Научно-исследовательская работа,тема "Церковь Рождества Христова"

Çadır dolayın teoretÍk lÍţeyÍ M.P.Guboglunun adında BÍlgÍ- praktÍka konferenţÍyası Tema: « HrÍstozun DUUMASININ KLÍSESÍ»

Hazırladı:

Novaçlı Maşi

Üürenici 6 «a» klastan

Çadır dolayın teoretik liţeyi

M.P.Guboglunun adında

Őnderci: Kioroglo N.P.

Üüredici gagauz dili hem literaturasında

I didaktik kategoriyası

Aaraştırmanın soyu: teoretik

Önsöz

AKTUALLIK

Büünkü gündä sık duyul ȇr lӓӓzımnık ruhluu enidӓn kurmaa, morallı kișiiliini olușturmaa, çünkü ȍnemli rolu oynȇȇrlar herbir kișinin yașamasında.

AARAŞTIRMAMIZIN TEMEL NEETİ

Terbietmӓӓ saygıyı kendi halkın hem başka halkların istoriyasına, dininä, aaraştırıp Çadır – Lunga kasabasının

bir klisesinin istoriyasını.

Aaraştırmamızın praktika önemlilii .

Bu aaraştırmak işi ana dili hem literatura üüredicilerinä, terbiedicilerin ӓ,

faydalı olacek.

Aaraştırmanın temel metodları :

• Yaraştırmak metodu;
• Gözletmäk metodu;

GİPOTEZA: KARARLAMAA, ANİ KAYBELMEER BAALANTI HALKIN

HEM DÍNÍN ARASINDA.

Klisä –o bir maasuz ev... Söleerlär, ki onda Allaa yaşêêr. Orada duvarlarda altın rizalarda süretlär bakêrlar akıllı, sert gözlerinnän bizȁ, orada mumnar yanêrlar, orada uslulukta hem suskunnukta işidiler duanın yortulu muzikası, orada insannar, ani Allahı inanêrlar hem severelȁr.

Benim sevgili hristian klisäm genç. Kaldırıldı o kasabada, angısında bȁn yaşêêrım taa duumamdam-Çadır -Lungada. Dolaylêêr onu evlȁr, angıların yaşayannarı var nicä işitsinnȁr çannarın düülmesini da sabaaylän pençereyȁ bakıp, görerlär küçürȁk, kuytulu klisecii.

Klisenin açılması Yanvarın 9-nda 2012-nci yılda.

2000-nci yıda kasabamızın yaşayanı Vladimir Manastırlı , kendi parasınnan topraan bir payını taşlı tokatlarlan sınırladı, angısında istärdi kliseyi kaldırmaa. Bu adam istedi kliseyi başarmaa Kreçun yortularında. Onuştan klisenin açılışını koydular bu yortuya.

Allahın evini kaldırmaa deyni pay aldılar kasabamızın yaşayannarı hem türlü öndercilär.

Klisä kaldırılardı 2008-nci yıldan da ilkin planlanılırdı nicä çasovnä, ama insannar kararladılar yardım etmää da kaldırmaa istedilär “Hristozun Duumasına kliseyi”.

Klisenin simţit etmesinin günündä yaşayannar karşıladılar bu laflarlan: «Ko eni klisenin duvarlarında pak dua işidilsin, angısını işidip, Gök prost edecek bizim çok zeetli kasabamızı. Eer kasabada açılêr kliselär, demekki bu kasaba diveç.”

klÍsenÍn ÍÇÍndekÍlÍÍ

Pritvor- klisenin girişi “kapuları”. Ona yannaşık durêrlar çan külesi hem peronu.

Orta payı yada klisenin ortası gösterer insannarı. Bu kurulmuş dűnnä, yaraştırdıynan altarlan, angısı Allahın gerçekliini gösterer. Te neçin altar kaldırılı orta payında taa üüsek da ayırlanêr ondan ikonostaslan. Kär klisenin orta payında hepsi inanıcılar durêrlar, açan slujbalar okunêr.

Íkonostas- taftadan yaplan duvar, angısında asılı ikonalar maasuz sırada. O diil sade ayırdêr Allahın dűnnesini bizim dűnnedän, ama taa o – Gökteki Klisenin süreti Íisus Hrisozlan barabar. Íkonostasın ikonaları doorudulu klisenin orta payına, neredä insannar dua ederlär.

Klisenin çannarın sesleri işidiler bizim kasabamızda hem taa uzak erlerädän. Da şu ses canımızı paklêêr, fikirini aydınnadêr hem ruh hastalarını ilaçlêêrlar.

Yanvarın 9-nda kutlanılêr klisenin kurbanı- « HRÍSTOZUN DUUMASINA» Yortuya gelerlär diil sade yakında yaşayannar, ama bűtűn kasabadan hem başka küülerdä.  

Klisedä var üç, angılarını verdilär kliseyä Nikolay Maglelinin uşakları, onnar bobasından kalmıştılar. Ozamandan beeri onnar: Kurtarıcının, Panıyanın hem Dmitriy Solunskiyin ikonaları « Hristozun Duumasına » klisenin ruh gözellikleri oldular.

Büün ortodoks « Hristozun Duumasına klisesi» açêr kendi kapularını herbirinä, kim aarêêr ruh usluluunu, kayıllıı kendi-kendisinnän, neçinki burada var nicä bulmaa hem annamayı, hem yardımı, hem usluluu.

Benim klisäm –o benim ayläm, benim evim. Sade orada var nicä uslulukta,aslıdan düşünmää Allaa için, kendimiz için, cömert hem fena insannar için, en yakın hem sevgili insannar için. Burada herbiri var nicä bulsun usluluu, şennii hem kendi kalbinin nurunu!

Eer … Eer olarsaydı zor nezamansa, bän, elbetki, gidecäm KURTARICIYA , gidecäm kliseyȁ, yakacam mumu, diz çökecäm da yalvaracam Allaa yardım etsin. Makar annêêrım, ani Allaa lääzım olsun benim kalbimdȁ, diil sade zor kıpımnarda.

GELÍNÍZ ALLAHIN EVÍNȀ, CANINIZI ORADA PAKLAYIN …

SAA OLUNUZ!!!