Кесте ішіндегі есептеулер

Кесте ішіндегі есептеулер

Кесте ішіндегі есептеулерді автоматтандыру үшін формулалар құрастырылады.Кестелік процессор ұяшықтың ішінде формула тұрғанын бірінші тұрған теңдік таңбасынан біледі.Сондықтан формуланың әрқашан = таңбасынан басталатынын есте сақтау керек.Формулада сендер қосу +,азайту-,көбейту*,бөлу/ арифметикалық амалдарын қолдана аласыңдар.Формулада ұяшықтың ішіндегі деректі қолдану үшін оған сілтеме көрсету керек.Мысалы,=А1+10.Формуланы енгізуді Enter пернесін басумен аяқтау керек.

D2 ұяшығындағы «құны» бағанын =В2*С2 формуласымен есептеу жүргіземіз.

D2 ұяшығының нәтижесін алу үшін;

• = таңбасын теру керек;
• B2 ұяшығын тінтуірмен шерту керек;
• * таңбасын теру керек
• C2 ұяшығын тінтуірмен шерту керек;
• енгізу пернесін басу керек
• D2 ұяшығында есептеудің нәтижесі шығады.Формуланың өзі формулалар жолында көрсетілетін болады,оны қажеттілік болған кезде редакциялауға болады.

• Даталарды есептеу
• Кестелік процессордың Дата деректер пішімімен есептеулер жасау қызықты мәселелерді шешуге мүмкіндік береді.Олардың бірі-екі датаның арасындағы күндер санын есептеу.
• Сендердің туған күндеріңе дейін қалған күндер санын есептейік.

• А1 және А2 ұышықтарында-Дата деректер пішімін белгілеңдер.
• А1 ұяшығына өздеріңнің келе жатқан туған күн датасын енгізіңдер «күн ,ай,жыл-мысалы20.12.2016».
• А2 ұяшығына дәл осы пішімде бүгінгі күнді енгізіңдер.
• А3 ұяшығында туған күндеріңе дейін қалған күндер саны =А1-А2 формуласымен анықтаңдар.Нәтиже дата түрінде шығады,сондықтан сандық пішімді таңдау керек болады.

Формулалардағы сілтемелер

Формуланы көшірілген ұяшықтың тұрған қалпына қарай көшіріп жазғанда немесе ауыстырғанда,формула автоматты түрде өзгереді.

«Құны» бағанындағы нәтижені есептеу үшін біз келесі формулаларды пайдаландық:

D2 ұяшығы =В2*С2

D3 ұяшығы =В3*С3

D4 ұяшығы =В4*С4

Өздерің көріп тұрғандай,формулаларда жолдың нөмірі соған сәйкес өзгертілетіндіктен формуланы D2 ұяшығында енгізіп, оны қалған ұяшықтарға толтыру таңбасы немесе көшіріп жазу амалы арқылы көшіре аласыңдар.

Сілтеме -бұл басқа ұяшыққа үндеу.

Формуланы көшіріп жазғанда немесе ауыстырғанда автоматты түрде өзгеретін сілтеме салыстырмалы деп аталады.Келтеге «$-да есептелген баға» бағанын қосамыз.Бұл бағандағы мәндерді есептеу үшін доллардың теңгеге бағамы керек болады.Кестенің өзгерген түрін қараңдар

Е3 және Е4 ұяшықтарында нәтиже алу үшін толтыру таңбасын қолданамыз.Сонда #ДЕЛ/0! Катесі шығады.

Осы титегі формулаларда ұяшықтарға сілтеме көшіріп жазғанда немесе ауыстырғанда өзгермеу керек.Осындай типтегі сілтемелер абсолюттік деп аталады.Оларды белгілеу үшін өзгермейтін бөлімнің алдына $ белгісін қояды.

=B2/$B$7-осындай формула Е2 ұяшығында болу тиіс.

Салыстармалы сілтеме абсолюттікке айналу үшін,формулада керекті сілтемені ерекшелеу және F4 пернесін басу қажет.Сілтеме $B$7 түрін алады. F4 пернесін қайта басу сілтемені В$7 түріне айналдырады.Тағы бір басқан кезде $B7 аламыз.Төртінші рет басу қайтадн салыстармалы сілтемені береді.

Түйін

• Сілтеме-бұл басқа ұяшыққа үндеу.

• Формулаларда ұяшықтардың сілтемелері көрсетіледі.
• Формула көшірілген ұяшықтың тұрған қалпына қарай көшіріп жазғанда немесе ауыстырғанда автоматты түрде өзгереді.
• Формула көшіріп жазғанда немесе ауыстырғанда автоматты түрде өзгерсе ,бұл типті сілтеме салыстырмалы деп аталады.
• Егер сілтеме көшіріп жазғанда өзгермесе-ол абсолюттік болады.Оны белгілеу үшін өзгермейтін бөлігінің алдына $ таңбасын қояды.

Бақылау сұрақтары мен тапсырмалар

• Деректер типінің қайсысымен есептеуді өткізуге болады,қайсысымен болмайды?
• Дата пішімімен қалай есептеуге болады?
• Формуласы бар ұяшықты көшіру тәсілдерін атап беріңдер.
• Сілтеме деген не?
• Салыстырмалы және абсолюттік сілтемелердің айырмашылығы неде?
• Абсолюттік сілтеменің қолданылуына мысал келтіріңдер.
• Салыстырмалы сілтемені абсолюттік сілтемеге қалай айналдыруға болады?
• Сілтеменің типін көрсетіңдер:

*G23;

*$C9;

*$S$5;

9. F13 ұяшығына =E13/$B$4 формуласын енгізді.содан кейін формуланы F15 ұяшығында қандай формула бар?

10.$A1 типті сілтеменің қолданылуына мысал келтіріңдер.