Конспект урока по крымскотатарскому языку "Строчная и заглавная буква Ж, ж, обозначающая твердый согласный звук"

Дата:30.03.2021г Урок №27 Класс:1

Предмет:родной( крымскотатарский) язык Учитель: Аппазова Э.Н.

Тема: Строчная и заглавная буква Ж, ж, обозначающая твердый согласный звук .Одежда.

Мевзу: Ж арифи. Урбалар.

Макъсат: Ж арифнен ве [ж] сеснен таныштырмакъ ичюн шараитлер яратмакъ; талебелернинъ фааль лугъатларыны арттырув, окъув алышкъанлыкъларыны инкишаф этюв.

Универсаль окъув енъишлерни шекилленюви:

Предметли: янъы Ж арифнен ве онен бельгиленген [ж] сесинен таныш оладжакълар, сёзлерде [ш] сесини айыраджакълар, янъы арифнен эджалар ве сёзлерни окъуйджакълар;

Метапредметли:

- бильдириджи: бильдириджи макъсадыны шекиллендирелер, малюматны къыдыралар ве айыралар, бильгилерни талиль этелер ве умумийлештирелер;

- тертипке кетириджи: ишлерини планлаштырув, нетиджелев ве иш боюнджа тюзетюв;

- къонушув: бир биринен къонушалар, субетдешни дикъкъатнен динълейлер, суаллерге джевап тапалар, дерсликнен чалышалар;

Шахсиетли: бир бирине хайырхахлыкъ, итибар бильдирелер, бильги мусбет мунасебетнен алалар, дикъкъат ве сабырнен чалышалар, ана тилине меракъ ве севги бильдирелер.

Дерс чешити: бирлешкен.

Донатма: арифлернинъ нумюнеси, дерсликлер, ноутбук, презентация.

Дерснинъ кетишаты

1. Тешкилий дакъкъасы. Окъувгъа мотивациясы.

Мектеп чанъы чынъылдай,

Сеси кескин янъгъырай.

Дерске биз энди азырмыз,

Дерсте чокъ бильги алырмыз.

2. Таянч бильгилерини актуаллештирюв.

- Кечкен дерснинъ мевзуны хатырланъыз.

- Эписи сеслерни насыл эки группагъа болемиз? (созукъ ве тутукъ сеслер)

- Оларны насыл аляметлерге коре айырамыз?

- [ж] сеси акъкъында не айта билесинъиз?

Эджаларны окъув

Дерсликнен чалышув. (82-83 с.)

3. Раатлыкъ дакъкъасы.

4. Огретюв вазифесини къоюв.

- Бугуньки мевзуны тарифлемек ичюн, шиирчикни динъленъиз. Насыл сес текрарлана?

- Мевзумызны илян этинъиз.

- Дерсимизден нени беклейсиз? (балалар озь фикирлерини бильдирелер)

5. Янъы мальземени анълатув.

Сёзлерде [ж] сесини айырув.

- Бу сёзлерде биринджи сесини текрарланъыз.

- О, созукъ я да тутукъ сес? Фикринъизни анълатынъыз.

- Ким биле, бу сес насыл арифнен ишаретлене? Арифлер джыйылгъан тахтада косьтеринъиз.

(бир талебе тахтагъа чыкъа, къалгъанлары арифлер ве эджалар топламынен чалышалар)

Ж арифнен танышув.

Эджаларны окъув.

Жа,жу,же,жи,жя

журафе

Темизайтувлар.

Шу-шу-шу – Энвернинъ сары къушу.

Ша-ша-ша – Къушчыкъ, сен богъдай аша.

Шы-шы-шы – бугунь авасы яхшы.

Ше-ше-ше – явлукъ манъа келише.

Ши-ши-ши – Азизнинъ битти иши.

6. Ильк пекитюв.

Лугъат иши.

- Сёзлерни окъунъыз ве терджиме этинъиз.(баш – голова, таш – камень, аш – еда)

- Бу сёзлергъе –лыкъ къошулса, янъы сёзлер пейда олур. Окъунъыз бу сёзлерни. Манасыны анълатынъыз. (талебелер сёз япыджы афикснен танышалар)

Сёзлерни окъув. (фронталь иш)

Дерсликнен чалышув. (чифтлешип чалышув)

7. Раатлыкъ дакъкъасы.

Оюн «[ж] сесини тут»

8. Пекитюв.

[ж] ве [ш] сеслерни тенъештирюв.

- Сёзлернен джумлелер уйдурынъыз. (группаларда чалышув. Ана тилини яхшы бильген балалар мустакъиль чалышалар. Тильни яхшы бильмеген исе балалар, къягъыт устюнде язылгъан сёзлерни бир-бири артындан догъру тизьмек кереклер.)

9. Дерснинъ нетиджесини чыкъарув. Рефлексия.

- Дерсимизнинъ мевзусыны хатырланъыз.

- Бу мевзу боюнджа насыл ишлер беджердик?

- Насыл вазифелер агъырджа корюнди? Не ичюн? Агъыр олмасын деп, не япмакъ керек эди?

- Насыл вазифелер меракълы эди? Нени бегендинъиз?

- Ким бугунь яхшы ишледи?

- Кимге ярдым керек олды?

Талебелер озь-озюне баа кеселер.