Էթիկայի կանոնները ինտերնետում

 էլեկտրոնային փոստին առնչվելու անվտանգությունը և էթիկան

Տեսություն

Հաղորդակցման բոլոր ձևերի նման էլեկտրոնային փոստը ևս ունի էթիկայի իր սեփական ավանդույթներն ու կանոնները։ Ծանոթանանք էլեկտրոնային փոստին առնչվելու անվտանգության և էթիկայի ստորև բերված նորմերին։

3. Հաղորդագրությունը չի կարելի «հեղեղել» ընդհանուր, ոչինչ չասող արտահայտություններով. եթե ասելու բան չունեք, ավելի լավ է դադարեցրեք հաղորդակցումը արժանավայել դրսևորել։ Հետևեք ուղղագրության և քերականության կանոններին։

 1. Հաղորդագրություն գրելիս, այն «հեշտ» կարդալու համար տեքստը տրոհեք առանձին պարբերությունների և օգտագործեք կարճ նախադասություններ՝ արտահայտելով ։2. էլեկտրոնային փոստով հաղորդակցվելիս աշխատեք ձեզ

նյութի բուն էությունը։

4. Հաղորդագրության տեքստում մեծատառեր կիրառեք միայն կարևոր ինֆորմացիա ընդգծելու նպատակով։ Ամբողջ տեքստը մեծատառերով գրելու դեպքում այն դառնում է դժվար ընթեռնելի և հոգնեցուցիչ։

5. Ստորագրեք ձեր կողմից առաքված հաղորդագրության տակ։ Այն հիմնական նամակից պետք է առանձնացնել դատարկ տողով։ Օրինակ,
 

Հարգանքներով, Լևոն Պարսամյան
[email protected]

6. Լրացրեք Հաղորդագրության թեմա դաշտը, քանի որ շատերը համակարգչային վիրուսից վախենալով չեն բացում առանց թեմայի կամ կասկածելի թեմայով հաղորդագրությունները։

7. Փորձեք հստակ ձևակերպել հաղորդագրության թեման։ Ձգտեք մեկ արտահայտությամբ շարադրել հաղորդագրության ընդհանուր էությունը։

8. Մեկ հաղորդագրությունը միանգամից պետք չէ առաքել շատ մարդկաց, քանի որ շատերն այն կհամարեն վիրուսակիր և ձեր հասցեն կգրանցեն ոչ ցանկալի հասցեատերերի «սև ցուցակում»։

9.Նախքան հաղորդագրությանը ֆայլեր կցելը և առաքելը, արխիվացրեք մեծ ծավալի ֆայլերը։

10.էլեկտրոնային փոստով հաղորդակցության ընթացքում սիրալիր և բարեկիրթ եղեք, որպեսզի հաղորդակցից նույն վերաբերմունքը ստանաք։

11.Չմոռանաք, որ էլեկտրոնային փոստի միջոցով Դուք, ի վերջո, շփվում եք մարդու հետ, և նրան էլեկտրոնային ուղերձ առաքելիս աշխատեք բովանդակությամբ չվիրավորել նրան։

12.Հաղորդագրության մեջ ներառված հումորը կարող է ճիշտ չընկալվել, քանի որ այս դեպքում դիմացինը չի տեսնում կատակողի դեմքի միմիկան և չի լսում արտասանական երանգավորումը։

13.էլեկտրոնային հաղորդակցման առավելություններից մեկը ինֆորմացիայի ակնթարթային փոխանցումն է։ Հաղորդագրություն առաքողները ձեզանից սպասում են նույնքան արագ պատասխան: Եթե չեք կարող արագ պատասխանել ստացած հաղորդագրությանը, ապա ցանկալի է նրան զգուշացնել այդ մասին՝ նշելով կոնկրետ ժամկետ։

14. Մի բացեք այն հաղորդագրությունը, որը ստացել եք վստահություն չներշնչող անձից։

Ուշադրություն

Էլեկտրոնային հաղորդակցման ժամանակ բառերի փոխարեն հաճախ օգտագործում են պայմանանշանների զուգակցում. դրանցից են

:)           -     ժպիտ
:))))       -     ծիծաղ
;)         -     «խորամանկ» ժպիտ
:(          -      վիշտ, դառնություն, տարակուսանք, զարմանք
:((((      -      հիասթափություն

:−0        -     զարմանք