Тэма ўрока: Галосныя гукі [о], [ э], [а]. Правапіс слоў з літарамі о, э – а.
Мэта:
навучальная: абагульніць і сістэматызаваць атрыманыя веды па тэме, замацаваць уменне вызначаць у словах націскныя і ненаціскныя склады , тлумачыць напісанне слоў з літарамі о,э,а;
развіваючая: развіваць арфаграфічную пільнасць, садзейнічаць развіццю самастойнага мыслення і памяці, і назіраць за тэкстам;
выхаваўчая: спрыяць ўважліваму стаўленню да беларускага слова, садзейнічаць фарміраванню ўменню зладжана працаваць у пары, групе.
Тып урока: абагульненне і сістэматызацыя ведаў.
Абсталяванне: карткі з заданнямі для работы груп, выявы казачных літар О,Э,А, малюнак лесу, замак казачнай краіны Граматыкі, палоскі з рассыпанымі сказамі (на кожную парту), вееры галосных, малюнак з выявай ваўчыцы з ваўчанятамі, карткі-сняжынкі для работы па радах, сняжынка ў кожнага вучня (для рэфлексіі).