?аза? тілі "Сын есім ?айталау"3 сынып

№ Күні:

Қазақ тілі. 3 сынып

Сабақтың тақырыбы: Сын есімді қайталаймыз.

Сабақтың мақсаты: Оқушылардың сын есім туралы түсінігін кеңейту. Сын есімдер заттың түр - түсін, көлемін, дәмін және басқа да сипатын айқындайтынын түсіндіріп, оларды зат есімдермен дұрыс тіркестіре білуді үйрету.

Сабақтың әдістері:

Сабақтың барысы:

I.Ұйымдастыру кезеңі.

II.Үй жұмысын тексеру.

III.Жаңа сабақ.

1.Қызығушылықты ояту.

Көлемі

үлкен, кіші, биік ...

Көрінісі

әдемі, лас, қырлы,...

Түсі

ақ, көк, сары,...

Зат

Сапасы

жақсы, жаман, мықты,.....

Салмағы

ауыр,жеңіл

Сыныпты 4 – 5 баладан шағын топтарға бөліп, кесте бойынша сөйлеуге дайындау. 2 - сыныпт а алған білімін еске түсіргеннен кейін, әр топқа тапсырмалар беру.

2.Мағынаны тану кезеңі.

1 – жаттығуда берілген сурет бойынша заттардың түсін анықтату. Сол заттарға қатысты өлең, жұмбақтар тауып айтқызу. Соңынан заттың түсін білдіретін сөздердің сын есім деп аталатыны туралы қорытынды жасату.

2, 3 – жаттығуды орындау арқылы оқушылар сын есімді сөйлем ішінен тауып үйренеді. Сын есімдердің қандай сұрақтарға жауап беретінін еске түсіреді.

4 – жаттығудағы метаграммалардың шешуі: жаз – қаз ....? Шешуі болған сөздерді сын есіммен тіркестіріп жазғызу. Мысалы: жылы жаз, шуақты жаз, көркем жаз, т.б. Осы тіркестерді пайдаланып шағын мәтін құрауға тапсырма беру.

Жаттығуларды орындап болғаннан кейін, әр топқа зат есім сөздер беріп, сол зат есімге қатысты сын есімдерді тауып жазудан топтар арасында жарыс ұйымдастыру.

Мұндағы мақсат – сын есімдердің кез – келген затпен тіркесе бермейтінін түсіндіру. Мәселен, семіз қой, семіз сиыр деуге болады, бірақ семіз ағаш, семіз кітап деуге болмайды.

3.Ой толғаныс.

Топтарға сын есімдердің ішінен екі сын есімді таңдап алып, «Бес жолды өлең» жазғызу.

Мысалы:

Зат есім (1) жапырақ

Сын есім(2) қызыл, сары

Етістік (3)түседі, сатырлайды, ұшады

Сезімді білдіретін тіркес (4)Алтын күз неткен әдемі!

Синоним (1)өсімдік

IV. Сабақты қорыту.

Рефлексия:

Не өттік? Не білдік? Не үйрендік?

V. Үй тапсырмасы:

5 - жаттығу.28 - бет.

VI. Бағалау.