Махмуд Кашгари (туулган жана өлгөн жылдары белгисиз) - XI кылымда өткөн Орто Азиялык окумуштуу

Махмуд Кашгари (туулган жана өлгөн жылдары белгисиз) - XI кылымда өткөн Орто Азиялык окумуштуу. Өмүр баяны жөнүндө так маалымат жок. Изилдөөчүлөр Махмуд Кашкаринин 1072 - 1074 -жылдардагы «Диван лугат ат - турк» -(«Туркий сөздөр жыйнагы») эмгегин жазгандыгын белгилешкен («Словарь тюркских наречий»). Эмгегине жана караханийлерге тиешелүү маалыматтарга таянып, анын өмүр баяны жөнүндө Махмуд Кашкари 1029-1038-жылдардын аралыгында азыркы Ысык-Көлдүн боюндагы байыркы шаар Барсканда туулган деп божомолдошот. Билимди мусулман калктарынын орто кылымдагы маданий очоктору болгон Кашкар, Багдад, Бухара шаарларынан алган. Өз заманынын чыгаан филологу, тарыхчысы, этнографы, географы катары таанылган. Эмгегинде Орто Азия, Чыгыш Түркстан элдери жана уурулары жөнүндө маалыматтар бар. Тилчилер, фольклористтер жана адабиятчылар үчүн баалуу булак болуп эсептелет. Андан сырткары дүйнөнүн өзү түзгөн картасын тиркеген. Ал картанын түзүлүшү азыркы жарым шар формасына туура келет. Турк жана өзбек тилдерине которулган. Ал эми кыргызчасын Т.К.Чоротегин 1990-жылы которуп чыгарган жана аны ондоп, 1997-жылы «Махмуд Кашгари (Барскани) жана анын «Дивану лугат ат-турк» сөз жыйнагы (1072-1077)» деген аталыш менен жарыкка чыккан.

Скотт Роберт Фолкен (6.6. 1868-ж. -чамасы 30. 3. 1912-ж.) - Антарктиданы изилдеген англиялык изилдөөчү. 1901-1904-жылы экспедицияны жетектеп, Эдуард VII жарым аралын ачкан, Виктория Жерин изилдеген жана Росса аралын толук изилдеген. Антарктидадагы экспедициядан экинчи жолу 1911-жылдын башында келген. Ноябрда Росса аралынан түштүккө карай 4 жолдошу менен жол тартып, Түштүк уюлга 1912-жылы 18-январда Р. Амундсенден 33 күн кийин жеткен. Кайткан жолдо бешөөсү тең кайтыш болгон. Скоттун аты менен Эндерби Жериндеги тоо, Түштүк океандагы арал аталган.