Гом урок ирон æвзагæй
2 «А» къласы
Темæ: «Дæргъвæтин æмхъæлæсонтæ.
Сæ растфыссынад».
Ахуыргæнæг: Дудиаты Р.Л.
Темæ: «Дæргъвæтин æмхъæлæсонтæ. Сæ растфыссынад».
Урочы нысан.
1.Дамгъуат зæрдыл æрлæууын кæнын фарстатæм гæсгæ.
2. Ǽмбарын кæнын сывæллæттæн дæргъвæтин
æмхъæлæсонтæ æмæ æмхъæлæсон къордты растфыссынады тыххæй.
Цæстуынгæ æрмæг:
а) дамгъуат;
æ) хъæлæсонты æмæ æмхъæлæсонты таблицæтæ;
б) зылангон æмæ æзылангон æмхъæлæсонты таблицæтæ.
Урочы цыд.
1. Хæдзармæ куыст сбæрæг кæнын.
2. Фарстаты руаджы сбæрæг кæнын, сывæллæттæ раззаг урокыл цы базыдтой, уый:
-Цы у текст?
-Цæмæй хицæн кæнынц мыртæ дамгъæтæй?
-Цы у диалог?
-Цы у монолог?
- Цы хонæм дамгъуат, цæмæн нæ хъæуы?
-Радзурын дамгъуаты тыххæй цыдæриддæр сахуыр кодтам, уыдон.
- Цал сты хъæлæсон мыртæ æмæ æмхъæлæсон мыртæ(ранымайын сæ).
- Зылангон æмæ æзылангон мыртæ (ранымайын).
3. Ног æрмæг.
Чи зæгъдзæн, куыд хуыйны ацы мæй?
-Мах абон сымахимæ ацæудзыстæм балцы Къостайы райгуырæн хъǽу Нармæ.
-Цæмæ цæуæм Нармæ?
-Кæфты мæй цавæр стыр бæрæгбон вæййы?
-Чи у Къоста?
- Цавæр æмбисæндтæ сфæлдыста Хетæгкаты Къоста?
Адæмæн зæхх у сæ дарæг.
Ǽнæзивæг куы уай, - хуыздæр бынат дæ бар.
Алы куыстæн - рад, дзидзидайан – мад.
-Нары хъуæма бахизæны кæй уынæм?
-Чи радзурдзæн æмдæзвæг?
-Куыд нæм хъуысы дзырд сывæллæттæ?
Дзургæйæ дæргъвæтинæй цы æмхъæлсонтæ фæхъуысынц, уыдон фысгæйæ нысангонд цæуынц дывæргонд дамгъæтæй.
1-аг фæлтæрæн
Ǽркæсут нывтæм. Бакæсут, сæ бынмæ цы дзырдтæ фыст ис, уыдон.
Зæгъут,цы бафиппайдтат дзырдты растфыссынады ?
Дывæргонд æмхъæлæсонтæ куыд хъуысынц?
Дзырдтæ рафыссут уæ тетрадты дыууæ цæджындзæй: иуы - цæрæгойтæ, иннæйы - мæргъты нæмттæ.
Къорды куыст.
- Цы уынæм нывы?(дыууæ халоны)
-Чи радзурдзæн æмдæзвгæ?
-Куыд нæм хъуысы дзырд дыууæ?
Текст хъæугæ дзырдтæй баххæст кæнут.
Куыдз у адæймаджы хæлар. Кæны йын …, … йын йæ хæдзар, йæ… . Зæгъын хъæуы уый, æмæ не ххуысгæнджытæ сты, хицæуттæ кæмæн ис, ахæм … .
Дзæгъæл куыйтæ та … кæй вæййынц, уый аххосæй хъыгдарынц адæмы, мæргъты, фосы.
Дзырдтæ спайда кæнынæн: хъахъхъæны, æххуыс, фæллой, æххормаг, куыйтæ.
Æрмæг ныффидар кæнын.
2 – аг фæлтæрæн.
Бакæсут радзырд.
Ǽмхъæлæсонтæ дæргъвæтинæй кæцы дзырдты хъуысынц?
Куыд фыст сты?
Ныффыссут текст уæ тетрæдты. Бахахх кæнут дывæргонд æмхъæлæсонтæ.
Цавæр мæргътæ ма зонут?
Куыд сæ хъахъхъæнут?
Къордты куыст. Уыци -уыцитæ.
1 –аг къорд: Цъиу нæу,афтæмæй цæрдæг,
Къалиуæй къалиумæ гæппытæ кæны.
(Ǽхсæрсæттæг)
2 – аг къорд: Тагъд кæны цары ахстон сбийыныл, баныхасыныл, байсæрдыныл.
Цавæр цъиу у уый?
(Зæрватыкк)
3 – аг къорд: Уазал мигъ комы æрбады ныллæг,
Бафснайынц гонты бæркадджын тыллæг.
Сыфтǽртǽ фезгъǽлынц зǽхмǽ.
(Фæззæг)
Урочы кæронбæттæн.
- Цы фæцыди абон урочы тынгдæр уæ зæрдæмæ?
- Цавæр мхъæлæсонтимæ куыстам?
- Цавæр æмбисæндтæ базыдтам? Чи сæ ныффыста?
-Абон урочы базыдтон…
-Абон мæ зæрдæмæ фæцыд…
-Тынг зын мын уыд…
Хæдзармæ куыст.
Баххæст кæнын фæлтæрæн 4 сыф 25.