Открытый урок Односоставные предложения..docx

МИНИСТЕРСТВО ОБРАЗОВАНИЯ И НАУКИ РД

МБОУ «СОШ №3» г.Даг.Огни

Открытый урок

по табасаранскому языку

в 8 «А» классе

МБОУ СОШ №3 г. Даг. Огни

Тема:

«Односоставные предложения.

Определенно-личные предложения».

Подготовил и провел учитель табасаранского языка и литературы : Сеидагаева Светлана Сеидагаевна

2021 г.

Дарснан тема: Саб составнан предложенйир.

                           Саб составнан предложенйирин жюрйир.

                           Якьин кай айи предложенйир.

Дарснан метлеб: урхурайи баяр-шубарсаб составнан предложенйирин гьякьнаан гъарикк      

                               ккауб; якьин кас айи предложенйирикан уьмуми мялумат.

Дарснан тадарук: китаб, таблица «Саб составнан предложенйир».

Дарснан план.

1. Класс тешкил апIуб.

2. Гафарин ляхин.

3. Предложениейин синтаксисдин разбор апIуб.

4. ЦIийи дарс кивуб.

1. КучIвбан сюгьбат.

2. Доскайик кайи предложенйирин зиин ляхин.

3. Саб составнан предложенйирин гъаврикк ккауб.

4. Таблицайин зиин ляхин.

5. Якьин кас айи предложенйирин гьякьнаан гъаврикк ккауб.

1. ЦIийи дарс мюгькам апIуб.

2. Дарснан аьхириъ уч алапIбан сюгьбат ва хулаз ляхин.

Дарснан гидишат.

1. Класс тешкил апIуб.

( Салам тувуб, урхурайидар дарснахьна гьязур апIуб, дарснан метлеб пуб ).

1. Гафарин ляхин.

а) Гьарсаб ктикьу гьярфнахъди саб гаф дюзмиш апIури дикIай (мялимдин

    кюмекниинди).

б) «Шлиз гизаф гафар аьгъяш ?» кIуру тамаши.

     Мялимди гъапи гьярфнахъди шлукьан гизаф гафар дюзмиш апIуб.

Чешне: гъ-гъурд, гъул, гъаз, гъюр, гъирагъ, гъачагъ, гъирмаж ва гь.ж.

1.  Предложениейин синтаксисдин разбор апIуб.

1. Ич адаши ярквраан мярхяриди саб хайлин гакIвлар гъахну.

2. Багарихьди малар-марччар гализ хъаиди.

1. ЦIийи дарс кивуб.

    1. КучIвбан сюбат.

-Табасаран чIалнаъ швнуб чIалнан пай а?

  Дурар фицдар кьюб группайиз жара шула?

  КIул'инди вуйи ва кюмекчи чIалнан паяр йипай. (Мялимдин суалар).

- КIул'инди вуйи чIалнан паяр (кюмекчи чIалнан паяр ктарди) предложениейиъ

  кIулин ва кьюбпи дережайин членар вуди шулу.

-Предложениейин кIулин ва кьюбпи дережайин членар йипай. (Мялимдин суалар).

            -Табасаран чIалнаъ, чаъ предложениейин кIулин членарикан швнуб аш , гьддиз  

             дилигну, шубуб жюрейин предложенйир шулу: саб составнан, кьюб составнан

             ва шубуб составнан предложенйир.

1. Тувнайи предложенйирин зиин ляхин гъабхуб.

              а) Буш чюл (подлежащее). Гизаф цIюхъюмди ву (сказуемое). Шид! (объект).

              б) Баяр ухди гъаахну. Ваз алабхъура. Гьаригъ къяркъяр рабхура.

              в) Бабу дукIун афрар гъуржну. Бали хян'ан гакIвлар хура.

                   3. Саб составнан предложенйирин гьякьнаан гъаврикк ккауб.

            -Ухьуз рякъюрайиганси зиихъ сабпи пункти тувнайи предложенйир саб составнандар

             ву.

             Саб составнан предложенйир ялгъуз саб кIулин члендикан, вая дидин составнакан

           ибарат шулу.

1. Таблицайин зиин ляхин.

             Саб составнан предложенйир.

           Подлежащее айидар                                                             Сказуемое айидар

Ччвур йивбан     Тамам дару                                            Кас айи                     Кас адру

предл.                  пред.                                                      Пред.                           Пред.

                                                        Якьин кас       Якьин дару       Уьмумиламиш

                                                        айи пред.        кас айи пред.    апIбан пред.

Чвур йивбан предложенйир: Ич класс. Хьадан йигъ. Чвул. Багъдиъ айи ужудар вичар.

                                                 Магьа ич гъул. Гьатмагь ихь дуст.

Тамам  дару предложенйир: Гъюри а. Дахъну а. Ав. Ваъ.

Кас адру предложенйир: Гъи гизаф маниди ву. Нахъ амсиди вуйи. Гъи мани хьибди.

Якьин кас айи предложенйир: Сан лап кьанназ урхури имиза. ГучI мапIан.

Якьин дару кас айи предложенйир: Раккнарик кучра. Хулаъ учIвну.

Уьмумиламиш апIбан предложенйир: АпIара-иапIара, дарапIара-дирипIара.

1. Якьин кас айи предложенйирин гьякьнаан гаврикк ккауб.

Доскайик дидикIна:

1. ГвачIин ухди гъудужвза. 2. СатIиди нирик кахъуз гъушча. 3. Гьамусдиз наан айва?

1. Адашдиз дих апIин. 5. Закур шагьриз гъарахай.

      -Му предложенйирин зиин ляхин гъабхуб ва къайда пуб.

      -Чпиъ ляхин, гьяракат апIурайи кас адаршра, сказуемйирин аьхирариинди думу якьинди

        тяйин апIуз  шлу предложенйириз якьин кас айи предложенйир кIуру.

      Глагол — сказуемйири му предложенйири чпин аьхирариинди марцциди улупура тяйин

      вуйи касдиина — подлежащее ( узу, уву, учу, ухьу, учву. )

1. ЦIийи дарс мюгькам апIуб.

1. Составназ лигну предложенйирин жюре тяйин апIинай. КIулин членариккан

                  цIарар ккадатай.

             Хьадукран садпи йигъ. Узу маш жибкIураза. Хъуркьунва. Баяр майдандиин жаргъура.

            Гьяятдиъ шюхъяр хъайи гъаз либцурайи. Бабу гвачIнин ухди хюни ккибтра. Деъ яв

            йишв'ин.

1. 118-пи илчIихуб.

                Тувнайи схемайиинди предложенйир дюзмиш апIинай ва ичв тетрадарик дикIай.

1. КIул'инди вуйи ляхин.

(119-пи илчIихуб)

1. Дарснан аьхириъ уч алапIбан сюгьбат ва хулаз ляхин.

1. Хулан ляхин: п. 24, 25; 120 -пи илчIихуб.

                                           (Якьин кас айи предложенйир дюзмиш дапIну ичв

                                             тетрадарик дикIай. (5) ).