Сабақтың тақырыбы: Шәкәрім – философиялық лириканың негізін салушы ақын.
Сабақтың мақсаты:
а) білімділігі: Шәкәрімнің шығармашылығындағы философиялық ойлардың дәстүрге негізделуі және философиялық лириканың негізін салушы екендігін ұғындыру.
ә) дамытушылығы: Шығармаларын оқыту арқылы оқушылардың өзіндік ой қорытындысын жасай білуін және шығармашылық қабілетін дамыту.
б) тәрбиелігі: Оқушыларды адамгершілікке, адалдыққа, ішкі рухани тазалыққа тәрбиелеу.
Сабақтың көрнекілігі: Шәкәрімнің өлеңдер жинағы, «Аңыз адам» журналы, Шәкәрім туралы мақалалар, слайдтар
Сабақтың әдісі: Сұрақ-жауап, пікірлесу, топтастыру, талдау, еркін жазу, екі жақты күнделік.
Сабақтың жүрісі:
І. Ұйымдастыру кезеңі: 1. Сәлемдесу
2. Оқушыларды түгендеу
ІІ. Оқушылардан Шәкәрім туралы білетіндерін топтастыру арқылы тақтаға жаздырту. Мұғалім өзі қосымша деректер бере отырып, жаңа сабаққа көшу.
ІІІ. Жаңа сабақ.
Шәкәрім – философиялық лириканың негізін салушы ақын.
«Шәкәрім – шалқыған ақыл-парасаттың ақыны, пәлсапашыл, ойшыл қаламгер» М.Әлімбаев.
Кіріспе: Кейбір ғалымдардың пікірінше, қазақта философия болмаған, жоқ делініп жүр. Шынында, бұл – қате пікір. Қазақ ақынының көбі философ, ойшыл болған. Қазақ философиясын дамытқан тұлғалардың бірі – Шәкәрім. Ол кісі – діни философ. Философиялық ойларын сопылық дәстүрге негізделген. Оны Шәкәрімнің «Білімділерге бес сауал» деген еңбегіндегі сауалының бірі – «Жақсы адам деп қандай адамды айтамыз» - деп сұрайды да, өзі жауап беріп: «Жақсы адам дегеніміз – мейірімді, ынсапты, ақ ниетті, адал еңбек ететін адам», - дейді. Осы еңбегінің бесінші сауалында: «Заман өткен сайын адамның адамшылығы бұзылып бара ма, әлде түзеліп келе ме?»-дейді. Қандай жауап айтсаңыз да, бұған дәлелмен жауап беріңіз,-дейді Шәкәрім. Өлеңдерінде философиялық ойларын дамыта түседі.
-Сіздерге Шәкәрімнің осы ойлары төңірегінде өз пікірлеріңізді білдіру сұралады. (Ситуациялық сұрақтар тастап, оқушы пікірін білу. Түйінді ойларын қағаз бетіне түсіру).
Пікірталас:
Жақсы адам деп қандай адамды айтамыз?
Заман өткен сайын адамның адамшылығы бұзылып бара ма, әлде түзеліп келе ме?
Оқушылар пікірлері тыңдалғаннан кейін сабағымыздың негізіне көшу.
Топпен жұмыс
Тапсырмалар:
«Екі жақты күнделік» стратегиясы бойынша өлеңдерінен ең маңызды жолдарын тауып, өз көзқарасыңды жеткізе біл.
Өлеңдерін қазіргі заманмен байланыстырыңыз.
![](https://fsd.multiurok.ru/html/2017/08/28/s_59a3bcf3d426d/679082_1.png)
![](https://fsd.multiurok.ru/html/2017/08/28/s_59a3bcf3d426d/679082_2.png)
![](https://fsd.multiurok.ru/html/2017/08/28/s_59a3bcf3d426d/679082_3.png)
![](https://fsd.multiurok.ru/html/2017/08/28/s_59a3bcf3d426d/679082_4.png)
![](https://fsd.multiurok.ru/html/2017/08/28/s_59a3bcf3d426d/679082_5.png)
Егер сен ақын болсаң, қандай тақырыпта өлеңдер жазар едің?
Философиялық, педагогикалық, психологиялық
Жастық, махаббат
Лирикаларының
тақырыбы
Ағартушылық, гуманистік
Халық мұңы,
арманы, заман
адамы
Оқушыларды 4 топқа бөліп, іздену тапсырмаларын беру.
![](https://fsd.multiurok.ru/html/2017/08/28/s_59a3bcf3d426d/679082_8.png)
![](https://fsd.multiurok.ru/html/2017/08/28/s_59a3bcf3d426d/679082_9.png)
![](https://fsd.multiurok.ru/html/2017/08/28/s_59a3bcf3d426d/679082_10.png)
ІV. Бекіту тапсырмалары:
«Екі жақты күнделік» (Осы өлеңдерден ең маңызды деген жолдарды табу).
«Талап пен ақыл» өлеңі».
Өзіме ұнаған жолдар | Менің түсінігім |
Ар демек-адамшылық намыс деген, Арың кетпес жағыңа қарыс деген, Теріс ұғып жүрмесін мұны біреу, Сөз емес күншіл болып алыс деген. | «Жаным-арымның садағасы» деген қазақтың мақалы осы жерден көрінеді. Арың болмаса жер басып жүргенің құрысын. Күншілдік-өте жаман дерт. Сондықтан бұл әдеттерден аулақ болу керек деп ойлаймын. |
«Насихат» өлеңі.
Өзіме ұнаған жолдар | Менің түсінігім |
Білмегенді үйреніп,білгенді қылса есті сол, Білмегенді-білмеген, білгенді қылмау -сол жаман. | Кейбір балалар мұғалім бір нәрсені түсіндіргенде тыңдамайды. «Өзің білме, білгеннің тілін алма» деген жаман сөз бар. Не нәрсені айтқанда тыңдап, үйреніп, ниеттену керек. Біліп тұрған нәрсені істемеу де жаман әдет. |
«Кісіге адамшылық неге керек?» өлеңі.
Өзіме ұнаған жолдар | Менің түсінігім |
Кісіге адамшылық неге керек? Адамдық-өзге айуаннан артық демек. Мархаматты теріс деп кім айады, Адамшылық сол дейді таман зерек. Жаны ашып, жәрдем қылмай өткен адам- Өсіп,өшіп құлаған бір бәйтерек. | Адамға қай уақытта да адамшылық яғни адамгершілік қажет. Барлық адамға қолыңнан келгенше жақсылық жасап, құрмет, ізет көрсету-көргенді, инабатты адамның ісі. Кейбіреулер өзін жоғары санап, ешкімді менсінбейді. Менмен, тәкаппар адамды тәңірі де сүймейді деген бар емес пе? |
-Шәкәрімнің өнеге, өсиетке толы өлеңдерінен нені ұқтық?
Ақынның өлеңдері қайрат пен жігерге толы, ұлттық намыс пен сана-сезімді оятумен құнды, ол адамдарды адалдыққа, адагершілікке, шыншылдыққа, ізгілікке, имандылыққа тәрбиелейді. Әрбір адам осы қасиеттермен құнды және қадірлі болады.
V. Қорытынды.
-Заманының шындығын жырлаған Шәкәрім Құдайбердіұлының ұрпағына қалдырған мұрасы ұшан-теңіз.
-Өнегелі еңбегі бүгінде зерттеліп,ұрпақ тәрбиесіне мол үлесін қосуда.
-Шығармаларында халық мұңы, арманы, мұраты, өзінің сол халықты бақытқа, жақсылыққа жеткізуге ұмтылысы жырланады.
-Шәкәрім шығармаларын оқи отырып, біз өзімізге қандай тәрбие алдық?
![](https://fsd.multiurok.ru/html/2017/08/28/s_59a3bcf3d426d/679082_11.png)
![](https://fsd.multiurok.ru/html/2017/08/28/s_59a3bcf3d426d/679082_12.png)
![](https://fsd.multiurok.ru/html/2017/08/28/s_59a3bcf3d426d/679082_13.png)
Бойымызға қандай асыл қасиеттер жинақтадық?
Жақсылық
Адалдық
Ақыл-ой
Имандылық
Қайраттылық
Жігерлілік
Адамгершілік
Талаптылық
Шәкәрім шығармаларынан
нені үйрендім?
![](https://fsd.multiurok.ru/html/2017/08/28/s_59a3bcf3d426d/679082_15.png)
![](https://fsd.multiurok.ru/html/2017/08/28/s_59a3bcf3d426d/679082_16.png)
![](https://fsd.multiurok.ru/html/2017/08/28/s_59a3bcf3d426d/679082_17.png)
VІ. Бағалау.
VІІ. Үйге тапсырма. «Әркімнің сіңірген еңбегіне қарай сыйла». (Ой толғау жазу)