Николай Васильев "Куазь жобан дыръя"

Н. Васильев «Куазь жобан дыръя» (верос)

Класс: 5

Пуктэм ужпумъёс: вакчияк тодматоно авторен но солэн творчествоеныз, верос пыр валэктоно инкуазьлэн портэм пумо вошъяськись луэменыз но соин сэрен адямиослэн шудтэм учыръёсы шедемзы сярысь, секыт югдуре адямилы юрттон мылкыд пычатоно.

Предметной результатъёс: Н. Васильевен тодматско, «Куазь жобан дыръя» веросысь валтись ужпумъёсты эскеро.

Личностной результатъёс: темая мылкыдзэс шараяло.

Метапредметной результатъёс: уроклы ужпумъёс пукто, уроклы радъям планъя ужало, текстысь кулэ ивортодэт утчало, ас малпанзэс вераны быгато.

Оборудование: учебник, Н. Васильевлэн портретэз, книгаосызлы адзытон «Бадзым кызлэн вужерез», «Паньтэмъёс», словарь «Удмуртско-русский словарь» интерактивной доска.

Уроклэн мынэмез.

Ужпумо югдур кылдытон но уроклы азьмугъёс кылдытон.

Ваньмы али син азямы пуктомы жобан дырез. Вань –а тиляд сыче вакытэзадземды, инкуазьлэн сыче шукырес вакытаз шедемды? (пиналёс верало асьсэ малпанзэс).

Нош тодиськоды –а, мае шуо «жобан», «Жобаськыны»? Учкоме Р.Ш. Насибуллинлэн «Удмуртско-русский, русско-удмуртский» словарысьтыз. Отын тазьы сётэмын:

Жоб – ненастный, непогожий

Жобаны – подняться о метели (вьюге)

Ма луыны быгатоз синтэм-пельтэм жобаку, буран дыръя?

Кин ти полысь шедиз ни куазь пелляськыку шудтэм учыре?

Книгаысь яке киноысь сыче учыре шедем адямиос сярысь оло адземды вань?

Ма сярысь туннэ асьмеос лыдзомы? (пиналъёс верало).

Самой сыче лек пелляськон сярысь туннэ лыдзомы урокын. Верослэн нимыз «Куазь жобан дыръя», жобаны кыллэсь лексической валатонзэ тодиськомы ини, маке шурдыт учыр сярысь али тодомы.

Утчан-эскерон этап

Н. Васильевлэн биографиеныз но творчествоеныз тодматско.

Веросэн тодматскон.

Нылпиосты оген-оген лыдзытоно, пумен словарной уж нуоно.

1. Кытчы мыниз Трофим Петрович суббота нуналэ?

2. Бертон азяз кыче инкуазь шоры шедиз пойшурась?

3. Мае со кылиз, кыче куара?

4. Кыче малпан чилектиз Трофим Петровичлэн йыраз?

5. Кыче шудтэм учыре шедем кышномурт пиеныз?

6. Кытысь берто вал соос? Малы йыромизы?

7. Кин утиз соосты быронлэсь?

8. Кызьы валэктыны быгатоды, пиналъёс, таче калык веранэз: «Умой эшен ноку уд быр».

Табере вералэ, пиналъёс, коня люкетлы люкысалды та веросэз?

1 люкет - «Удалтиз Трофим Петровичлы», «Пойшурасьлы удалтиз», «Удалтэм нунал»

2 люкет - «Буран жутскиз», «Жобаськыны одъяз», «Лекъяськись куазь»

3 люкет - «Йыромем кышномурт но пияш», «Шудтэм учыре шедем кышномурт»

4 люкет – «Кышномурт но пияш гуртын», «Трофим Петрович но кышномурт пиеныз вуизы гуртэ»

«Улэпесь-а соос?»

1. Шедьтэ сыче интызэ, кытын вераське Трофим Петровичлэн куара кылэмез сярысь. («Малпамтэ шорысь… куазен?»

2. Нош кыче люкетаз гожтэмын пойшурасьлэн кышномуртлы нюкысь потыны юрттэмез сярысь? («Я.я эн борды … зыгыртиз»)

3. Трофим Петровичлэн кыче сямъёсыз син шоры яркыт пуксизы берпум люкетаз? (Чидась куалектисьтэм. Сыче сямлы ик дышетэ кышномуртэз но, чиданы косэ, жадемзэс вормыса гуртэ вуо, кулонлэсь мозмытско).

4. Кыче люкетлы кельше книгаысь суред? (Лыдзе со интызэ)

Трофим Петровичлы синквейн кылдытон

1. Трофим Петрович

2. Мынэ, кылэ, юрттэ

3. Жалясь, сюлмо, чидась

4. Секыт учыре шедем адямиез ноку уз кушты, юрттоз

5. Сюлмаськись адями

Уроклы огъян

1. Пияшен кышномуртлы мар луысал, юрттись ке ой луысал?

2. Мар вералоды Трофим Петровичлэн ужез сярысь, сое асьмеос герой шуыны быгатиськомы –а?

3. Кызьы тау кариз меда кышномурт Трофим Петровичлы?

4. Луоз –а тае верос шуыны?

5. Кин пыр верамын верос?

6. Малы дышетэ та верос?

Табере учкомы видеоысь куазьлэсь жобаськемзэ.(2 мин)

Тини озьы, пиналъёс, куддыръя инкуазь но адямиослы шудтэм учыр вае, та веросын но умоез ой луысал, Трофим Петрович ке ой шедьысал кышномуртлы но солэн пияшезлы. Секыт югдуре шедем муртлы котьку юрттоно, зечезлы оскытоно, секытэз вормыны оскон мылкыд пычатоно, чидась луоно. Улонады медаз шеде сыче секыт югдуръёс!

Рефлексия:

Лыдземысьтымы маиз яраз, маиз оз? (таблицае плюс но минус вадьсы вакчияк гожто)

Доре уж:

Жобаны кыллы кластер лэсьтэ