Сочинение на тему "Профессия учителя"

Сочинение

Учительла саниг1ят

Гьар адамли г1ямрулизиб сунела мер буцес г1яг1ниси саби. Ил шайчиб мяг1ничебси пай кабирхьули саби учительли.

Ришт1али рирух1ели, набзи чили-биалра хьарбаалри, х1ед чи ретаэс дигулри или, нуни, пикрилра х1ерухъи, жаваб лугаси, наб учительница ретаэс диги или. Илх!ейчирад чумал дус дикили диалра,дила ил пикри барсбиубли ах1ен, ва ил кьаслизир ну гьат1иралра ч1умарирулра.

«Учитель». Х1ябилра мурхьси мяг1на сунези бух1набуцибси дев х1ебиалли ил! Бархьаначи дарган мезличи ил дев шурбаталли, «селичи-биалра бурсииран» или эс дирех1е. Гьамадли ах1ен чи-биалра сунени балуси сек1айчи бурсиварес, г1ямрула гьуйчи вархьварес. Х1ера, илдигъунти масъулти т1ашли сари учительла гьалар. Гьайгьайра, лерилра саниг1ятуни-ургаб учительла саниг1ят бег1лара мяг1ничебси саби алра, хат1ах1ердикех1е, сенк1ун нушала челябкьуси наслула г1ямруличи х1ер, илала бяркъ ва культура имц1аливан учительли сунела х1янчи бархьли т1ашбатнилизибад дигахъуси саби. Цараван буралли, «учитель» ибси дев «насих1ятчи» ибсиванра зайбик1ули саби, сенадли илини дурх1нас чули дарибти хат1аби дархьдарахъес кумекбиру, г1еббуру, малх1ямти дугьба урк1и паргъатбиру. Дурх1ни дебали дигахъуси адамли ах1и, царх1илли учительла х1янчи чебх1ебирк1у, дила пикрили. Наб мурталра гьанбиркур ну цаибил класслизи бег1 гьалар рак1ибси замана. Гьанриркур дила цаибил учительница, секьяйда ил нушаб разили гьунираибал. Иличи ну мурталра кьясдешличил ва пахруличил х1еррик1аси, ва дилара учительница ретаэс иштях1дулхъи. Дурх1нала бирхауди сархес бални – учительла сархибдешуназибад цаибси саби или, гьанбиркур наб.

Пикрумала мурхьдеш, кьасанала чихъдеш ,сархибдешуначив т1ашх1елзни – илди сари гьарли-марси учительла къиликъуни.

Ишх1елла бархибси, къиянси замана сунени чеббик!ибси саниг1ятлис марли калес,заманали гьаладихьибти т!алабуначи лайикьикес ,гьамадли х!ебиалра ,гьарилра учительла чараагарси чебла саби ибси пикри нунира г!еббурцулра.