«Малиты Васойы цард æмæ сфæлдыстадыл цыбыр къахдзæфтæ»

Сценарий «Къостайы фæдонтæ»

Музыкæ… Архайджытæ рацыдысты сценæмæ.

Амонæг: Дегъуаты Валодяйы номыл 38-æм скъола.

Литературон-музыкалон композиции:

«Малиты Васойы цард æмæ сфæлдыстадыл цыбыр къахдзæфтæ»

Сахуыр мæ кæн,о хуымгæнæг,хоры кæндыл зарын,

Сахуыр мæ кæн хоры гага ауæдзы æппарын,

Сау лæппумæ азымхæсгæ тар æрфыгæй ма кæс,

Рагвæззæджы рагуазалтау- сонт зæрдæйы сагъæс.

Малиты Геуæргийы фырт Васо райгуырд 1938-æм азы æртхъирæны мæйы 14 –æм бон Ирыстоны цæгат хайы- Мустыздæхы.

Скъола каст фæуыны фæстæ ахуыр кодта Цæгат Ирыстоны пединституты филологон факультеты. Куыста газет «Рæстдзинад»-ы, фæстæдæр та – телеуынынады редакторæй.

(1969-1970) Мин фарастсæдæ æхсай фарæстæм азæй- мин фарастсæдæ æвдайæм азты ахуыр кодта Мæскуыйы Уæлдæр литературон курсыты. Куыста рауагъдад «Ир»-ы аивадон литературæйы редакцийы разамонæгæй.

1987 азы йæ равзæрстой Фысджыты цæдисы сæрдарæй æмæ дзы фæкуыста 1990 азмæ.

1991 азæй йæ амæлыны онг уыд журнал «Ирæф»-ы сæйраг редактор.

Малийы фырт сфæлдыстадон куыст кæнын райдыдта, скъолайы ма куы ахуыр кодта, уæд.

Йæ фыццаг æмдзæвгæ рацыдис «Рæстдзинад»-ы 1955 азы. Уæдæй райдыдтой мыхуыр кæнын йæ уацмыстæ газетты æмæ журналты.

Ирыстон- Уый аргъау у Нарты æвзагыл

Ирыстон- уый сабийæ бадти сыгъзæрин фын- сагыл.

Ирыстон йæ арцæй Хуыцауы фæнд ивта.

Цыдысты æнæнысан стæры æнæхæдзар скифтæ…

Кæддæр уын Хуыцæуттæ лæвæрдтой

Фыдгулы сæры цармæй худдаг, уæлахизы ронг æмæ фат.

Кафт кæхцимæ

«Йæ дзырд – æфсæрмдзаст æмæ уæздан, уырзæй æвзæрст, , æнкъарæнтæ- тыхджын.

Æппæт уыдон æцæг курдиаты миниуджытæ сты, зæрдæ кæмæй барухс уа, ахæм миниуджытæ»- афтæ дзырдта куырыхон литератор Нафи Малиты Васойы сфæлдыстады тыххæй.

Ацы дунейыл æнæбындур ницы ис. Васомæ дзырдаивады тых æнæнхъæлæджы не рхаудта. Йæ фыд Малиты Геуæрги дыгурон поэзийы зæрингуырд уыдис.

Нафи стыр аргъ кодта Васойы фыд Геуæргийæн дæр : «Именно Малиев, и только он, сумел раскрыть и показать во всей полноте, какие красоты ритма, напевности, свободного и плавного течения таит в себе дигорская речь».

«Рохсмæ фæсевæд тундзетæ,

Рохсмæ цæуетæ æнгом.

Нифс, лæгдзийнадæ уарзетæ

Скæнтæ муггагмæ стур ном»

Геуæргийæн йæхи хуызæн курдиатджын æмæ хæдбындур разынд йæ фырт Васо дæр.

Цы уыди лæг,уый нал фестдзæн фæстæмæ

Тæхудиаг æрдзы фæтк æмæ уагыл

Уæлахиз чи уа, ахæм дард фæндагыл

Дзæм-дзæмы донæй чи раздæхт фæстæмæ.

Кæд скурдиаты хъомыс нæй мæ дзырдты,

Уæддæр мæ фæндыр рухс фидæныл зары.

Тæхудиаг куы базонид йæ мырты

Дæ адзалæн аккаг мадзал ыссарын.

Нæ фæзты ногæй дидинджытæ рттивынц,

Æмæ тæхынц гæлæбутæ сæ сæрты.

Бæстырæсугъд, дæ чызгон бонты фидыц

Уынын хæхбæсты уалдзæджы æууæлты.

Уый нал у дæу,фæлæ æрдзон у ныр

Мæнæн та фестад номхæссæн фæндыр.

Малиты Васойы курдиат у æрдзон. Йæхи хизы тыхарæзт, ницæуыл дзурæг ныхæстæй.

Амонæг. Тырны чиныгкæсæгимæ хъуыдыджын, хъуыддаджы фæлгонцон

ныхас кæнынмæ. Æмæ уый йæ къухы æфты йæ курдиаты фæрцы.

Зарæг «Æрцу мæм»--- Парсиева чызджыты кафтимæ