu avtorlan biz tanıştık geçti urokta. Annatmasını ‘’Fanatik’’ biz okuduk hep geçti urok, büün işleyecez bir parça tekstlan . Kim kısadan annadacek yaratmanın süjetini ? Meraklı Titu kendiliindän kino zanaatçısıydı. O toplardı material , ki düzmää birkaç etnografiyä filmı. Bu üzerä o geca-gündüz bilmäzdi raatlık. O üürenärdi, angı aylarda, ne günnêrdä, nesoy yortular olêrlar, da çıkarardı kinoya halk adetlerini. Gezärdi o çok erlerdä, satın alardı plönka, himikat. Kazandıı paralarının taa çoyunu o harcaardı bu materiallara. Açan çekedärdi işlemää çıkarılmış materialları, o aftaylan çıkmazdı laboratoriyasından. Sınış. - Bulun sinonim laflara: - Kino, gezmää , işlemää - Bulun antonim: - Düzmää, toplaardı, çıkmazdı. - Nesoy evelki adet için annadılêr bu teksttä? -Kimin için avtor yazêr bu annatmada? - Ne bileriz avtor için ? Dooru, uşaklar, D Kara Çoban kurdu Beşalmada gagauzların etnografiya muzeyini. Gezip küülerdä evdän-evä, o topladı pek çok unikal eksponatlar. Biz da büün bulunêrız bizim muzeyimizdä, angısını kurmaa deyni çok kuvet koydu Karaseni A.N. A.N. nice D. Kara Çoban hep ev-ev gezdi uşaklarlan, yardımcı oldu analar -bobalar, okulun işçileri da toplandı te bu eksponatlar ne var büün bizim muzeyimizdä. O pek sevärdi bizim istoriyamızı, kulturamızı, adetlerimizi. A.N. büün aramızda yok , ama bu muzeyä girdikça biz göreriz onun izlerini. 2015 yılda muzeya verildi Karaseni A.N. adı. Üşaklar hadiin bakalı ne var bu muzeydä hepsiniz mi bilersiniz ne adı o eksponatların? Neredä hem nezaman kullanarmışlar onnarı? Yaklaşın da bakın. Çocuklara taa yakın hayvancılık zanaatı, sanêrım bu tertipleri onnar lääzım tanısınnar. Kızlara taa yakın kufne tertipleri, ilerki karı donakları, hartel tertipleri. Ya bakalım angınız taa çok iş biler. Saa olun uşaklar geçin erinizä, çoyu eksponatları bilersiniz. |