Презентация к уроку по родному языку на тему: "Чедедиб предложениебачилси учибяхъ предложение "

Дарсла тема

Чедедиб предложениебачилси учибяхъ предложение (обобщение).

Дарсла мурад:

- тема х1ясибли дурх1нала багьудлуми мурхьдарни ва т1инт1дарни, кьяйдуртачи душни ва ахтардидарни;

- орфографиялашал ва пунктуациялашал багьудлуми гьаладях1 ардукни;

-дарсличир дурх1нала творческий , сабицун бузес балнила багьудлуми гьаладях1 ардукни, мезличи диги адикьни.

Масъулти:

-учибяхъ предложениеличила баянти гьаладях1 ардукни;

-чедедиб предложениебала жураби тикрардарес;

-практический х1янчурби дирахъули, предложениебазир чедедиб предложениеби дургахъули ва баяндирахъули, багьуди кагахъес;

• учибяхъ предложениела синтаксический разбор бирнила тях1яр аргъахъес;
• -бяркълашалси багьуди бедни ва буч1ниличи гъира ак1ахъни.

Делч1унти гьандикахъни

1. колхозникуначил ( морфологический разбор )

2. кайкибх1еливан ( девла цах1набик х1ясибли разбор )

Чедедиб предложениебала жураби белгидарес

• Тухтурли илизи ишараличибли багьахъур, зяг1ипсилис усес дигули сай или .
• Нясдеш чинар диалра, илар излумира дирар.
• Мурад шилизивра духуси урши вири , суненира адамтала дебали х1урмат бируси .
• Неш рак1айчи , дурх1ни х1язлибиркьули калун.
• Г1ежа башнабад, гежбара башар .
• Сунечиб зела гавлаг лебх1еливан , ил ибкьизурли вашулри .

• Ил шилизи автобус х1ебашни багьандан, наб урчиличив укьес чебуркъуб .
• Раисатла хумардеш черардукьяхъес или, балликьяна рурсби шаддешла хабуртази ахъилри .
• Чус хъулиб анц1букьалри, зяг1ипти коридорлизи дурабулхъи .
• Май баз сабаили хьалли , галгуби шинишдиубли ах1енри .
• Нешли барибси чуду илцадра бизисири , х1ятта илала т1ем гьаннара цулбазиб лебал .

Тест

1. Ца хьулчиличи белшунси ва таманси ца пикри иргъахъуси предложениелис ….бик1ар.

А. Дугьабиз

Б. Царка предложение

В. Диалог

Г. Учибяхъ предложение.

2. К1ел яра имц1ати царка предложениебазибад бетаурси предложениелис ….бик1ар:

А. Гьарси гъай

Б. Царка предложение

В. Учибяхъ предложение

Г. Дугьабиз.

3. Учибяхъ предложениелизирти царка предложениеби цализирад ца имц1али сегъуна ишараличил дек1ардирути?

А. Точкаличил

Б. Запятаяличил

В. Точкара запятаяличилра

Г. Тиреличил.

4. Г1ялимтани мусни-зубри руркъули саби, гьарахъти мер-мусаличир г1ямру лерал багьес багьандан . Иш учибяхъ предложениелизиб чебедиб предложение саби:

А. К1иибил.

Б. Цаибил.

5.Чебедниличилси учибяхъ предложение баргес.

А.Наби яра хъучив вирар, яра анхълизив вирар.

Б.Набчибях1 лябкьуси синка х1ясиббарили, ну сенрил тамашавиубра.

В. Пат1ила къапула гьала аибх1ели, нуни ахъли далайира.

6. Иш аги-кьяйдала чебедиб предложениела жура белгибарес . Итх1ели гьалав нуни чеибх1еливан, гьанна ну чагъли ах1енра.

А. Заманала

Б. Шарт1ла

В. Мешубируси.

Жавабти

• Б
• В
• Б
• А
• В
• В

Точкабала мерла г1яг1нити союзуни кадати ва предложениеби баяндара.

Нешличиб ах1ерси дунъяличиб г1ур селра х1ебарар …, нуни узизи чуйнара аргъахъира.

Х1яб биркъес алавбак1иб…., биркъубси мер итсяг1ят шинни биц1иб. (Р.Рашидов)

Рашидов Рашид Меджидович ( 1.05.1928 – 15.05.2011, с. Ванаши-Махи Сергокалинского района )

Следствиела (х1ясилла) чебедиб предложение баргес.

Дубуртазиб рурсбас вавни гьадурцуси г1ядат лебси ах1ен, сенах1енну вавначибра къугъати саби рурсби. Амма хъарахълизиб яни берк1или мазала дурзамтачил дубурла дуки-гьундурачи гечбирути бук1унас гьунибиути шантала някъбазир вавни дирар.

Ишдус х1еблизир биалли вавни чилилра ках1есиб, сенах1енну шира шантира гьачамлис Сурхай вебк1или или марайдешлизиб сабри. Бук1унира хумарлири, х1ятта ил вайси анц1букьлизиб саби г1яйибла бирутиван. Х1ябкьяйличиб бук1унас Насибали хумарси макьамличил далай белч1ун. Ил далай жявлил белк1унсири даргала поэт Сайгидли…

Алгъай шайчирти бек1 предложениебачи чедатирая балуй шайчирти чедедиб предложениеби. Буралабала мяг1на гьаргбарая. Чедедиб предложениебала жураби белгидарая.

1.Чили дец1 чех1ебаалра

• Гидгари чили биг1ялира

А. илала неш рагьи .

Б. къунби урцес х1едирар.

• Къянби урцули хьалли

В. заманаличиб хурег х1ебирар.

4.Хъулиб бахъал хьунул адамти биалли

Г. илини разидешла мяг1на х1ебала.

5. Рурсиличи сукни укьяйчи

Д. илини г1ярг1яра билг1я.

• Чили дец1 чех1ебаалра, илини разидешла мяг1на х1ебала.
• Гидгари чили биг1ялира, илини г1ярг1яра билг1я.
• Къянби урцули хьалли, къунби урцес х1едирар .

• Хъулиб бахъал хьунул адамти биалли, заманаличиб хурег х1ебирар.
• Рурсиличи сукни укьяйчи, илала неш рагьи.

( ишарала дев баянб.)

(ишарала дев баянб.)

(уббурк1уси)

( шарт1ла)

( заманала)

Мяг1на ва цалабик калахъи, ишди урус мезла чебедниличилти учидяхъ предложениеби дарган мезличи шурдатирая (1 предложениела синтаксический разбор).

1.Махмуд вдруг увидел, что перед ним его возлюбленная Муи.

2.Юноша из Кумуха приехал в Айзани, чтобы взглянуть на свою возлюбленную.

3.Тот, кто говорит плохо о другом языке, у нас не считается человеком.

• 1)Мях1муд шуряхъибх1ели, х1улбала гьалар илини сунела риганай Муи чераиб.

• 1)Мях1муд шуряхъибх1ели, х1улбала гьалар илини сунела риганай Муи чераиб.
• 2)Сунела риганай чераэс багьандан, гъумекан урши Азайни вак1иб.

• 1)Мях1муд шуряхъибх1ели, х1улбала гьалар илини сунела риганай Муи чераиб.
• 2)Сунела риганай чераэс багьандан, гъумекан урши Азайни вак1иб.
• 3) Эгер урх1ла мезличила вайт1а гъайик1алли, ил нушачив адамлизи велг1уси ах1ен.

Творческий диктант . Ишди предложенияби делк1и тамандарая ва чедедибтала жура кабизахъирая.

• Х1у секъяйда уч1улрил, илкьяйда ……
• Жяг1ял арукьес кьас сабри , рахли …… .
• Адам азадли ва разили х1ериахъес багьандан, … ..
• Деркести ва держести дигарцад лерли хьалли,…………
• Барх1ехъ нуни унзализи кьут1дяхъибх1ели, ………
• Арадеш биалли, … ..
• Берх1и ахъибмад, ………

Рефлексия

• - Ишбарх1ила дарс г1яг1нисирив? Селис?
• - Се къиянбухъуна дарсличиб?
• - Се гьамадлири?
• - Селичи пикри бях1чиаэс г1яг1нили?
• - Х1ушаб х1ушани кьиматуни кадатирая.

Хъули х1янчи

Учидяхъ предложениеби дузахъули, х1ела г1ях1си юлдашличила хабар белк1ес.

Баркалла лебтасалра!