Гуурһанайм туршалганууд_Цыцыкова Алтана

Буряад Уласай үндэһэтэнэй 1-дэхи лицей-интернат

Цыцыкова Алтана

Гуурһанайм туршалганууд

НЭГЭДЭХИ ДЭБТЭР

Улаан-Yдэ, 2017

Шүлэгэйм мүрнүүд – сэдьхэлэйм хүлэгүүд.

Шүлэгэйм мүрнүүд – зүрхэнэйм долгинууд.

Эжыдээ

Энэ алтан дэлхэй дээрэ

Эжыhээ үлүү хүн

Үгыл хаш даа, үгы.

Намдаа hанаагаа зобон

Нойргүй hүнинүүдые үнгэргөөл.

Хүлдэ орохыем, хөөрэдэг болохыем

Хүлеэжэ ядадаг байгаал.

Эжым намайгаа ойлгохол,

Эжым намайгаа дэмжэхэл,

Эжым намайгаа энхэрхэл,

Эжым намайгаа аршалхал.

Эжынгээ ашые харюулхые

Оролдожо ходо ябахалби.

Эжыгээ үргэхэб,

Эжыгээ баярлуулхаб,

Эжыгээ хүндэлхэб.

Буряад бээлэй

Буряад торгон бээлэйе

Хабар, намар, үбэлшье

Арhаар, бүдөөр, торгооршье

Урлаха, оёходо зохисотой.

Бэеыень түрүүшээр эсхэжэ,

Эрхыень зохидоор тааруулха.

Дулаан байхыень hанажа,

Нооhо дундань хабшабаб.

Эжыдээ заалгажа байжа,

Эрхыень hуулгажа тухашарбаб.

Таатайгаар оёhон бээлэйгээ

Хоргойгоор гоёожо шэмэглэбэб.

Ямбалжа оёhон бээлэймни

Яагаа зохид болошобоб?

Уран басаган болохошни ха гээд

Урмашуулба намайгаа эжымни.

Гуниг

Хабарай дулаахан саг...

Хабархан ерэжэ байна.

Байгаали нойрhоо hэринэ,

Багашуул баярлан гүйлдэнэ.

Нялхахан ногоохон бултайна,

Наранай элшэ шангарна.

Хорхой шумуулшье амидырна,

Шубуудшье пишаганалдана.

Харин энээхэн баярые

Минии зүрхэн мэдэрнэгүй.

Сэдьхэлни гуниглан үбдэнэ,

Сээжыемни уйдхар дарана.

Эбтэй арад

Зэдын хоймор эзэлэгшэ

Бүрин-Хаанай хормойдо

Ирагуухан Инзагата нютагтамни

Олон ондоо яhатан ажаhуудаг юм.

Ород, буряад, татар,

Чуваш, монгол, казах

Эбтэй энхэ жаргалтай,

Буряад хэлэндэ дуратай.

Дүү хүбүүн Сампилдаа

Сэбэр сагаан шарайтай

Сэсэн hонор ухаатай

Даруу номгон зантай

Хатарха угаа дуратай

Хүгшэн эжыдээ эрхэлхэ

Зугаа наада гаргаха

Зоригто ахаяа дахаха

Дүүнэрээ хаража тухашарха

Абынгаа нэрэ нэрлүүлхэ

Аятай зохид хүбүүн даа.

Эжыгээ үргэжэ ябаха

Эльгэ нимгэнтэй үри даа.