Просмотр содержимого документа
«"Отарқа" газетіне арналған жырлар»
ЖИЫРМА БЕСТЕ «ОТАРҚАМ»
Жиырма бес жыл тарихы
Бақыт тілеп жол тартқан.
Аралаған әр үйді,
Жиырма бесте «Отарқам».
Кәрі – жасы оқыған,
Қол тигенде жоқ арман.
Таңдауына татыған,
Жиырма бесте «Отарқам».
Қажет болған басылым,
Жүрегіңдей кең дархан.
Ардақ тұтар асылым,
Жиырма бесте «Отарқам».
Аманкелді байлаған,
Үзілмесін бек арқан.
Тілейтұғын бақ сізге,
Жиырма бесте «Отарқам».
Байлық емес жұбаныш,
Ізде білім ерінбе.
Сол емеспе қуаныш,
Тұрса «Отарқа» төріңде!
«ОТАРҚА» - 25 ЖЫЛ.
Ұран етіп Абайдың қара сөзін,
Жырлап келер халықтың мұңын, сөзін.
Отты Арқаның тұңғышы – «Отарқасы»,
Газеттерден сарасы, дарасы өзің.
Жыр етерсің қаланың жаңалығын,
Сөз етерсің бабалар даналығын.
Ауыл күйін жазарсың, елдің мұңын,
Баларларға бар бетің, базарлығың.
Еске аласың тарихты, өткен күнді,
Жыры да бар ақынның шерткен мұңды.
Спорттыда бөлістің жанкүйермен,
Күйші, әншіні таныттың әсем үнді.
Жанаргүлдің бастаған жаңа жолы,
Жаңа кейіп газеттің жаңалығы.
Жиырма беске толыпты ау, ширек ғасыр,
Есейіпті, қоштасып балалығы... .
... «Отарқасы» қазақтың жиырма бесте,
Жиырма белес асыпты, кеше емеспе?
Тарихынан сыр шертіп, сәл ойлансам,
Том-том жазба сүрлеуі келер еске!