Хьехарсахьтан ц1е:
Предложенин цхьанатайпанарчу меженашкахь хуттургаш.
1алашонаш:
1аморан: дешархойн хаарш зер, 1амийнарг
карладаккхар;
кхиоран: цхьанатайпанарчу меженех лаьцна кхетам
балар, предложенин цхьанатайпанара меженаш
а, амма, ткъа бохучу хуттургашца а, хуттургаш
йоцуш а; хаа деза, цхьанатайпанара меженаш
муьлхарш йу; цхьанатайпана меженаш йуккъехь а
йолуш, предложенеш х1итто хаар;
кхетам – кхиоран: нохчийн матте болу безам
к1аргбар.
Билгалбаьхна кхиамаш: берашна йевзар йу цхьанатайпанарчу меженашца лела хуттургаш, йозанехь царех пайда эца хуур ду. Берашна хуур ду хьехархочун хаттаршан жоьпаш даларца къамеле бовла, учебниках пайдаэца.
Догдаийтаран мур.
Х1етал – металш:
- Ша шайх а вац, маж йу.
- Ша йеса йу, амма т1е х1ума тоьхча,
г1овг1а йоккху.
- Мотт бац, амма и хиллачохь
Дерриг бохург керланиг хууш хуьлу.
Нийса дуй талла.
Х1етал – металш:
1. Бож.
2. Вота.
3. Газета.
Дешархойн долчу хаарийн актуализаци йаран мур.
Ц1ахь 1амийнарг хотту.
1. 1амайе 33 аг1он т1ера бакъонаш.
2. Кхочушде белхан тептар т1ера № 3 - г1а шардар
йа шардар № 56.
1амийнарг карладаккхар:
- Предложенин муьлха меженаш хуьлу
цхьанатайпанара?
- Муха билгалйоху предложенин цхьанатайпанара
меженаш?
Керла коьчал йовзийтар.
- Муьлха хаттар ду вайна тахана 1амо билгалдаьккхинарг?
Д1айеша бакъо.
Хьехархочун дош.
Уьн т1ехь хьалххе д1айазйо лахара предложенеш:
1. Т1екхечи дашо , токхе гуьйре .
2. Ч1ег1ардиган кхача бу чуьркаш , мозий.
3. Ахьмад школехь доьшуш ву, ткъа Юсуп гимназехь.
4. Бераш дог1анах девдира , амма дашийра .
5. Нанас йо1ана тетрадаш а, басарш а, къоламаш а ийцира.
Т1едиллар.
Предложенин цхьанатайпанара меженаш бохучу дешнийн цхьаьнакхетарехь цхьанатайпанара боху дош муха кхолладелла? (цхьана + тайпанара – ши дош вовшахтохарца).
- Муха ду цу дешан лексически маь1на? (цхьатерра,
цхьанакепара, вовшех тера, цхьанатайпана дешнаш).
Д1айазйе предложенеш тетрадаш т1е:
- Карор йарий шуна оцу предложенехь цхьанатайпанара
меженаш?
- Муьлхачу дашах йозуш йу уьш? Цхьана хаттарна жоп
лой цара?
- Предложенин муьлха меженаш йу уьш?
Бакъо т1ехь болх бар.
Предложенин цхьанатайпанара меженаш вовшашца
йозайелла хуьлу интонацица а, а, амма, ткъа
хуттургашца а.
Кластер.
Хуттургаш
ткъа
а
амма
Йозанан болх.
Кхочушдо шардар № 61 (1 - ра абзац), аг1о 35.
- Текст т1ера схьайазйе. А хуттургаца йозайелла
цхьанатайпанара меженаш шайца йолу предложенеш
схьалаха.
Сада1аран мур.
Цхьана дашах – маситта:
Зурманча.
Нийса дуй талла:
Зурманча (зу, у, зурма, ча, чан, нар, мача,
рузма, рама, зама, мар, мар, чам, ан).
Рузма – календарь.
1амийнарг т1еч1аг1дар.
Д1айазйе предложенеш:
- Гумс а, Соьлжа а Терках д1акхеташ ду.
- Асет школехь доьшуш йу, ткъа Марем – гимназехь.
- Орга чехка ду, амма сирла дац.
- Хуттургаш билгалйаха.
Жам1 дар.
1. Дийца предложенин цхьанатайпанарчу меженех лаций.
2. Цхьанатайпанарчу меженашкахь муьлха сацаран
хьаьркаш х1иттайо? Даладе масалш.
- Муьлхачу интонацица йоьшу уьш? Даладе масалш.
Рефлекси йар:
Суна хии…
Суна хазахийти…
Со ца кхийти…
Ц1ахь кхочушдан дезарг.
- 1амайе бакъо аг1о 34.
- Кхочушде шардар № 61 (2 - г1а абзац).
Массарна а даггара баркалла!!!