Конспект урока на тему «Қарым-қатанас»

САБАҚТЫҢ ТАҚЫРЫБЫ: Қарым -қатынас

САБАҚТЫҢ МАҚСАТЫ:

Өткен тақырыпты еске түсіре отырып, адамдар арасындағы қарым-қатынас жайында айта білу.

Бұрынғы өткен шақ, сұрау есімдігін меңгерту арқылы білімдерін толықтырып, отбасы мүшелерін сипаттай білуге үйрету.

• Өзіндік ой-пікірін, көзқарасын білдіруге жағдай жасау, тіл байлықтарын, сөздік қорларын молайту.

САБАҚ ТҮРІ: дәстүрлі сабақ

САБАҚТЫҢ ӘДІСІ: қайталау, түсіндіру, сұрақ-жауап, аударма, сөздікпен жұмыс, интерактивті тақтамен жұмыс.

САБАҚТЫҢ КӨРНЕКІЛІГІ: слайд, аудио-бейне материалдар, суреттер.

Грамматикалық тақырып: сұрау есімдігі.

Лексикалық минимум: қарым-қатынас, байланыс, дос, ескі достар, жақын достар, құрбы, мінез, сыйлау, шеге, суыру, кірбің, таныс

САБАҚ БАРЫСЫ

І. Ұйымдастыру кезеңі

Сөзтіркестері бойынша сөйлем құрыңыз.

1) үлкен отбасы

2) телефонмен сөйлесу

3) менің құрбым

4) ағалы-інілі

5) әке мен бала

6) жақын достар

7) оның әріптесі

8) іскер кездесу

ІІ. Жаңа сабақ Қарым-қатыныс

Лексикалық минимум.

Мақсаты: жаңа сөздердің оқып, мағынасымен таныстыру, сөздік қорларын дамыту, жетілдіру.

қарым-қатынас –отношение, мінез – характер, байланыс- связь, сыйлау –уважать,

дос –друг, шеге – гвоздь, ескі достар - старые друзья ,суыру – выдергивание, жақын достар- близкие друзья, кірбің -досада , құрбы - подруга , таныс –знакомый.

Сұрау есімдігі

Сұрағы: кім? не? қалай? қашан? қай? қандай? қайдан?

Мысалы: Қайда барасың? Үйге барамын.

Мысалы: Кімді көрдің?Көршінің қызын көрдім.

3.Асты сызылған сөзге сұрақ қойыңыз.

1.Менің пәтерім жақсы. Сенің пәтерін қандай?

2.Кешеден бері қар жауып тұр.

3.Сіздің мамандығыңз – есепші.

4.Оның әкесі қызыл мәшине алды.

5.Менің әпкем ертең келеді.

ЖАЗЫЛЫМ БӨЛІГІ

1. Тыныс белгілерін қойып, сұраулы сөйлемдерді сол жаққа, хабарлы сөйлемдерді оң жаққа теріп жазыңыз.

1. ................................ 1. ................................

2. ............................... . 2. ................................

3. ............................... 3. ................................

4. ............................... 4. ................................

2. Мағыналас фразаны табыңыз.

ОҚЫЛЫМ БӨЛІГІ

Мәтінді оқыңыз.

Шегенің ізі

Бір мінезі жаман жас жігіт болыпты. Бір күні әкесі оған бір жәшікті беріпті. Жәшәктің іші шегеге толы екен. Жігіт: «Әке, маған мына жәшік пен шеге не үшін керек?» - деп сұрапты. Әкесі: «Достарынмен әр жанжалдасып немесе ренжісіп қалған кезде мына тақтайға бір шегеден тағып отыр», - депті.

Алғашқы күні тақтайға жігіт 10 шеге тағыпты. Одан кейінгі апталарда жігіт шегенің санын азайта бастапты.

Бір айдан кейін жігіт тақтайға мүлде шеге қақпапты. Бұл жайды әкесіне айтыпты. Сонда әкесі жігітке тақтайды көрсетіп: «Ал, енді балам, бүгіннен бастап, достарынмен татуласқан, оларды ренжіткені үшін кешірім сұраған әр күнін үшін тақтадан бір шегеден суырып алып таста», - депті.

Біраз күндер өтіпті. Бір күні қараса, тақтайдағы барлық шегені суырып біткен екен. Сонда әкесі баласына тақтайды көрсетіп: «Балам, жарайсың, жарадың, - депті, алайда, мына тақтайға жақсылап қарашы. Шегелерді суырғанда қалып қойған көп тесікті көріп тұрсың ба? Демек, тақтай бұрынғыдай таза қалпында, әдемі болып қалмайды деген сөз. Достарыңмен ренжіскенде, бір-біріңді түсінбеген кезде жаман сөздер айтылады. Әр бір айтылған жаман сөз өзінің артына мына шегелер сияқты қара тесік қалдырады. Жолдасың да, сен де өзара кешірдік, енді қайтадан доспыз дегенмен, дәл мына тесіктер секілді көңілде кірбің қалады. Бұл – шындық. Сондықтан дос қадірін біліп, ешкіммен ренжіспейтін, араздаспайтын бол, балам. Әрқашан тату болғаның жақсы», - деген екен әкесі.

Сабақты бекіту.

Сұрақтарға жауап беріңіз.

1. Ең жақын досыңыздың есімі кім?

2. Онымен қашан таныстыңыз?

3. Досыңызды ренжітіп алған кезіңіз болды ма?

4. Сіз үшін кешірім сұрау оңай ма?

5. Досыңыздың қандай болғанын қалар едіңіз?

Суреттерді қолданып, сюжетті мәтін жазыңыз.