Конспект урока по родному (табасаранскому) языку для 6-го класса на тему "Образование имён существительных"

Муниципальное казенное общеобразовательное учреждение

"Гимназия"

Табасаранского района

Открытый урок по родному языку в 6-ом классе на тему:

"Существительнйир арайиз гъюб"

Подготовила: учитель родного (табасаранского) языка и литературы Магомедова Лейла Абдулгамидовна

2020 г.

Дарснан тема: Существительнйир арайиз гъюб.

Дарснан метлеб: ученикар сущуствительнйир арайиз гъюбан саягъарихъди

таниш апIуб, фициб саягъниинди существительнйир арайиз дуфнаш, ахтармиш апIуб.

Дарснан алатар: 6-пи классдин учебник, тетрадь, мультимедийный проектор, ноутбук, существительнйир арайиз гъюбан слайдар, схемйир, словарар ва гь. ж.

Дарснан гидишат.

1. Класс тешкил апIуб.

-Саламалейкум аьзиз баяр-шубар ва учухьна дуфнайи хялар!

-Арццай, баяр-шубар, тетрадар ва бикIай гъийин число ва классдин ляхин.

2. Ккудубшу дарс гьерхуб ва мюгькам апIуб.

Ккудубшу дарс ахтармиш апIбан бадали доскайихьна гъягъиди 3 ученик.

1-ученик"гьар" кIуру гаф асул ва йишван падежариз дигиш апIуб.

2-ученик "инсан" кI уру гаф асул ва йишван падежариз дигиш апIуб.

3-ученик.Падежариъ айи существительнйириккан цIарар ккадатуб

ва дурарин кьадарна падеж тяйин апIуб .

Дагъдин кIанакк ккайи дюз майдандиин гъвандин исчIли хулар айи саб

йирси гъул айи.

Дадайи , дегьлиздикк дуркьарихъ деъну, халачи убхури гъахьну.

Доскайихь хьайидари ляхин ккудубкIиган , имбудари ккудушу темайиан суалар тувру:

-Табасаран чIалнаъ швнуб падеж а ?

-Дурар швнуб жюрейин падежариз пай шулу?

-Асул падежарик фундар кахьру ва фицдар суалариз жаваб шулу?

-Йишван падежар швнуб жюре а?

-Фтиз кIуру морфология?

-Фтиз кIуру орфография?

-Табасаран чIалнан морфологияйи фундар чIалнан паяр ахтармиш апIуру?

(Сущ.,прил.,чис.,нар. ва ж.)

3.ЦIийи темайиин ляхин апIуб.

ЦIийи дарс аьгъю апIбан бадали учители кьюб дуниъди гафар тувру.

1.Хил, хал, аба, чвул, кIул, хтул, хьад.

2.Акувал, хюрчабан, гъилицнац, бюркьяц, игитвал,укIушин, гьацIишвар.

Суалар: Сабпи дуниъ айи гафар фици арайиз дуфна?Жаваб:Дурар гафарин асулар ву, мицдар гафариз дюзмиш даршидар кIуру. Кьюбпи дуниъ айи гафар фици арайиз дуфна? Гьаму гафар гафарин морфемйириинди, жара гафарикан арайиз дуфнайидар ву, мицдар гафариз дюзмиш гъашидар кIуру.

3. ЦIийи дарс.

Гъубшу дарснаъ ухьу существительноейин асуликан гъулхунхьа.

Гафнан асул фицдар морфемйирикан арайиз дуфна ?

(суффикс, префикс, ччив)

Гьадрарикан фундарин кюмекниинди цiийи гафар арай из хуз шулу?(суфф., преф., ччив.). Таблицайин зиин ляхин тешкил апiуб.

Суффиксарин кюмекниинди существительнйир арайиз гъюб.

Табасаран чIалнаъ хайлин существительнйир жара чIалнан паярикан арайиз дуфнайидарра а.(пригательнйирикан, глаголарикан, ччвурнан еринарикан ва гь ж.)

Учители сасдар глаголарикан суффиксарин кюмекниинди существительнйир

арайиз хуз ученикариз теклиф апIуру,месела: -ал,-ин суффиксарин кюмекниинди(ургуб-ургал,лихуб-ляхин...)Ученикари гафар арайиз хувал таблицайин кюмекниинди давам апIуру.

Префиксарин кюмекнииндира гафар арайиз хуз шулу, месела:гъадабгъурхьа гаф:хуш- дидин улихь на- префикс дивбиинди арайиз гъюру цiийи гаф - нахуш.

Г ьамциб саягъниинди жара префиксарин кюмекнииндира гафар арайиз хуз шулу(исихъ хъайи таблицайиъ улупнайиганси).

Суффиксна префикс сатIиди ишлетмиш апIурира цIийи гафар арайиз хуз шулу, месела:

наразивал, гъилицнац, нахушвал.

Гьаму гафар арайиз гъюбан саягъарилан гъайри табасаран чIалнаъ жарадарра а.

Гафар чиб- чиб*ин иливган ,ясана кьюб асул чиб-чиб*ин иливганра цIийи гафар арайиз хуру,месела:

мутму, тупмаргъ, байвахт, Шихмягьмад.

4.Таза дарс мюгькам апIуб.

1. 84(1,2)-пи илчIихуб.4 ученикди доска пай апIуру ва гьарури илчiихбариъ тувнайи юкьу -юкьуб гафнакан цIийи существительнйир арайиз хуру .

2.85-пи илчIихуб. Гьарури чан кIул*инди глаголарихъ дюзди суффиксар хъаъ ри цIийи существительнйир арайиз хуру.Ухди ккудубкIу 3 ученикдиз кьиматар дивру.

3. Мялимди 5 гаф урхуру: гъяни, кеф, харат, бахт, лизи.

Тувнайи гафарикан мелзналан цIийи гафар арайиз аькъинай.

(гъянигъузи, бейкеф,харатчи, бахтлу,лизишин).

5. Дарснан натижа йивуб.

-Фицдар саягъариинди арайиз гъюру существительнйир?

-Фицдар суффиксарин кюмекниинди арайиз гъюру пишекарвалин гафар?

Фунуб саягъариинди арайиз дуфна гьаму гафар:

тiубжакьв, наразивал, бедбахтвал,зурначи,кIарарбан.

6.Хулаз ляхин.

Параграф 18. 86 (2)-пи илчIихуб.