Конспект урока. Антонимхэр. 5 класс

Мурадыр: Антонимхэр зыфа1охэрэр, ахэм ямэхьанхэр къагурыгъэ1оныр, антонимхэм къапыщыт мэхьанэ зи1э гущы1эхэр къафагъотышъунхэу егъэсэгъэнхэр.

Урокым ик1уак1.

1. Классым изэхэщэн.
2. К1элэегъаджэм игущы1.

К1алэхэр! Непэ тиурок адрэ урокмэ афэдэп. Тиурокы ыц1эр: «Хым тытетэу тесы!»

Непэ лексикэм ихэгъэгу тык1ощт. Ащ пае шъуипартхэмэ къухьэ ц1ык1ухэр къатежъугъэуцох. (Тхылъып1э къухьэхэр къаштэх. Капитаныр хадзы.). Капитаным къе1о: Бурзыр къэтэ1эты, занк1эу тесы. Апэрэ къухьэ уцуп1эу тызнэсыгъэм ыц1эр: «Тэрэзэу къэтх».

1. Словарнэ-орфографическэ 1офш1эн. (Хэтын буквэхэр хагъэуцожьых, приставкэхэм ак1агъэтхъы):

Мак...о, мэ...хы, зи...фагъ, зигъэ...ылъыгъ, къэ...эсыгъ.

(Зы нэбгырэ доскэм 1офш1эныр къыщеш1ы, адрэхэм атхых).

Капитаныр: Занк1эу тесы! Къэлъагъо хыгъэхъунэу «Угу къэгъэк1ыжь!»

(Доскэм сурэт ш1ыгъэу ромашкэ пылъагъ. Нэбгырих къы1охьэшъ, зы тхьэпэ зырыз аштэ, упч1эу итхэм яджэуапхэр къатыжьых).

Упч1эхэр зэхьыл1агъэхэр блэк1ыгъэ темэу ак1угъэхэр арых.

Сыда мэхьэнабэ зи1э гущы1 зыфа1орэр?(щысэ).

Сыда зы мэхьанэ зи1э гущы1 зыфа1орэр?(щысэ).

Тыдэ ащагъэфедэхэра ехьщыр мэхьанэ зи1э гущы1эхэр?

Сыда омонимхэк1э тызаджэхэрэр?(щысэ).

Гущы1эухыгъэ къэугупшыс зы омоним хэтэу. (Упч1эр к1элэеджак1ом ымыш1э зыхъук1э классым щыщхэр къыде1эх.)

1. Капитаныр: Чыжьэк1э къэлъагъо къухьэ уцуп1эу «Зыгъэпсэф».

Физминуткэ к1алэхэм аш1ы. (Зы нэбгырэ къарегъэш1ы, мы гущы1эхэр къыда1охэзэ):

Мышк1у-мышк1у,

Мышк1у лъабжъ,

Лъэбжъэук1,

Бжьау к1эн,

К1эн къахьи

Тыгъэджэгу.

Джэгум сыхьи

Сыкъахьыжь!

1. К1элэегъаджэр: К1алэхэр! Джы антонимхэм яхэгъэгу тыкъесы. Нэ1уасэ тызэфэжъугъэхъух.

Зы бзэ гущы1эм щыщхэу, зэпыщыт лексическэ мэхьанэ зи1э гущы1эхэм антонимхэр ара1о: ц1ык1у-ины, дахэ-1ае, тэдж-т1ыс.. (К1алэхэм щысэхэр къахьых). Плакат доскэм пылъагъ.

1. Джы нахь дэгъоу къыжъугуры1оным пае темэр, мыщ фэдэ джэгук1эк1э тыджэгущт: «Хэт

къы1он, хэт къыш1эн?» Къызы1орэм теш1уш1эн, къэзыш1эрэм ш1у фэтш1эн! (Карточкэхэр аретых. Карточкэхэм хырыхыхьэхэр атетых, ахэм антонимхэр къахагъэщых, къапатхэх).

Л1ыжъы ц1ык1у щыгъубэшх.

Ц1ык1у-ины.

Ыпэ к1ыхьэ, ыпшъэ 1ае.

К1ыхьэ-к1ако

1ае-дахэ.

Тихатэ сыдаплъэмэ цу фыжь хэсэлъагъо.

Фыжьы-ш1уц1э.

Лэжьыгъэр ехыжьы

Ехыжьы, 1уехыжьы,

1ожьыгъэр зэпедзы,

Къабзэу къыдэк1ы.

Къабзэу - ш1оеу.

1. Пхъанэр къаушъэ.

Антонимхэр ят1онэрэ пхъанэм ратхэх, тетрадхэм адатхэх.

1. К1элэегъэджэр: джы пцэжъыешэ дэгъум теплъыщт. Пцэжъые пэпчъ ык1ыбк1э гущы1эжъхэр тетхагъэх. Антонимхэр къыхагъэщых,гущы1эхэм ямэхьан къа1о.(Нэбгырищ доскэм къыдэк1ы. Пцэкъэтфэу магнит зыпылъымк1э пцэжъыехэр къаубытых, гущы1эжъхэр доскэм къытратхэх, антонимхэр къыхагъэщых:

Чэтжъые пасэр мэлъае, чэтжъые к1асэр бгъэм ехьы.

Уижъ ы1орэр ш1э, уик1э ыш1ырэр шхы.

К1ыр к1ыизэ къэк1о, гъэр гъызэ мэк1ожьы.

1. Зы нэбгырэ доскэм 1оф щеш1э, 1оф 157. Атхы адрэхэм. Зэпыщыт мэхьанэ зи1э гущы1эхэр къапатхэх.

Пц1ы-шъыпкъэ

Зэпыин-зэш1ун

Шъуамбгъо-бгъузэ

Лъагэ-лъхъанчэ

Фабэ-чъы1э

Стыры-чъы1э

Щысых-щытых

Дэк1уае-къехы

Онтэгъу-псык1э

Ек1ы-ехьэ

Мэщхы-мэгъы.

1. К1элэегъаджэр: антонимхэм яхэгъэгу хъупхъэу зыкъыщыжъугъэлъэгъуагъ. Зэк1эми ясэ1о

аферэм! Шъулъэгъугъи, зэхэшъухыгъи къэжъугъэшъыпкъэжьынэу унэмк1э антоним 8 къэшъотхы п.38.

1. Оценкэхэм ягъэуцун, дневникхэм дегъэуцо.

Нэрылъэгъу 1эпы1эгъоу гъэфедагъэхэр:

1. Учебникхэр.
2. Плакатыр(антонимхэр тетэу).
3. Хырыхыхьэхэр.
4. Гущы1эжъхэр
5. Карточкэхэр.
6. Кроссоврдхэр.
7. Ромашкэ сурэтыр.