Открытое мероприятие «Эбелалъ дир кинидахъ кучlдул ахlичlелани»

Открытое мероприятие

ко дню матери

«Эбелалъ дир кинидахъ кучlдул ахlичlелани»

Подготовила учитель родного языка и литературы

МКОУ «СОШ № 16» Алидибирова Р.У.

г.Хасавюрт РД

Цель:Воспитывать любовь и уважениек маме,создание доброй,теплой атмосферы между поколениями.

Задачи:1.Развивать эмоциональную сферу детей.

2.Способствовать созданию теплых взаимоотношений

семье.

3.формировать доверительные отношения между

Родителями и ребенком.

«Эбелалъул кечl»

Огь,эбелалъул ракl,эбелалъул ракl,

Букъараб заргlанаб эбелалъул ракl,

Гlумруялъул нахъ тарал гlемерал веказ

Тlолго дур гъварилъи борцине кlварав,

Тlолго дур гlатlилъи бихьизе кlварав

Инсан жеги вахъун рагlичlо дида.

Лъимадул рохелалъ зодиб боржунеб,

Лъимадул ургъелалъ ракьулъ тlерхьунеб,

1.Вступительная часть

Рорчlами,цlалдохъаби ва хириял гьалбал.Жакъа нилъ данделъун руго.Эбелалъул къо кlодо гьабураб байрамалде.Гьеб къо кlодо гьабула тlолабго дунялалда.Эбел абураб рагlиялъул магlна цlакъ

Гъваридаб буго.Гьеб рагlиялде гъорлъе уна хlеренлъи,гьайбатлъи гьуинлъи.Расул Хlамзатовас жиндирго кочlолъ цlакъ мухlканго загьир гьабулеб буго: «Эбелалде»- абураб кочlолъ.

Квен кьурайги мун,эбел

Кеч кьурайги мун,эбел

Квер кьурайги мун,эбел

Бер кьурайги мун,эбел

Их кьурайги мун,эбел

Нух кьурайги мун,эбел

Бакъ кьурайги мун,эбел

Къо кьурайги мун,эбел

Гlумру кьурай мун,эбел

Гlалам кьурай мун,эбел

Хинлъи кьурай мун,эбел

Лъикlлъи кьурай мун,эбел

Гlадамал цоги руго,

Мун цохlого цо йиго.

Цогидаз дуца кьолеб

Асар дий киса кьолеб?!

2.Чанги сардал рорчlана эбелалъ лъимадул кини кlибикlулаго,гъелъ ахlулаан кучlдул-гьел ккола кинидахъ кучlдул.Гьел кучlдулъ эбелалъ загьир гьабула жиндирго лъимадехун бугеб рокьи.

(1-2 ясалъ кинидахъ кучlдул ахlула)

Цlалдохъан 1:Дир мацl букlинароан,

Дир цlар букlинароан,

Рикlкlада сапаралда,

Дида нух къосинаан,

Дида рокьи гьадагlан

Ракьалда лъалароан,

Эбелалъ дир кинидахъ

Кучlдул ахичlел ани.

Цlалдохъан 2:Хlанчlаз рачунел бакънал

Чвахулеб цlадал гьаракьал,

Цlадухъ чедалъул тlагlам,

Тlанхазул кьерал,махlал

Гьадин лъазе рукlинчlо,

Гьадин ричlчlулароан,

Эбелалъ дир кинидахъ

Кучlдул ахlичlел ани.

3.Нилъер школалъул цалдохъабазги хадурун буго улбуз цо гьитинаб сайгъат. (танец)

4.Дагъистаналъул миллатазул хъвадарухъабазул творчествоялда жаниб кlудияб бакl ккола эбелалде хъварал асараз.Жиб-жиб мацlалда эбел абураб рагlи хъвала ва абула батlи-батlияб куцалъ, амма гьелъул магlна цо буго.

Расул Хlамзатовасул кечl: «Эбел»

Цlалдохъан: Испанияз Мадре,гlурусаз Мама,

Ингилисаз Мазе,нилъеца Эбел,

Азарго мацlалда гьаб къокъаб рагlи

Рагlула ахlулеб цого бухlиялъ.

Абула унтулез,рортун унеца.

Эбелалъ рачун жал кквелел гlадин.

Абула чвахулеб гlоралъ росулез,

Тlаса лъугьайилан гьарулеб гlадин.

Рорчlигун лъималаз ахlулеб буго,

Захlматчияс макьилъ щурулеб буго,

Цlадулъан магlулъун беролеб буго,

Магlил гаралъ цlалъун кенчlолеб буго

5.Дагъистаналъул литератураялда гуребги гlурус литератураялдаги

кlудияб бакl ккола эбелалде хъварал асараз.( Цlалдохъанас гlурус мацlалда кечl рикlкlуна.)

6. «Эбелалъул сурат» абураб кечl ахlила 7в классалъул цlалдохъан Бибулатова Саида.