Предметное мероприятие на агульском языке Х1икаят «Буг1улай» - «Колобок»

МКОУ «Дружбинская СОШ»

Предметное мероприятие

на агульском языке

Провела: учительница агульского языка и литературы

Керимова Н.М

Ахшам хайир х1урматлу г1алашувар шиникквар . Яг1а хьин завал хьуная мисал са биц1и х1аягъ акьас . Ме февральдин ваз э хье мактабиъ хуру ч1аларинф. К1илди хье мактабиъ ае табасаранаринна даргибурира акьая гьер джуьрайин х1аягъар

Сара 21февраль э к1илди Дагъустандиъ ае халкьдин хуру ч1алан х1аягъ. Хьин яг1а завал хьуная мисал чвас агвар акьас хье агъул ч1алан мег1нибур,шайирар, к1вал акьасе мисалабур,агъат1асе шарт1ар.

Хьин джалла гебур акьаеф хье хуру ч1ал к1валас дагьатас пуна ,гьер инсандис яг1ай кканде учин хуру ч1ал,1едатар . Хье халкь биц1и ичира ,йирк1вар ах1ади кканде.

Гьал хье х1аягъ дахъасе хуруна шайир ученицайи 5-пе классин

Гусейнова Наргиза

«Агъул ч1ал»

Агъларин 1екве ч1аларин

Арсуран бурма булах

Кавказдин джагвар гьавал

Нур ичи къизил чирагъ

Зе г1ешкъ але агъул я1ал

Нандиъ агьан ве бина

Яраб вун бусттан суман

Ахайгьан свел адина

Вун арайилас гуласттава

Зе агъул ватан ами

Закес хьасе вас устта

Ве ттур архьасе дуьйиъ

Ведущий:

Гьал хурасе шайир 5-пе классин ученицайи Гусейнова Халижайи.

« Ватанис»

Зе зегьметин нур

Х1екьлугъвелин ттур

Зе дамах,зе абур

Вун э,зе Ватан.

Гъиларин кьуват

Зе руьх1дин кьудрат

Зе 1уьмур,зе бахтт

Вун э, зе Ватан

Баракат джилин

Джаллабурис ширин

Нини э улин

Вун э, зе Ватан

Кканде зас лап ккан

Ве рекъуьъ ц1ай джан

Игитарин маккан

Вун э, зе Ватан

Ведущий:

Чвас яг1ая вввверефе гьер джуьрайин х1икатар .Яг1а хье ученикари агвар акьасе 1уьрус ч1алан х1икаят хье агъул ч1алалди таджума акьуна.

Х1икаят «Буг1улай» - «Колобок»

-Хьуне агъай ,хьундава агъай са къаринна къуджа.

Са ягъарикес са ягъа ,экьуна ахьуная къуджа,са арайилас гаш хьуная къуджайис.Агъая ми учин къарис:

Къуджа: - Акье вун хьес къари са буг1улай!

Къари:- Фиттикес э зун вас буг1улай акьаф?Г1ур андава ,я къуджа!

Къуджа: Вун къари ,ушуна к1енар ккеджик. Мункин вас джик1есе са ч1укь г1ур.

- Гъушуне къари мурц1ар хъучуч1уне джикас, хьуне гис са 1у чангаъ ае г1ур.Т1ишина г1ура акьуне къари буг1улай.

Са идже г1удул са бат1ар ниъ хъае буг1улай хьуне .

Хъихьуне къари буг1улай т1агарихъ,атуне дехъес.Буг1улай аттишина ушуне рекъди акьай мег1нибур.

Буг1улай: Зун буг1улай,зун буг1улай!

Зун г1урун к1енарикес акьуфе

Пичиъ ик1уна уджуфе

Т1агарихъ зун дехъуьфе

Х1ададаккес гьишифе

Х1абабаккес гьишифе

-Алчархьае мис г1ур.

Г1ур: Буг1улай,буг1улай уджунае багв,зун вун 1уьт1асе!

Буг1улай: Ма1уьт1а зун г1ур!Зун вас мег1ни акьасе .

Ушуне Буг1улай рекъди ккетай,ккетай.Алчархьуне гис х1уч.

Х1уч: Буг1улай,буг1улай зуун вун 1уьт1асе!

Буг1улай: Ма1уьт1а зун х1уч,ззун вас мег1ни акьасе!

Г1ураккесра гьишине ,ваккесра зун гьишасе.

- Гьучархьае мис багниш.

Багниш: Буг1улай,буг1улай. Уджунае багв ,зун вун 1уьт1асе!

Буг1улай: Ма1уьт1а зун х1уч, зун вас мег1ни акьасе.

Г1ураккесра гьишине ,х1учаккесра гьишине.Ваккесра зун гьишасе!

- Ушуне буг1улай ккетай ,ккетай.Гьучархьуне гис сул.

Сул: Буг1улай ,буг1улай зун вун 1уьт1асе!

Буг1улай: Ма1уьт1а зун сул, зун вас мег1нира акьасе.

Сул: Агь фидегьен бат1арди мег1нибур акьая вун!

Амма зун 1уьссе хьуна иджи унихьай андава.

Мишаб са биц1и удигьди.

- Гьучадиная буг1улай удигьди.Шад хьуна хъучуч1уная мег1нибур акьай.

- 1емалдар сула 1уьт1уна атуная буг1улай!

Ведущая: Гьал хьес акьасе мег1ни «1еламат» 5-пе классин ученики Рамазанов Кьулбана.

(идет песня)

Ведущий: Гьал хьин яг1аракьасе гьнас иджи яг1айчин хье ч1алан мисалабур(аттвея 1у шиниккв ахъаркьая са -сатти мисалабур).Гьина ппара упучин гис хьин бахш иц1асе.

Ведущая: Гьал ахирас аме хьес агъат1ас шарт1ар.Джуваб иттисра ая са биц1и бахш!

1. Чаб биц1иттар

Биц1и ккулар хъаеттар

Х1уьтте селебар аеттар

Ирхе руджар хъаеттар(1ул)

2. Уч шергвеф

Ниъ бат1арф

Мертти 1уьччанф(сег1бун)

3. Ц1ае хал фая зе гъилив

Хулан раккарил гамар

Мисаъ экьунаеттар к1еджинттар

Джаллабура лап 1айи лазимттар(китаб)

4. Джагвар къутт уьц1уне

Кьуларик хьилар атуне(мел)

5. Экьуна ая къуджа х1адад

Верш ккулра хъацуна

Хъадацас алуч1учин

Адавесе негъвар.(ч1ич1акк)