Новыя імёны ў беларускай літаратуры

— пісьменнік, драматург, публіцыст.

З 1999 г. выкладае на факультэце журналістыкі БДУ. Дацэнт кафедры замежнай журналістыкі і літаратуры, кандыдат філалагічных навук.

Аповесці:

• Рытуал // Маладосць. — 1998. — № 8-9.
• Смаргонскі настаўнік і вучань // Маладосць. — 2001. — № 6.
• Срэбны арол у чырвоным полі // Полымя. — 2003. — № 10.
• Амерыканская адысея Тадэвуша Касцюшкі // Полымя. — 2004. — № 10-11.
• Нямігі берагі // Маладосць. — 2004. — № 7.
• Глеб Менскі // Маладосць. — 2005. — № 7-8.
• Грэчкасейная ідылія Тадэвуша Касцюшкі // Полымя. — 2008. — № 1-2.
• Здані Гарадніцы // Маладосць. — 2009. — № 1-2.
• Літоўская адысея Тадэвуша Касцюшкі // Полымя. — 2009. — № 5-6.
• Новыя палескія рабінзоны // Маладосць. — 2011. — № 1.

П'есы

• Старажытны перыяд, або Гісторыя і каханне // Маладосць. — 2006.- № 9.
• Дамавічкі // Дарункі добрых духаў / П'есы для аматарскіх тэатраў / Уклад. Каржанеўская Г. А., Скрыпка І. П. — Мн., 2007.
• Гісторыя двух сабак // Маладосць. — 2007. — № 8.
• Калядная зорка // Маладосць. — 2010. — № 1.

Кнігі

• Вартавыя. — Мн.: Бібліятэка часопіса «Маладосць», 1995;
• Тайна пропавшей коллекции. — Мн.: Современный литератор, 1999;

• Амерыканская адысея Тадэвуша Касцюшкі. — Мн: Маст. літ., 2006.

Сяргей Шапран – журналіст, літаратуразнавец, вядомы нам найперш як руплівы даследчык жыцця і творчасці Быкава – пасля смерці пісьменніка. Вынікам стала двухтомная энцыклапедыя «Васіль Быкаў» на 1500 старонак! У 2012 годзе выйшла кніга невядомых твораў Быкава «Гарадзенскі архіў».

Па сваёй навуковай вартасці гэтая дакументальная кніга, у якой сабраны вельмі багаты фактычны матэрыял, не менш значная, чым самыя глыбокія праблемныя даследаванні, прысвечаныя выдатнаму пісьменніку Васілю Быкаву .

Дзмітрый Бугаёў

Журналіст і даследчык беларускай літаратуры Сяргей Шапран выдаў унікальную кнігу гутарак з Рыгорам Барадуліным – “Тры мяхі дзядзькі Рыгора, альбо Сам-насам з Барадуліным”. Кніга выйшла ў выдавецтве “ЛогвінаЎ” у серыі “Кнігарня “Нашай Нівы”.

Ві́ктар Шалке́віч ( 1959 г.) — беларускі, бард, актор, пісьменнік, шоўмэн.

"Рэквіем..." – гэта дваццаць аповядаў Віктара Шалкевіча. Як адзначае сам аўтар, "Гэтая сціплая кніга – адначасова і падзяка, і вечная памяць тым рэчам, малым і вялікім, сярод якіх мы гадаваліся, якія калісьці былі патрэбныя і ўсіх нас зрабілі такімі, якімі мы ёсьць цяпер, а ня іншымі".

Проза . – Гродна , 2011. – 100 с.

ЮРЫ СТАНКЕВІЧ (1949)

(сапраўднае імя — Георгі Васільевіч Харытановіч)

• беларускі празаік, драматург. Увайшоў у літаратуру ў 1988 годзе.

Выдадзеныя кнігі:

• « Любіць ноч – права пацукоў » (1998),
• « Апладненьне ёлупа » (2005),
• « Мільярд удараў » (2008),

« П'яўка » (2010).

“ Я знайшоў у гэтай кнізе нешта ад стылю Станіслава Лема. Гэта літаратура ўжо зусім не тая, якая была ў папярэдняй кнізе "Мільярд удараў", якая таксама выходзіла ў выдавецтве "Галіяфы". Гэты раман, як на мой погляд, ён на некалькі прыступкаў вышэй за папярэднія творы, гэта нешта іншае, нешта новае ў творчасці аўтара ” .

Зміцер Вішнёў,

рэдактар выдавецтва “Галіяфы”

АРТУР КЛІНАЎ (1965)

- беларускі канцэптуальны мастак, літаратар, фатограф, галоўны рэдактар часопіса « pARTisan » . Жыве і працуе ў Мінску. А ўтар сцэнарыя да экранізацыі кнігі Яна Баршчэўскага «Шляхціц Завальня».

Выдадзеныя кнігі:

• «Горад СОНца. Візуальная паэма».  Mінск: выдавецтва «Логвинов», 2005.
• «Sonnenstadt der Träume». Frankfurt: Suhrkamp Verlag, 2006.
• «Малая падарожная кніжка па Горадзе Сонца». Mінск: выдавецтва «Логвинов», 2008.
• «Przewodnik po Miescie Slonca». Wolowiec: wydawnictwo «Czarne», 2008.
• Альбом «Дванаццаць». Mінск: выдавецтва «Логвинов», 2009.
• Раман «Шалом. Ваенны раман». Mінск: выдавецтва «Логвинов», 2011.

Алена Брава (1966) — беларуская журналістка, празаік. Аўтар паэтычнага зборніка «На глыбіні каранёў» (2002 ) ,

кнігі прозы"Каменданцкі час для ластавак", 2004

кнігі «Рай даўно перанаселены : раман, аповесці, апавяданні , 2012.

ВАЛЯНЦІН АКУДОВІЧ (1950)

- беларускі філосаф, паэт, літаратурны крытык.

Выдадзеныя кнігі:

«Мяне няма. Роздумы на руінах чалавека» (1998),

«Разбурыць Парыж» (2004),

«Дыялогі з Богам» (2006),

«Код адсутнасці. Асновы беларускай ментальнасці» (2007).

Кніга «Дыялогі з Богам» перакладзеная на польскую мову (2008).

Асобныя тэксты друкаваліся ў ЗША, Польшчы, Расіі, Чэхіі, Македоніі, Сербіі, Украіне, Літве.

“ У плане, так бы мовіць, прафесійным (тут я маю на ўвазе кампазіцыйнае майстэрства, форму, стыль) шведская літаратура не горшая і не лепшая за беларускую. Але сучасная беларуская літаратура, мне падаецца, больш канцэптуальная, больш энергетычная, больш, калі заўгодна, энергаёмістая. У ёй яшчэ шмат анталагічнай трывогі, яе нерв напружаны, а драматургія па-біблійнаму эсхаталагічная. Герой беларускай літаратуры яшчэ ведае, што такое неба, нават калі аўтар з уласнай сваволі запіхвае яго ў прыватную кунсткамеру”.

ВАЛЕРЫЙ ГАПЕЕЎ (1963)

• беларускі празаік (творы для дзяцей і юнацтва), журналіст. Член Саюза пісьменнікаў Беларусі

Выдадзеныя кнігі:

• “ Пастка на рыцара” (2002); “ Урокі першага кахання” (2010)
• “ Пастка на рыцара” (2002);
• “ Урокі першага кахання” (2010)

“ Я абавязкова дам прачытаць гэту кнігу маім будучым дзецям. І зусім неістотна, што да таго часу гістарычны кантэкст стане неактуальным. Валерый Гапееў таленавіта і поўна раскрыў падлеткавыя праблемы, праз якія прайшлі мы, з якімі сутыкнуцца нашыя дзеці. Пісьменнік нязмушана, простай мовай, без дыдактычных нотак паказаў псіхалогію як дарослых, так і школьнікаў.”

Ася Паплаўская,

аглядальнік сучаснай прозы

“ Увогуле, аповесць «Ведзьміна тоня» мае надзвычайна канцэнтраваную фабулу.

Тут нельга абмінуць увагай ніводзін эпізод, ніводзін факт, бо у кожным - свой, па-мастацку рацыянальны сэнс: істотная дэталь, штрых да партрэта кaгocьці з персанажаў, падаплёка ўчынку. Пры гэтым (што, па-мойму, вельмі важна) В. Гапееў пільна адсочвае логіку прычынна-выніковых сувязей паміж падзеямі, уважліва ставіцца да псіхалагічных аспектаў у паводзінах герояў, абгрунтавана вытлумачвае іх дзеянні”.

Лада Алейнік

2012

Аповесць.

Для сярэдняга і старэйшага школьнага ўзросту

Віктар Жыбуль (1978 г.н.). Закончыў філфак БДУ (2000), аспірантуру пры ім (2003). Кандыдат філ а л а гічных навук (2003). Працаваў у часопісе творчай моладзі “Першацвет” (1995 – 2002), цяпер – у часопісах “Роднае слова” і “Arche”.

Набыў вядомасць як паэт-экспэрымэнтатар, аўтар некалькіх паліндромных паэм. Выдаў зборнікі паэзіі “Калі ў хаце дывэрсант” (1996), “Рогі гор” (1997), “Прыкры крык” (2001), “Дыяфрагма” (2003), “ Стапеліі ” (2012).

Вершы Віктара Жыбуля перакладаліся на анг лій скую, ба л гарскую, латы ш скую, літоўскую, нямецкую, польскую, украінскую, чэ ш скую мовы.

ПАЛІНДРОМАН

ПРА РАКУ НЁМАН

О, Нёман! Сага снам ён!

Нёмана мутны смак,

А сам —

У крамяны рышток рамонкавы ліся,

І нам дары, тытан,

І лад, і лёс, і арку марам,

Хаду цуда-хмарам

У краі сёл і далін.

А ты… ты рад:

Манія сілы, вакно маркот, шырыня мар!

Кум асакам,

Сын туманам ён, Нёман, —

Сага снам ён.

О!

Творы Жыбуля належаць да той элітнай жывой літаратуры, якую падлеткі будуць чытаць (і нават перапісваць) без ніякага прымусу: на карысць гэтага сведчыць шчырае захапленне, з якім нават двоечнікі слухаюць дэкламацыі Віктара ў дзіцячых бібліятэках і школах.

Альгерд Бахарэвіч

Вершы. – Мінск : Галіяфы, 2012. – 220 с.

УСЕВАЛАД СЦЕБУРАКА (1981)

— паэт. У 2007 г. выйшла кніга вершаў і прозы Усевалада Сцебуракі — “Крушня”.

АНДРЭЙ ХАДАНОВІЧ

(1973)

- беларускі паэт, перакладчык, бард. Выкладае замежную літаратуру на філалагічным ф-це ў БДУ. Перакладае на беларускую мову з англійскай, польскай, рускай, украінскай, францускай моў.

Пры відавочнай інтэлектуальнасці творчасці паэта, якую адзначаюць большасць даследчыкаў, яго вершы валодаюць надзвычай прыцягальнымі для сучаснага чытача якасцямі – займальнасцю, знешней прастатой, гульнёвасцю.

Піянер Усяслаў з Гарадзеі кажа маці: «Пайду ў чарадзеі! Усяго акрамя, мілагучнае ймя даць гарэліцы маю надзею!»;

Сэнбэрнар у папа з Маларыты меў вялізарныя габарыты, бачыў смачныя сны пра кавалак мясны й памятаў, дзе калега зарыты.

Выдадзеныя кнігі:

• «Листи з-під ковдри» (Київ: Факт, 2002)
• «Старыя вершы» (Менск: Логвінаў, 20)
• «Лісты з-пад коўдры» (Менск: Логвінаў, 2004)
• «Землякі, альбо Беларускія лімэрыкі» (Менск: Логвінаў, 2005)
• «From Belarus with Love» ( Київ : Факт , 2005)
• «Сто лі100ў на tut.by» (Менск: Выдавецтва «Наша Ніва», 2006)
• «Swieta nowego rocku» (Уроцлаў: Kolegium Europy Wschodniej, 2006)
• «Бэрлібры» (Менск: Логвінаў, 2008)
• «Несымэтрычныя сны» (Менск: Логвінаў, 2010)

АНДРЭЙ КУРЭЙЧЫК (1980 г.н.)   — беларускі і расійскі сцэнарыст, актор, драматург

На беларускай мове:

• Гістарычная драма “П’емонцкі звер” “ Згублены рай” (“Полымя”, № 1-2002 )
• Гістарычная драма “П’емонцкі звер”
• “ Згублены рай” (“Полымя”, № 1-2002 )

Аўтар 22 п`есаў, але тольк i малая i х частка апубл i каваная ў часоп i сах «Архэ», «Полымя», «Нёман», «Першацвет». Андрэй выдаў 2 кн i г i сва i х п`есаў, але i х набыць практычна немагчыма, таму што наклад раскуплены.

У 2007–2011 гг. у тэатрах Расіі, Беларусі, Украіны ды іншых краін паставілі больш за 30 яго п’ес.

ДЗІЯНА БАЛЫКА

(1980 г.н.)

- Паэт, драматург, празаік, сцэнарыст, псіхолаг.

П ’ есы:

• “ Белы анёл з чорнымі крыламі ”
• “ Псіхааналітык для псіхааналітыка ”
• “ Пупавіна ”
• “ Раман + Юлія: вечная гісторыя ”
• “ Мой уласны помнік ”
• “ Вяселл я не будзе ”

Пра змест п’есы «Белы анёл з чорнымі крыламі» –

Хочацца не сварыцца з роднымі, памірыцца з каханым, знайсці сябе і ператварыць сваё жыццё ў цікава-захапляльную ў казку.

Так думае маладая Ніна, але ні родныя, ні каханы яе не разумеюць. Не разумеюць, што на жыццё пачынаеш глядзець іншымі вачыма, як пачнуць сніцца чорныя крылы белага анёла. Не разумеюць, што хочацца паспець пачаць усё спачатку, калі хвароба незаўважна бярэ цябе загрудкі. Не разумеюць, што кожны мае права на апошні шанец.