Слово про Латвию

Слова пра Латвiю

Латвiйская рэспублiка – дзяржава ý паýночнай Еýропе. Мяжуе з Лiтвой, Беларуссю, Расiяй, Эстонiяй. Агульная плошча краiны – больш за 64 тысячы квадратных кiламетраý.

Буйныя гарады – Рыга, Даýгаýпiлс, Лiепая, Елгава, Юрмала. Сталiца – горад Рыга. У 1201 годзе ý вусцi Даýгавы святар Альберт заснаваý горад. Выгаднае размяшчэнне зрабiла Рыгу адным з галоýных гандлёвых гарадоý на ýзбярэжжы Балтыйскага мора. Горад захаваý свой гiстарычны выгляд. Сярод маляýнiчых домiкаý – старажытныя цэрквы i манастыры, вежы з вострымi шпiлямi.

За 14 кiламетраý ад Рыгi знаходзiцца вядомы балтыйскi горад Юрмала. Ён працягнуýся вузкай паласой аж на 30 кiламетраý уздоýж узбярэжжа Рыжскага залiва. Больш за палову гарада займаюць паркi, лясы i зялёныя зоны. Драýляныя пабудовы з прыгожымi вежамi каляровымi вiтражамi ý вокнах, ганкамi i верандамi нагадваюць казачныя домiкi. Адно з самых цiкавых месцаý Юрмалы – гэта вялiкая канцэртная зала, дзе штогод праходзiць мноства канцэртаý.

У Латвii 12 тысяч рэк. Галоýная з iх – Даýгава (Заходняя Дзвiна). Самае глыбокае возера – Дрызда.

У 1960 годзе нацыянальнай птушкай Латвii была абʹяýлена белая сiтаýка. Сiмвалам краiны зʹяýляецца журавель. Клiн з дзевяцi журавоý упрыгожвае латышскi пашпарт. Нацыянальным сiмвалам лiчаць таксама дзiкi рамонак, двухкрапiнкавую багоýку, лiпу i дуб.

З якiмi краiнамi ý Латвii агульныя межы?

Якi горад зʹяýляецца сталiцай Латвii?

У вусцi якой ракi ён знаходзiцца?

Колькi яму гадоý?