Шамалар және өлшем бірліктер. Монеталар

Ортақ тақырып: «Тәні саудың – жаны сау»

Пән: Математика

Ұзақ мерзімді жоспар бөлімі: 4А бөлім - Күнделікті өмірдегі есептеулер

Күні:02.03.2018

Сынып: 1

Мектеп: «Чехов орта мектебі» КММ

Мұғалімнің аты-жөні: Кушубенова Г.А.

Қатысқандар саны:

Қатыспағандар саны:

Сабақтың тақырыбы

1.3 Шамалар және өлшем бірліктер. Монеталар

Осы сабақта қол жеткізілетін оқу мақсаттары (оқу бағдарламасына сілтеме)

1.1.3.6 1 тг, 2 тг, 5 тг,10 тг, 20 теңгелік монеталармен түрліше төлем жасау

Сабақ мақсаттары

Барлық оқушылар: 1 тг, 2 тг, 5 тг,10 тг, 20 теңгелік монеталармен күнделікті қажет заттарына түрліше төлем жасай алады;

Көптеген оқушылар: 1 тг, 2 тг, 5 тг,10 тг, 20 теңгелік монеталардың құнын түсінеді, бір-бірімен салыстыру арқылы қымбат монетаны арзан монетадан ажырата біледі;

Кейбір оқушылар: Ұсақ монеталарды қосу арқылы қажетті соманы шығарып, заттың құнын төлей алады. Монетаны ұсақтай алады.

Ойлау дағдыларының деңгейі

Қолдану, талдау.

Бағалау критерийлері

-Теңгелік монеталарды бір- бірімен ажыратады;

-1тг, 2тг, 5тг, 10тг, 20тг монеталарды түрліше қолдана отырып, күнделікті қажетті заттарды сатып алады;

- Ұсақ монеталарды қосу арқылы қажетті соманы шығарып, заттың құнын төлейді.

- 20тг, 10тг, 5 тг, 2 тг. ұсақтай алады.

Тілдік мақсаттар

Ақша, теңге, монета, құны.

Талқылау сұрақтары үшін:

Күнделікті адам денсауығына қажет заттарды қайдан аламыз?

Сатып алу үшін не қажет?

Құны арзан заттарды қандай ақша түріне сатып алуға болады?

Құндылықтарды дарыту

Білім алушыларды монеталарды пайдалана отырып, денсаулыққа пайдалы заттарды сатып алуға тәрбиелеу; Жетекші сұрақтар арқылы оқушылардың денсаулығын сақтау дағдыларын қалыптастыру.

Пәнаралық байланыстар

сауат ашу, дүниетану

АКТ қолдану дағдылары

Интербелсенді тақта

Бастапқы білім

Ондықтан аттамай бір таңбалы сандарды/ 20 көлеміндегі біртаңбалы мен екітаңбалы сандарды/ ондықтарды ауызша қосу және азайтуды орындай алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 мин

1.Психологиялық ахуал. /1 мин /

Күнге қолды созайық,

Күн шуағын алайық.

«Тәні саудың-жаны сау»

Осыны есте сақтайық!

(МК Ұ. Қ) Оқушылардың зейінін шоғырландыру.

«Бэкроним» әдісі (логикалық ойлауын, сөз қорын дамыту) /3 мин /

Бағалау критерийлері:

Білім алушы

-Екі сюжетті салыстырады;

-Бір-бірімен байланысын атайды;

-Өз ойларын дәлелдейді;

-Жетекші сұрақтарға жауап береді.

-Мына екі суретке мұқият қараңыздар. Бұл екі суреттің бір-бірімен қандай байланысы бар? Неліктен?

- Денсаулыққа қажетті заттарды сатып алу үшін не керек?

- Құны арзан заттарды қандай ақша түріне сатып алуға болады?

• Олай болса, бүгінгі сабағымыздың мақсаты 1.1.3.6 1 тг, 2 тг, 5 тг,10 тг, 20 теңгелік монеталармен түрліше төлем жасау.

Дескриптор: Білім алушы

- Екі сюжетті салыстыра алады;

-Бір-бірімен байланысын атайды;

-Өз ойларын дәлелдейді;

- Жетекші сұрақтарға жауап бере алады.

(ҚБ): От шашу /1 мин /

АКТ (Экраннан картинкаларды көрсету )

Сабақтың ортасы

25 мин

Топқа бөлу. / 1 мин /

10 тиын және 20 тиындықтармен.

1Т. (Т) “Орнын тап”

«Джигсо» (Берілген тақырыпты топ ішінде талқылау) /5 мин /

Бағалау критерийлері:

Білім алушы:

-Монеталарды кему, өсу ретімен кассалық аппараттарға орналастырады;

-Монета құнын ажыратады.

Әр топқа берілген монеталарды кассалық аппараттарға кему және өсу ретімен орналастырады.

І топ: дәріхананың кассалық аппаратына кему ретімен;

ІІ топ: жеміс-жидек дүкенінің кассалық аппаратына өсу ретімен орналастырады.

Дескриптор: Білім алушы:

-Монеталарды кему,өсу ретімен кассалық аппараттарға орналастырады;

-Монета құнын ажырата алады.

(ҚБ): Әр топ бірін-бірі бағалайды/2 мин/

2Т.(Ж) Сәйкестендіру / 5 мин/

SWOT – талдау ( Оқушының бір мәселе бойынша ойлау, талдау, салыстыру қабілетін дамыту. Өз пікірін ашық айту)

Бағалау критерийлері:

Білім алушы:

-Күнделікті тұтыну заттарының бағасын біледі;

- Тұтыну заттарын бағасымен сәйкестендіреді;

-Денсаулығына пайдалы, зиянды екенін біледі.

Әр оқушыға А-4 парағын үлестіремін. Онда бағасымен затты салыстыруға тапсырма беріледі.

20 теңге 115 теңге 200 теңге

75 теңге 100 теңге 80 теңге

150 теңге 270 теңге 97 теңге

Дескриптор: Білім алушы

-Күнделікті тұтыну заттарының бағасын біледі;

- Тұтыну заттарын бағасымен сәйкестендіре алады;

-Денсаулығына пайдалысын атайды;

-Денсаулығына зиянын атайды.

( ҚБ): Өзін-өзі бағалау «Баспалдақ»

/1 мин /

Ширату сәті / 3 мин/

3 Т.(Ж) «Саудаласу»

Іс-әрекеттік тәсіл / 6 мин/

Бағалау критерийлері: Білім алушы

-Монеталармен төлем жасау арқылы қымбат, арзанды ажыратады.

- Ұсақ монеталарды қосып, түрліше төлем жасайды.

-Біздің бүгінгі сабақтағы мақсатымыз не?

Тақтаға 50 тг монета ілінеді. Әр жұп бір дана аскорбинді 50 теңгеге сатып алудың 2 тәсілін көрсетеді.

=

Дескриптор: Білім алушы

-Монеталармен төлем жасау арқылы қымбат монетаны ажыратады.

-Арзан монетаны ажырата біледі;

- Ұсақ монеталарды қосып, түрлі төлем түрлерін жасай алады.

( ҚБ): «Пайыздық бағалау» / 2 мин/

Кассалық аппараттың макеті-2 дана, монеталар

Түрлі-түсті суреттерімен А-4 парағы

монеталар

50%, 75% , 100% жазылған А-4 парақшалары әрбір қабырғада ілулі тұрады.

Сабақтың

соңы

10 мин

Кері байланыс: «Ойлан, тап»

(МК.С)   «Миға шабуыл» ( Қандай да болмасын ақпарат (мәлімет, проблема, сұрақ) туралы бар білгендерін жазбаша немесе ауызша ой салу.) / 7мин/

Бағалау критерийлері:

-Түрлі төлем жасауды біледі;

-Монеталарды ұсақтайды;

-Монеталар құрамын біледі.

- Айшаның қалтасында 7-ге тең болатын 2 монета бар. Егер олардың бірі 5тиындық болмаса ,олар қандай тиындар?

Жауабы:

-Асқарда 2 теңге және 5 теңгелік көп тиын бар. 17 теңгеге балмұздақ алу үшін Асқар қанша тиын санын жұмсайды?

Жауабы:

-  Бес тиынды ұсақ монеталармен жазсаңызар қандай монеталар қолданасыздар?

Жауабы: =

- 20 тиынды 3 рет лақтырады. Оның елтаңба немесе цифр жағы қанша рет түседі? 

Жауабы: -3 рет

Дескриптор:

-Түрлі төлем жасауды біледі;

-Монеталарды ұсақтай алады;

-Монеталар құрамын біледі.

(ҚБ): Та-ма-ша! қол соғу

«Желкен» / 3 мин/

Білім алушылардың бүгінгі тақырып бойынша өздерін- өздері бағалауы

Монеталар

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Оқушыларға мұғалімнің көрсетуімен,ұжымдық, жеке, жұптық, топтық тапсырмалар берілді. Диалог және қолдау көрсету арқылы балаларға дереккөзін пайдаланып, білімдерін толықтырдым. Сұрақ-жауап тәсілі қолданылды. Әр тапсырма кері байланыспен бағаланып отырылды.

Оқушылардың алған білімін қалыптастыру мақсатында кері байланыс ретінде от шашу, бутерброд, баспалдақ, пайыздық, қол шапалақ, желкен стратегиялары, әдістері арқылы бағаладым.

Денсаулықты сақтауға пайдалы заттарды атап өту, ұсақ тиындарды ауызға салмау қауіпсіздігін айту.

Сабақ бойынша рефлексия

Оқушылар сабақ соңында:

-Теңгелік монеталарды бір- бірімен ажырата білді;

-1тг, 2тг, 5тг, 10тг, 20тг монеталарды қолдана отырып, қажетті заттарды сатып алуды меңгерді;

-Монеталарды өсу, кему ретінде салыстыруға үйренлі.

Сабақ тақырыбын меңгеру деңгейін бағалау үшін сұрақтар қойдым:

-Біз аскорбин сатып алудың неше тәсілін көрсеттік?

-Біздің бүгінгі сабақтағы мақсатымыз не?

Оқушыларға өз жауаптарын түсіндіруді ұсындым.

Кері байланыста «Бір айналым сөйлесім» арқылы өз білімдерін бағалатамын.