Тэма: Мікола Арочка. «Хлеб роднай мовы»
Мэты: засяродзіць увагу вучняў на спасціжэнні ідэйна-мастацкага зместу верша; развіваць уменне знаходзіць выяўленчыя сродкі мовы і вызначаць іх ролю ў стварэнні мастацкіх вобразаў; садзейнічаць выхаванню беражлівага стаўлення да роднай мовы, пашаны да людской працы і народных традыцый.
Мэты на мове вучняў:
навучуся выразна чытаць верш;
змагу вызначыць тэму і ідэю верша;
змагу знайсці не менш за 5 мастацкіх сродкаў, якія дапамагаюць зразумець ідэю твора;
змагу растлумачыць сэнс назвы верша.
Ключавое пытанне:
– Чаму хлеб і Радзіма – гэта вельмі блізкія паняцці?
Ход урока
1. Арганізацыйны момант
2. Актуалізацыя ведаў
Назавіце аўтараў наступных твораў: «Курган», «Ручэй», «Незагойная рана».
Назавіце творы пісьменнікаў: М.Багдановіч, М.Танк, В.Зуёнак.
Назавіце жанры твораў: «Маёвая песня» М.Багдановіча, «Незагойная рана» В.Быкава, «Курган» Я.Купалы.
3. Новая тэма
1) Прэзентацыя «Што такое хлеб»:
1. Што такое хлеб?
2. Як хлеб з’яўляецца на нашых сталах?
3. Якія прыкметы і павер’і вы ведаеце пра хлеб?
4. Чаму беларусы так паважаюць хлеб?
5. Якія асацыяцыі ў вас з хлебам?
Незразумелыя словы
Шчодры – щедрый.
Бохан – буханка.
Назапашаны – запасённый.
Дзяжа – кадка.
Под – нижняя поверхность печи для выпечки хлеба.
Надзённы – насущный.
Луста – кусок.
Настольніца – скатерть.
Кроіць – резать.
Баравіна – молодой бор.
Лагчына – ложбина.
2) Праца з творам
– Пра што верш?
– Які настрой твора?
– Якія вобразы вам запалі ў душу?
– Які наказ дае паэт нам?
4. Замацаванне
1) Вызначаем памер і рыфму верша. (с. 50-52)
2) Знаходзім тропы і тлумачым іх значэнне
ЭПІТЭТ – гэта вобразнае слова, якое заключае ў сабе мастацкае азначэнне найбольш істотных прыкмет якога-небудзь прадмета ці з’явы. Можа выражацца любой часцінай мовы. Выконвае наступныя асноўныя функцыі:
перадае непаўторнасць і глыбіню мастацкага бачання пісьменнікам жыцця;
можа выклікаць у чытача зрокавыя ўяўленні (асабліва ў пейзажных замалёўках);
уздзейнічае на розныя органы пачуццяў і выклікае пэўнае перажыванне.
ПАРАЎНАННЕ – гэта мастацкі вобраз, пабудаваны на супастаўленні дзвюх з’яў ці двух прадметаў на аснове іх падабенства ці адрознення. Асноўныя функцыі:
дапамагаюць стварыць каларытны малюнак прыроды;
перадаюць эмацыйную напружанасць героя;
адыгрывае важную кампазіцыйную ролю.
МЕТАФАРА – прыпадабненне аднаго прадмета ці з’явы да другога прадмета ці з’явы, чым-небудзь падобнага да першага. У аснову метафарызацыі можа быць пакладзена падабенства прадметаў:
-- па колеры,
-- па форме,
-- па аб’ёме,
-- па прызначэнні,
-- па становішчы ў прасторы і часе,
-- па стану, працэсу і г. д.
Сярод іншых тропаў метафара займае галоўнае месца, яна дазваляе стварыць ёмісты вобраз, заснаваны на яркіх, часта нечаканых, смелых асацыяцыях.
3) Падбіраем словы-асацыяцыі:
Х – М –
Л – О –
Е – В –
Б – А –
5. Падагульненне
– З чым параўноўвае аўтар мову? Чаму?
– Якая асноўная думка верша?
– Чаму паэт даў свайму твору такую назву?
– Падбярыце свой загаловак да верша.
– Адкажыце на ключавое пытанне: «Чаму хлеб і Радзіма – гэта вельмі блізкія паняцці?»
6. Дамашняе заданне
Падрыхтаваць выразнае чытанне верша