Конспект Драма "Қызыл телпектің саяхаты"

Ортаңғы«Қызғалдақ» тобындағы ұйымдастырылған оқу қызметінің конспектісі

Өткізу күні: 09.10.2018 ж

Тәрбиеші: Фаткуллина К.С.

Білім беру саласы: «Коммуникация»

Пән:Драма

Өтпелі тақырып: «Табиғат әлемі»

Тақырыбы: : «Қызыл телпектің саяхаты» Ертегі (сахналау)

Мақсаты:

-Тәрбиелік: Балаларды табиғатты аялауға, еңбекқорлыққа, ұғымпаз, ұқыпты болуға тәрбиелеу.

-Дамытушылық: : Сөйлеу мәдениетін, сөздік қорларын байыту, жұмбақтар шешу арқылы ойлау, сөйлеу мәдениеттерін дамыту.

-Оқыту: :«Қызыл телпек» ертегісінің желісі бойынша алған білімдерін кеңейту. Ертегілер еліне саяхатқа шығуын елестету

Педагогикалық технологиялар:дамыту

Ресурстармен қамтамасыз ету:суреттер,қызыл телпек,түлкі,қасқыр,әже

Билингвалдық компонент:ертегі сказка,қызыл телпек красная шапочка

Ұйымдастырылған оқу қызметінің барысы:

 I.Ұйымдастырушылық кезеңі:

Арайлап бүгін атты күн,

Шашып бізге шапағын.

Тілейміз біз ақ таңның,

Қуанышын шаттығын

Қайырлы таң,қайырлы күн!

II. Негізгі бөлім:

Балалар,сендер ертегіні ұнатасыңдар ма?Қандай ертегілерді білесіңдер?

Балалар,мен қазір сендер ертегіні қаншалықты жақсы білетіндеріңді тексеремін.Ертегілер дің үзіндісін оқимын,ал сендер ол қай ертегінің үзіндісі екенін айту керексіңдер.

(Қызыл телпек кіреді.)

Қызыл телпек:Сәлеметсіңдер ме, балалар!Сендер қандай әдемісіңдер.

Тәрбиеші:міне қызық балалар,жаңа ғана ертегілер туралы айтып едік.Ал мына әдемі қыз қай ертегінің кейіпкері?(балалардың жауабы)

Қызыл телпек:Балалар мен әжемнің үйіне қонаққа бара жатырмын.Сендер менімен барасыңдар ма?

Тәрбиеші:Ал енді жолға аттанайық.Балалар жолда абай болыңдар.Өлең айту.

Шалшық сумен жүреміз шолп,шолп,

Тастарменен жүреміз тарс,тарс.

Жасыл шөппен жүреміз сырт,сырт,

Жолдарменен жүреміз топ,топ.

Тәрбиеші:балалар орманға да жақындап қалған сияқтымыз.Міне орманға да келдік.Қараң даршы орманда құстар сайрап,гүлдер жайнап,көбелектер ұшып жүр.Орманда қандай ағаштарды көріп тұрсыңдар?

Міне керемет,мына ағаш сиқырлы екен.Гүлдері де сиқырлы екен алып көрейікші.Ой бала лар мына гүлде жұмбақ жасырылған екен.Кәне жұмбақ шешейік:

Таңмен көзін ашады,

Әлемге нұрын шашады.(күн)

Тарс,тарс тамады,

Сайға қарай ағады.(жаңбыр)

Гүл ұшып гүлге қонады,

Гүл бақшам гүлге толады.(көбелек)

(Түлкі шығады.)

Түлкі:Келгендерін қандай жақсы болды.Менімен ойнайсыңдар ма?

Ойын: «үй құрастыру»

Балалар сендер үйді қандай пішіндерден құрастырдыңдар?

Түлкі:балалар рахмет ,қоштасып кетеді.

(қасқыр кездеседі)

Қақырға көбелектерді санауға көмектесу.(тура кері санау)

Әрі қарай жүру.

Міне қызыл телпектің әжесіне де жеттік.

Әжемен амандасу.

Әже балаларға «Қызыл телпек»ертегісін айтып береді.Балалар ертегі сендерге ұнады ма?

Осылай маған қонаққа келіп тұрыңдар.Мен көп ертегілер білемін.Балалар әжемен,қызыл телпекпен қоштасып топға оралады.

Қорытынды: Балалар сендерге саяхат ұнады ма?

Орманда нелерді кездестірдік?Олар қай ертегіде кездеседі?

Әже қандай ертегімен таныстырды?ертегі сендерге ұнады ма?

Жақсы қатысқан балаларды мақтап,мадақтау.