Катанчи усьтиське

5 южтолэзе Татарстан Элькунысь Кукмор еросысь Лельвиж шоръёзо школаын ортчиз бадзым ужрад, кудиз ас бордаз люказ Татарстанын, Башкортостанын, Удмуртиын улись но тыршись, удмуртлыкез утись но жутись, капчи мылкыдо но зеч визьмо удмурт калыкез. 2019 ар Россиын ялэмын Театрлэн ареныз. Бадзым классъёсын дышетскись нылъёс но пиос дасязы удмурт гожтосъёсъя сценкаос. Возьматизы асьсэлэсь сцена вылын шудыны, кырзаны, мылкыдзэс возматыны бытонлыкъёссэс. Чектисько тиледлы «Катанчи усьтиське» ужрадмылэсь сценарийзэ.

Андреева Людмила Михайловна

Татарстан Элькунысь Кукмор ёросысь

Лельвиж шоръёзо школаысь удмурт кылъя но литературая дышетись

«Катанчи усьтиське»

Эктон-куно пумитан «Удмурт сям» кырзанъя

Ведущий 1: Зечбуресь,зечбуресь, мусо но дуно куноосмы!

Ведущий 2 : Тулыс бур нуналэн тиледыз! 

Ведущий 1:Тыпы кадь юн тазалык, капчи мылкыд но бадзым шудбур тиледлы сизиськом. Мусо тусбуйёсты, чебересь синъёсты шуныт пальпотонэн мед пиштозы.

Ведущий 2: Вань зеч малпанъёсты мед быдэсмозы. Уродэз мед вуноз, зечез мед йылоз. Нокыче шуг-секытъёслы, висёнъёслы эн сётиське. Вань та кылъёсмес огазеяса, тиледлы, гажано куноосмы, музъемозь ик йыбырттиськом.

Ведущий 1:

Ти возамы – со ми понна кузьым,

Ми шудоесь, ти ми возын дыръя.

Эшъяськонлэн шуныт бурдыз озьы

Милям лулмы вадьсын но лопыръя.

Ведущий 2:

Кырза ялан, кельтытэк огзэ но

Жингырес, чебер я жож гурдэ.

Ул озьы: улонысьтыд огзэ но

Жаляно медад лу нуналдэ!

Ведущий 1:

Удмурт кырзанмы, кыче тон чебер!

Веттаськись ю бусы кадь лэйкыт,

Пыдэстэм инбаммы кадь туж мур,

Зумыто музъеммы кадь небыт.

Кырзан «Мылкыдъёс жутиськемын»

Ведущий 2:

Лымы кадь ик капчи мылкыдэн!

Шудбурен но югыт нуналэн!

Ми удмуртъёс! – соин шудо ми

Удмурт кыл – поръясь бурдо.

Ас кылмем ми гажаськом,

Со кылын вераськиськом.

Удмурт гуртын улиськом,

Удмурт школаын дышетскиськом,

Соин ми туж данъяськиськом.

Нош али кыл сётиськом «Чингыли» нылпи садысь покчи эшъёсмылы.

Ведущий 2:

Учке али шоразы

Тыпыр! каро пыдъёссы,

Кылзэ али соосты

Жин-жин! вазе куаразы.

Ти азьын 2-ти классысь учы куараё нылъёсмы но пиосмы. Кырзан «Камали».

«Апай сямен» . «Пинал мылкыд ансамбль».

Ведущий 2:

«Кырӟа но кырӟа», — шуиськоды,
Кырӟан уж капчи кожаса.
«Вера но вера», — шуиськоды,
Веран уж капчи кожаса…
Кырӟано ке кырӟано —
Вань лулэз поныса!
Верано ке верано —
Вань сюлмыз поныса!

Тиледыз шулдыртозы нырысети классысь мусо нылъёсмы. Удмурт калык кырзан «Бакча берад кеносэд».

Пор эктон. Быдэстэ «Пинал мылкыд» ансамбль.

Ведущий 1:

Тиледыз ми возьмамы,

Шумпотим вуэмдылы.

Ми дорысь – ти доры,

Ти дорысь нош ми доры.

Весяклы эшъяськоно,

Вот соин отим куно.

Таин пумиськонмылэн нырысети люкетэз йылпумъяськиз.

2 ЛЮКЕТ

Ведущий 2:

Дано зуч поэт А.С.Пушкин театрез портмо дунне, пе, шуэм. Зэмзэ но, театре ветлон – со бадзым праздник. Соин герзаськемын шумпотон но, шулдыръяськон но, выль мылкыдъёс но. Нош кыче тунсыко, куке тон ачид шудиськод театрын. Озьыен, кутскиськом театрмес!
Ведущий 1: 

Мылкыдмы котькудмылэн тулыс,

Шундысиос пальышало котыр.

Та сцена асьмемыз туннэ вите

Быгатонмес возьматомы сюлмысь.

Ведущий 2:

Трос люкасько ке эшъёсыд,

Бадзым сандык овол кулэ.

Пичи гадяд ас сюлэмыд

Ваньзэс тэрытыны кулэ.

Ведущий 1:

Театр!Кыче со кыл?

Со праздник, со ик шумпотон.

Залмы но тырмемын туннэ

Шудисьёсты ваньмыз ик возьмало.

Ведущий 2:

Мон но оскисько

Туннэ дырмес

Умой ик ортчытом.

Ведущий 1:

Озьыен, вамыштиськом театральной дуннее.

• Ти азьын али Нырья шоръёзо школаысь дышетскисьёс И.З.Никитиналэсь «Чебер сюлэм» пьесазэ пуктозы.

• Починок-Сутер школа Е.Загребин «Куно» сценка

• Нижняя Русь школа С.Широбоков «Яратон ке овол» комедиысь люкет

• Лельвиж шоръёзо школаысь дышетскисьёс Г.Красильниковлэн «Пыртос» веросэзъя сценка

Ведущий 2:

Кыче умой, театр вань.

Со вал, луоз на кема ар.

Со валэктэ но, возьматэ.

Ваньмыз та дуннеын адямилы.

Татын ваньмыз ик вань

Диськут, крезьгур, шудон но маска

Улзе татын ик выжыкыл

Зечез но уродзэ ворме.

Ведущий 1:

Чошен туннэ шудыръяським, мозмим но.

Тунсыкозэ, пайдаёзэ тодим.

Татын басьтэм быгатонлык

Юрттоз, дыр, азьлапалан но.

Ведущий 2:

Таин, театральной дуннети котыръяськонмы йылпумъяськиз.

Ведущий 1:

Та вал асьме понна нырысети вамыш, кудзэ асьмеос лэсьтим выжыкыл, театр дуннее.

Ведущий 2:

Ти но, ми но кема дыр чоже тодамы возёмы та шулдыр тулыс пумиськонмес.

Гажано дышетисьёс, пиналъёс!                  

Бадзым тау тиледлы,

ужрадэ пыриськемды понна.              

Та тулыспал нуналэ                       
Тüледлы мон сüзисько:               

Зарезь ву быдза шудбур,

Тазалык, шудо улон.

Ваньдылы бадзым тау!