«Модель» сўзи лотинча модулус сўзидан олинган бўлиб, ўлчов, меъёр, образ, намуна, аналог, «ўринбосар» деган маʼноларни билдиради.

"Model" so’zi lotincha modulus so’zidan olingan bo’lib, o’lchov, me’yor, obraz, namuna, analog, "o’rinbosar" degan ma’nolarni bildiradi.

• Ilmiy va amaliy tadqiqotlarda real mavjud sistemalarni modellashtirish katta rol o’ynaydi. Modellashtirish mohiyati shundan iboratki, har biri real mavjud yoki abstrakt bo’lgan ikki sistemalar orasida o’xshashlik munosabati o’rnatiladi. Agar bu sistemalardan birinchisi tadqiq qilish uchun ikkinchisiga nisbatan soddaroq bo’lsa, ikkinchi sistemaning xossalari haqida birinchi sistema xulqini kuzatib hukm chiqarish mumkin. Bu holda tadqiqot uchun foydalanilgan sistemani model deyiladi.

• Model tushunchasini ta’riflash juda qiyin. Bir manbada uning 31 ta ta’rifi sanab o’tilgan. Shunday bo’lsada bu tushuncha har birimizga tanish: o’yinchoq samolyot--samolyotning modeli, globus-Erning modeli, planetariy ekrani-osmon va undagi yulduzlar modeli, formula- jism harakati modeli. Bu bayon qilingan predmetlar grafik tasvirlar, formulalar bir "model" so’zi bilan birlashadilar.

• Modellashtirish-turli jarayon va hodisalarni o’rganishning eng keng tarqalgan metodlaridan biri.
• Model tushunchasi biologiya, medistina, ximiya, fizika, iqtisodiyot, sostiologiya, demografiya va boshqa fanlarda ham qo’llaniladi. Matematik model, fizik model, biologik model, iqtisodiy model va boshqa modellar turlari mavjud.

• Real sistemaning (aniqrog’i sistema ishlashi jarayonining) matematik modeli deganda biz sistema parametrlariga, kirish signallariga, boshlang’ich shartlar va vaqtga bog’liq sistema holatlari xarakteristikalarini (bular orqali chiqish signallarini) aniqlovchi munosabatlar (masalan,  formulalar ,  tenglamalar , tengsizliklar, mantiqiy shartlar, operatorlar va boshqalar) to’plamini tushuna miz.

• Bizga tarixdan ma’lumki turli xujalik masalalarini echishda matematikadan keng foydalanib kelingan. Matematikadan oldingi vaqtlarda sodda hisoblashlarda va turli xil o’lchashlarda keng foydalanilib kelingan. Turli fanlarning rivojlanishida matematika muhim rol o’ynab kelgan.

• Texnik, texnologik, iqtisodiy va boshqa jarayonlarga oid tadqiqotlarda matematik usullarni qo’llash ushbu jarayonlarning qonuniyatlarini o’rganishda muhim nazariy va amaliy natijalarga erishish imkoniyatini berdi.

• Modellashtirishda o’rganilayotgan jarayonning barcha xossalarini hisobga olish mumkin emas, albatta. Bunday jarayonlar uchun qo’yiladigan asosiy talablar mezon vazifasini bajaradi. Tanlangan tizimlarning turli faoliyat yo’nalishlarini o’rganish uchun har xil matematik usullardan foydalaniladi. Bulardan eng muhimlaridan biri optimallash nazariyasi va matematik dasturlashdir.