Семенов-Тян- Шанский (1906-жылга чейин - Семенов) Петр Петрович

Семенов-Тян- Шанский (1906-жылга чейин - Семенов) Петр Петрович (1827-жылы Урусов кыштагына жакын, азыркы Липецкий областы, Чаплыгин районунда жарык дүйнөгө келген - 1914-жылы Петербургда дүйнөдөн кайткан) - орус географы, статистик, коомдук ишмер, Петербург ИАнын ардактуу мүчөсү (1873). Орус география коомунун вице-председатели (1873-1914). Мамлекеттик советтин мүчөсү (1897). Ак сөөк үй-бүлөдөн. Петербург университетинин табият-таануу бөлүмүн бүткөн (1848). 1849-ж. Чыгыш Европа (Орус) түздүгүн изилдеген, Географиялык коомдо иштей баштаган. 1856-1857-жылдары Тянь-Шанга саякат жасаган, Ысык-Көлдүн туюк көл экендигин, Тянь-Шандын жанар тоолордон түзүлбөгөндүгүн далилдеп, анын орографиялык схемасын түзгөн. Иле Ала-Тоосунун ландшафттарынын бийиктикке карай өзгөрүлүшүн, Сары-Жаз суусунун башындагы ири мөңгүлөрдү изилдеген (Тянь-Шандын илимий изилденишинин 50 жылдыгына байланыштуу анын фамилйясына «Тян-Шанский» деген ардактуу кошумча ат киргизилген). Дыйкандар реформасын (1861) даярдоо боюнча Редакциялык комиссиянын ишине катышкан. Орто жана Борбордук Азияга, Сибирь, Ыраакы Чыгыш, Жаны Гвинея ж.б. жерлерге орус экспедицияларын уюштурган. 1864-1874-ж. Борбордук статистика комитетин, 1874-1897-ж. Семенов-Тян-Шанскийдин ысмы менен Орто жана Борбордук Азияда, Кавказда, Аляскада бир катар географиялык обьектилер аталган.