Սեղանի թենիս
Հայաստանի սեղանի թենիսի ֆեդերացիան մեծ պատմություն ունի: Այն հիմնադրվել է 1949 թվականին: Առաջին նախագահն է եղել Բորիս Սևոյանը: 1946 թվականին մի խումբ հայրենադարձների հետ Հայաստան է եկել նաև Հարություն Հակոբյանը, ով 1945 թվականին հռչակվել էր Ռումինիայի պատանիների չեմպիոն: Բնակություն հաստատելով Հայաստանում` նա անցնում է և' մարզական, և' մարզչական գործունեության: Նրա գլխավորությամբ` 1950 թվականին հայ թենիսիստները մեկնում են Մոսկվա` մասնակցելու միջազգային մրցաշարի, և բացարձակ առավելության հասնում մրցակիցների նկատմամբ:
1951-ի նոյեմբերին անցկացվում է ԽՍՀՄ անդրանիկ առաջնությունը, որի հաղթող է դառնում Հարություն Հակոբյանը, և հենց նրա ջանքերով 1954 թվականին հիմնադրվում է Երևանի սեղանի թենիսի մարզադպրոցը:
1991 թվականին ստեղծվեց նոր ֆեդերացիա, որը գլխավորեց Ռոբերտ Ասատրյանը: Այնուհետև ֆեդերացիան գլխավորել են Երևանի նախկին քաղաքապետ Ռոբերտ Նազարյանը, Հրանտ Ավագյանը, Սամվել Դիլոյանը, Լևոն Գրիգորյանը, սպորտի ներկայիս նախարար Գաբրիել Ղազարյանը, իսկ 2014-ից մինչ օրս այն գլխավորում է ԽՍՀՄ չեմպիոն, սպորտի վարպետ, վաստակավոր մարզիչ Ֆելիքս Սարգսյանը, ով նաև Հայաստանի տարբեր տարիքային հավաքականների գլխավոր մարզիչն է:
Просмотр содержимого документа
«Սեղանի թենիս /Հայաստան/»