"Шэдитэ хүүр" һургаалай зохёолнууд

Буряад Уласай эрдэм ухаанай яаман

Захааминай аймагай һуралсалай хүтэлбэри

Санагын юрэнхы дунда һургуули

Нээмэл хэшээл: Шэдитэ хүүр.

Буряад литература 6 класс.

Багша: Норбоева Оюна Тогтохоевна,

дээдэ шатын багша

Санага 2024 он

Хэшээлэй темэ: “Шэдитэ хүүр”

Хэшээлэй зорилгонууд: зохёолой хаана бии болоһониие шэнжэлхэ;

“хадамал туужа” гэһэн ойлгосотой танилсаха,

“Шубуун дэгэлтэ” зохёолой байгуулга элирүүлхэ;

оршон тойрониие ойлгохо мэдэсэеэ үргэдхэхэ;

шэнжэлхы дүршэлтэй болохо;

буруу зүб ябадалые шүүмжэлжэ, шиидхэбэри абаха

дадалтай болохо.

Хэшээлэй хэрэгсэл: интерактивна самбар, “Алтан гадаһан”ном,нюур 159-169, слайднууд.

Хэшээлэй янза: шэнэ темэ үзэлгэ

Хэшээлэй онол арга: шэнжэлхы

Хэшээлэй түхэл: бүлэгөөр хүдэлмэри

Хэшээлэй ябаса:

1. Самбарта темэ: “Шэдитэ хүүр” бэшээтэй

Багша:- мүнөөдэр бидэ шэнэ зохёолтой танилсахабди. Энэ зохёолой нэрэ таанар юун гэжэ ойлгонобта? Һурагшад харюусана.

• “Волшебный мертвец” гэжэ оршуулгатай.

• Зай, мүнөө номуудаа 120-дохи нюурта неэнэбди. Уншагты , үгын тайлбари харагты.

• Хаанаһаа иимэ зохёол бии болоо гээшэб?

һурагшад харюу үгэнэ.

• Хайшан гээд эдэ зохёолнууд манда хүрэжэ ерээб?

• Ямар аргаар зохёогдодог байгааб? Хэды зохёол энэ зохёол соо орооб?

• Ямар эрдэмтэд, ямар хэлэнһээ, хэзээ оршуулааб? Эдэ бүхы асуудалнуудта харюу үгэхын түлөө, бидэ багахан шэнжэлгэ хэхэ ёһотойбди.

• “Алтан гадаһан” гэжэ ном бултаа мэдэхэ гүт? Энэ ном соо монгол туургата арадуудай түүхэ, соёл болбосорол , уран зохёол, ёһо заншал, һургаалнууд, заабаринууд оронхой. Мүн “Шэдитэ хүүр” зохёол бии. Эрдэмтэд, академигуудай шэнжэлһэн хүдэлмэринүүд, оршуулганууд оронхой. Түб Азиин арадуудай оюун бэлиг- творчество, гүн ухаан- философия, ниигүүлэсхы сэдьхэл- сострадание, соёл болбосорол- культура энэ зохёолнууд соо харуулагданхай.

• Мүнөө энэ ном 159-дэхи нюурта неэнэбди. Мэдээсэл оложо, табигдаһан проблемэнүүдые шиидхэнэбди.

1. Һурагшад бүлэгөөр хубаарна. Бүлэг бүхэн өөрын шэнжэлгын ажал хамгаалха ёһотой.

2. Бүлэг бүхэнһөө нэгэ хүн шэнжэлхы ажалаа хамгаална.

Хэшээлэй дүн:

-хэнэй ажал эгээ һайн байгааб? Сэгнэлтэ бэе бэедээ үгэнэ.

-ямар юумэн таниие һонирхуулааб?

-юу мэдэжэ абаабта?

-юундэ эдэ зохёолнууд манда хэрэгтэйб?

Хэшээлэй дүнгөөр сэгнэлтэ.

Гэрэй даабари: “Шубуун дэгэлтэ” зохёол уншаха, байгуулгынь элирүүлхэ.

-хэшээл дүүрээ.

-Баяртай, үхибүүд!