"Ойлы болсаң, озып көр!" тәрбие сағаты

«Қайнар» мектеп – гимназия» коммуналдық мемлекеттік мекемесі

Ойлы болсаң, озып көр!

Дайындаған: К. Шарапова

Тақырыбы: «Ойлы болсаң, озып көр!»

Мақсаты: Оқушылардың алған білімдерін тексере отырып, ақыл-ой өрісін жан-жақты дамыту. Оқушылардың ана тілін сүюге, бабалардан қалған ұлағатты ғибрат сөздерді түсіндіріп, содан үлгі-өнеге алуға баулу. Оқушылардың әрбір пән бойынша алған білімдерін тиянақтау, шапшаңдыққа жинақтылыққа тәрбиелеу, ақыл – ойын дамыту.

Мұғалімнің сөзі
- Балалар, бүгін біздің сынып оқушыларының арасында «Ойлы болсаң, озып көр» атты зияткерлік білім сайысы өткізіліп отыр. Осы сайысқа 4 «А» сынып оқушылары ішінен екі топ құрылып, өзара білімдерімен сынға түспек. Ендеше сайысқа түсер екі топпен танысайық.
а) Топтармен танысу: ортаға бүгінгі зияткерлік ойынымыздың сайыскерлері «Тапқырлар» және «Алғырлар» топтарын шақырайық
ә) Әділ - қазы мүшелерін сайлау
Қазылар орнықтырар әділдікті
Кімдердің жауаптары кәміл шықты.
Білім мен тапқырлықтың жарысында
Жеңіске жетер дейміз нағыз мықты,
- дей отыра әділ - қазы мүшелерімен таныстырып өтейін.
2. «Ойлы болсаң, озып көр» зияткерлік ойынының өткізілу жоспарымен таныстырып өтейін:

1.Зымыран сұрақтар

2.Тездет, бірақ қателеспе!

3.Бинго

4.Тіл-өнер сайсы

5.Сөз ойла, тез ойла

6.Өнер сайысы

І айналым: «Зымыран сұрақтар» деп аталады. Бұл айналымда сұрақтар қойылады. Дұрыс жауапқа 1 ұпай беріледі.

Оқушы жауап бере алмаған жағдайда келесі ойыншы жауап беруге мүмкіндігі болады.

І топқа:

1. Қазақстан астанасы қай қала? (Астана)

2. Ел басқару саласындағы ең жоғарғы лауазым? (Президент)

3. Кеңес Одағында алғаш ғарышқа ұшқан кім? (Юрий Гагарин)

4. Қазақтың атақты күрес шебері (Қажымұқан Мұңайтпасұлы)

5. 1- маусым қандай мереке? (Балаларды қорғау күні)

6. ССРО- Германия соғысына  қатысқан шығыстың қос шынары ( Әлия Молдағұлова, Мәншүк Мәметова)

7. Қазақтың ұлттық аспабында орындалатын шығарма (Күй)

8. Қазақстан Әнұранының авторлары кімдер? (Жұмекен Нәжімеденов, Нұрсұлтан Назарбаев)

9. Абайдың шын  аты кім? (Ибраһим)

ІІ. топқа:

1. Қазақстан рәміздерін ата. (Ту, Елтаңба, Әнұран)

1. Қазақ халқы өзінің тұңғыш Президентін қашан сайлады? (1991 жылы 1- желтоқсан)

2. Алғаш ғарышқа ұшқан қазақ? (Тоқтар Әубәкіров, 1991 жылы)

3. Қазақтың үш биін ата. (Төле, Қазыбек, Әйтеке)

4. Қазақстанның атақты суретшісі (Әбілхан Қастеев)

5. 6-шілде қандай мереке? (Астана күні)

6. 2012 жылы Лондон олимпиадасының жеңіл атлетикадан чемпионы (Ольга Рыпакова)

7. Қазақ даласында мектеп ашқан ұлы ағартушы кім? (Ыбырай  Алтынсарин)

 9. Көше қиылыстарында жолды не көрсетеді? (Бағдаршам)

2 айналым «Тездет, бірақ қателеспе»

Әр топқа 10 сұрақтан қойылады. Бір сөзбен «ия» немесе «жоқ» деп жауап

береді.

Әр дұрыс жауапқа 10 ұпай беріледі. Екі топтың да жауабы тыңдалады. Содан

кейін тақтадан дұрыс жауабы шығады.

«Алғырлар» тобы.

1. Дауыссыз дыбыстар 3-ке бөлінеді. (ия,қатаң, ұяң, үнді)

2. Өмір сүру үшін адамға ең қажетті нәрселер: үй, киім, көлік, теледидар. (жоқ, Тамақ, ауа, су, жарық, жылу)

3. Барлық сатып алынған заттар бағасының қосындысы заттың құны деп аталады. (ия)

4. Судың 4 күйі бар. (жоқ, 3 күйі бар: қатты, сұйық, бу)

5. Көкжиектің негізгі 4 тұсы бар. (ия, солтүстік, оңтүстік, батыс, шығыс)

6. 120 минутта 3 сағат бар. (жоқ, 2 сағат)

7. Жұмбақ – үлгі-өнеге ретінде айтылатын әрі қысқа, әрі нұсқа нақыл сөз. (жоқ, бір затты, жайды ойлап табу үшін астарлап айтылған қысқаша өлең)

8. Қандай? Қай? сұрақтарына жауап беретін сөздер заттың сынын, сапасын білдіреді. (ия)

9. 9 бен 4-тің көбейтіндісі 32-ге тең. (жоқ, 36)

10. Тік төртбұрыштың периметрін табу үшін ұзындығы мен енін қосамыз. (ия)

«Тапқырлар» тобы.

1. Зат есім Қандай? Қай? деген сұраққа жауап береді. (жоқ, кім? не?)

2. Ұзындық өлшем бірліктері мм, см, дм, м, км. (ия)

3. Өмірде болғанадамға қатысты құрылған халық шығармасы ертегі. (жоқ, аңыз)

4. Жер бетінің қағазға кішірейтілген бейнесі карта. (ия)

5. 45-тің 5-тен бір бөлігі 8-ге тең. (жоқ, 9-ға)

6. Үш биді ата. Олар Қазыбек би, Әйтеке би, Төле би. (ия)

7. Негізгі сөйлем мүшесі баяндауыш. (жоқ, бастауыш)

8. Адам денесінің тірегі бас. (жоқ, қаңқа)

9. Шаршы дегеніміз – барлық қабырғасы тең төртбұрыш. (ия)

10. Абылай ханға Төле бидің қойған аты Сабалақ. (ия)

3 айналым: «Бинго»

4 айналым: Тіл-өнер сайысы

Әр дұрыс жауап 5 ұпаймен бағаланады.

Білген сайын келеді біле бергім,

Біле беру емес пе тілегі елдің?

Белден ассаң, алдыңда бел көрінсе

Қызыққаннан келмей ме жүре бергің.

Сондықтан да келеді біле бергім,

Білімдіні сүйерін білем елдің, - деп Асқар Тоқмағамбетов ағамыз айтып кеткендей, қазір тек білімді, тәрбиелі, озық ойлы адам ғана өмірден өз орнын ойып тұрып алады. Олай болса, біз бүгінгі жастарымызға тек оқудан, ізденуден, тер төгуден жалықпаңыздар дегіміз келеді.

1. Аттан тай озады, атадан кім озады? (Бала – ребенок – baby)

2. Денсаулық зор – ( Байлық – богатство – rishes)

3. Не оттан да ыстық? ( Отан – Родина – Motherland)

4. Сөзі дана үні жоқ, Сөйлемейді тілі жоқ. (Кітап – книга – book)

5. Не қымбат білу қиын? (Білім – знания – knowledge)

6. Қимылдаса қос шебер, қыруар – қыруар іс өнер. (Қол – рука – hand)

7. Ашу дұшпан болса, ақыл не? (Дос – друг – friend)

8. Жесең ащы, көзіңнен шығарар жасты. (Пияз – лук – onion)

9. Еңбексіз өмір-сөнген...(көмір – уголь – coow)

10. Қанаты бар ұшпайды, су астында қыстайды. (Балық – рыба – fish)

11. Жүз мүйізі бар, үстінде киізі бар. (Киіз үй – юрта – yurt)

12. Қалқиып екі құлағы, елеңдеп қорқып тұрады. (Қоян – заяц – rabbit)

13. Болса да көкте мекені, кездеспейді екеуі. (Ай, күн – луна, солнце – moon6 sun)

14. Бір қорапқа қамалғандар, жану үшін жаралғандар. (Сіріңке – спички – faier)

15. Адамға ең қымбат жан (Ана – мать – mother)

5 айналым: Сөз ойла, тез ойла (Атамекен, болашақ)

6 айналым: Өнер сайысы

Әр топтан оқушылар өз өнерлерін көрсетеді. 5 ұпаймен бағаланады.

Осымен ойынымыз шарықтау шегіне жетті.

Жарыс заңы ежелден,

Жеңімпазды анықтау.

Жеңімпаз болу шарты сол,

Еңбектену, жалықпау, - деп, сөз кезегі әділқазыларға беріледі.

Жеңімпаздарды марапаттау.

«Қайнар» мектеп – гимназия» коммуналдық мемлекеттік мекемесі

Жылдамдық, уақыт және қашықтыққа байланысты есептер

Дайындаған: К. Шарапова

Пәні: математика

Сабақтың барысы:

1.Шаттық шеңбер ( оқушылар үш тілде бір-біріне тілек айтады)

«Ұлы математиктер» рубрикасы

«Ақыл-ойды тәртіпке келтіретін математика, сондықтан да оны

оқу керек» М. В. Ломоносов

«Математиктердің өзіне тән тілі бар, ол формула» С.В. Ковалевская

«Арифметика – математиканың, ал математика – барлық ғылымдардың

патшасы» К. Ф. Гаусс

2.«Қай сөз артық?» ойыны арқылы 4 топқа бөлу

• Минут, апта, ғасыр, жылдамдық

• Сантиметр, дециметр, уақыт,километр

• Тонна, центнер, қашықтық, килограмм

• Қосу, көбейту, көлік, бөлу, азайту

3.Сурет арқылы формуланы шығару, тақырыпты ашу

S – қашықтық S=V· t

V – жылдамдық V =S:t

t – уақыт t =S:V

«Бірге ойлаймыз» әдісі (топтық жұмыс)

Оқушылар сызбалар бойынша есеп құрады

Сурет бойынша есеп құрап, кесте толтырды

«Кім алғыр?» ойыны бойынша математикалық терминдер тапты

«Бинго» ойыны арқылы сабақты қорытындылау

Өзін-өзі бағалау парақшасы «зымыран суреті

критерийлер бойынша жасалған)