СССРдин таралышы.Эгемендүү Кыргыз Республикасынын жаралышы

IV чейрек. Предмет:Кыргызстандын тарыхы

11-класс

Мугалими: Бердиева бурулай салиевна

Сабактын тиби: Жаңы материалды өздөштүрүү Сабактын усулу: Интерактивдүү ыкма Сабактын жабдылышы: Окуу китеби,план-конспект,схемалар,сүрөттөр,таблицалар, техникалык каражаттар.

Сабактын темасы: СССРдин тарашы. Эгемендүү Кыргыз Республикасынын жаралышы.

Сабактын максаты: Сабактын көрсөткүчтөрү :

1Окуучулар союздук республикалардын таралышы,эгемендүү Кыргыз Республикасынын жаралышы жөнүндө маалымат алышса,

• 1.Билим берүүчүлүк-окуучулар союздук республикалардын таралышы,эгемендүү Кыргыз Республикасынын жаралышы жөнүндө маалымат алышат,
• 2.Өнүктүрүүчүлүк-окуучулар сынчыл-ойломдорун,ык-машыгууларын,көндүмдөрүн өнүктүрө алышат,
• 3.Тарбия берүүчүлүк-окуучулар өз өлкөсүнүн басып өткөн жолун,тарыхын билүүгө,өз өлкөсүнүн тарыхын башка өлкөлөр менен салыштыра билүүгө үйрөнө алышат.

2.Окуучулар сынчыл-ойломдорун,ык-машыгууларын,көндүмдөрүн өнүктүрө алышса,

3Окуучулар өз өлкөсүнүн басып өткөн жолун,тарыхын билүүгө,өз өлкөсүнүн тарыхын башка өлкөлөр менен салыштыра билүүгө үйрөнө алышса.

Алтын эрежелер: Бири-бирибизге урмат-сый менен мамиле кылабыз. Бири-бирибизди көңүл коюп угабыз. Бири-бирибизге жылмаюу тартуулайбыз. Сабакка активдүү катышабыз. Сабакка кечикпей келебиз.

Жаңы теманы окуп-үйрөнүүнүн планы :

01-тапшырма: Окуу үчүн текст

• Президентти шайлоо.1990-ж мартта СССР Эл депутаттарынын III съезди өлкөдө президенттик бийликти белгилеген.Президенттик бийлик өлкөдө өкмөттүн ишмердигин аныктаган жана анын ишин контролдогон.Мыйзам чыгаруучу сот бийлигинин иштерин,эл чарбасын башкарууну,бюджеттик-финансылык системаны ж.б тармактарды,мыйзамдардын аткарылышын көзөмөлдөгөн.1990-ж 27-октябрда Кыргыз ССР Жогорку Советинин сессиясында альтернативдүү негизде Аскар Акаев Кыргызстандын биринчи Президенти болуп шайланган.Аскар Акаевге мурдагы бийликтен өтө оор мурас калган.Ошол жылы жай айындагы улуттар аралык кандуу кагылышуудан кийин,улуттук мамилелер өтө курч абалда турган.

Мамлекеттик эгемендүүлүк жөнүндөгү декларация

1990-ж 15-декабрда Кыргыз ССРинин Жогорку Совети «Кыргыз Республикасынын мамлекеттик эгемендүүлүгү жөнүндөгү декларация»кабыл алган.Анда республикада жашаган бардык улуттардын улуттук маданиятын,тилин,каада-салттарын сактоого жана өнүктүрүүгө кам көрүлөт деп белгиленген.Декларацияда республикада менчик көп түрдүү болуп,алар тең укуктуулукка ээ болору жарыяланган.

1991-ж 22-январда Жогорку Советинин IIIсессиясында эгемендүү республиканын биринчи Премьер-министрлигине Насиридин Исанов бекитилген.

Көз карандысыз мамлекеттердин шериктештиги.

• мамлекеттер аралык бирикме, 1991-жылы 8-декабрда Минскиде СССРдин 3 республикасынын – РСФСР, Белоруссия жана Украинанын өкүлдөрү кол койгон Көзкарандысыз мамлекеттердин шериктештигин түзүү жөнүндө макулдашууларынын негизинде түзүлгөн. Макулдашуу 1991-жылы 12-декабрда РСФСР Жогорку Советинин токтому менен ратификацияланган.
• Максаты элдер менен мамлекеттердин саясат, экономика, маданият, билим берүү, саламаттык сактоо, айлана-чөйрөнү коргоо, илим, соода жагындагы, кайрымдуулук жана башка чөйрөлөрдөгү тең укуктуу жана өзара пайдалуу кызматташтыгын өнүктүрүү,
• КМШга СССРдин мурдагы 12 республикасы – РФ, Украина, Өзбекстан, Азербайжан Республикасы, Грузия Республикасы, Тажикстан Республикасы, Кыргыз Республикасы, Армения Республикасы, Молдова Республикасы, Түркмөнстан кирет.
• КМШ органдарынын ырасмий жайгашкан орду – Минск.

Кыргыз ССРинин Жогорку Советинин сессиясы 1991-ж 31-августта «Кыргыз Республикасынын мамлекеттик көз карандысыздыгы жөнүндөгү декларацияны» кабыл алган.

Өзүңөрдү текшергиле: 1.Кыргызстанда президенттик шайлоо качан өткөн? 2.Кыргызстандын мамлекеттик эгемендүүлүгү жөнүндөгү декларацияга мүнөздөмө бергиле? 3.СССРдин кыйрашынын себептери кайсылар? Баалоо: көрсөткүчтөргө карап бааланат,бирин-бири баалайт. Үйгө тапшырма:&26 текстти окуп келүү,суроолорго жооп жазып,хронологиялык таблица түзүү.