Мектеп жасына дейінгі балалармен психологиялық қарым-қатынас жасау Психологтың кеңесі

Психологтың кеңесі

Мектеп жасына дейінгі балалармен психологиялық қарым-қатынас жасау

2 -3 жастағы балалар үшін балабақшаға бейімделу күрделі құбылыс. Бейімделу уақытында баланың эмоциялық жағдайы көп өзгеріске түседі.
Сондықтан кеңес береміз:
- Үйдегі жағдайды балаңыз келетін топтың күн тәртібімен бірдей етіп ұйымдастыруға тырысыңыз.
- Балабақшаның тамақтану ас мәзірімен танысып баланың үйдегі тамақтануына балабақшада ішетін тамақтар түрін қосыңыз.
- Үйдегі жағдайда баланың өзіне - өзі қызмет етудің алғы шарттарына үйрете беріңіз: жуыну, қолын сүрту, шешіну, өз бетімен тамақтану, тамақ ішкенде қасықты пайдалану, дәретханаға сұрану. Киімдері міндетті түрде өзіне ыңғайлы болуы керек. Алайда кейбір балалар өдеріне ұнаған киімдерді таңдап киеді.
- Баланың «әлеуметтік ортасын» кең болғаны дұрыс, ал егер ол ешқайда шықпай, ешқандай адамдармен қатынасқа түспеген болса, оған әрине балабақшаға бейімделу қиынырақ болуы мүмкін.
- Баламен жағымды эмоционалдық жағдайлар жасау қажет, ол көбіне ата – ана жағынан болуы қажет, балабақша туралы, оның өзіне керектігін түсіндіріп балаңызды сүйіп, құшақтап, жиі оған өз мейіріміңізді көрсетіңіз. Балаңыздың көзінше балабақша туралы өзіңізді толғандыратын мәселені айтудан аулақ болыңыз.
- Бірінші күні балабақшаға серуенге келген дұрыс, тәрбиешімен танысып, балаңызға жаңа достар табуға. Сондай – ақ балаңыздың сүйікті ойыншығын балабақшаға беріп жібергеніңіз дұрыс.
- Бейімделу мерзімінде үйде демалыс кезінде баламен көп шұғылдануды қажет етеді, серуен жасау, күн тәртібін сақтау, эмоциялық жүктемесін түсіру қажет.
Баланың балабақшаға үйренгендігін қалай білуге болады?
Ол үшін келесілерді байқаймыз:
- ұйқысының жақсаруы;
- тәбетінің жақсы болуы;
- эмоционалды жағдайының тұрақты болуы;
- белсенділігінің артуы;

-бұрын өз бетінше істей алмаған іс-әрекетті үйренуі;
- салмағының артуы.

- Психолог кабинеті екінші қабатта орналасқан

- Психолог жұмыс уақыты 9-18

- Жылдық жұмыс жоспары

- Балалармен жүргізілетін жұмыстар: бақылау, бейімделуге көмек көрсету, диагностика (зейін, ойлау, ес, қабылдау), түзету жұмыстары (тәрбиешілер, ата-аналар сұраныстары бойынша), тренингтер және де әр түрлі жағдайларда көмекке келу

- Ата-аналармен жүргізілетін жұмыстар: түрлі анкеталар, тренингтер, ашық есік күні, түрлі ақпараттар стентке орналастыру, сұраныс бойынша тәрбиешімен қосылып нақты балаға байланысты жеке дара және топтық жұмыстар.