Стихотворение на родном языке "Мадæлон æвзаг хъуамæ мадæу адджын уа" ("Родной язык, как мать родная")

Кумаритова Марина

Мадæлон æвзаг хъуамæ мадæу адджын уа

Нӕ фӕсивӕдмӕ нӕй стыр уарзт Ирмӕ.
Сӕ хьомылады ауагътам стыр арц
Ӕмӕ фӕлтӕргай схъомыл сты афтӕ:
Нӕ йӕ ӕруарзтой, худинаг сӕм каст.

Сӕ национ хъуыды сын хъӕуы ‘мбарын.
Йе ахуыры, йе бинонты ӕхсӕн,
Ӕппынӕдзух ирон фарнӕй ӕппӕлын,
Ирон ӕвзагыл сдзуриккой, гъе уӕд.

Сӕхи фӕнд хъуамӕ уа, кӕсын иронау.
Фыдӕлты фарныл уа сӕ дзырды кой,
Национ сӕрбӕрзонддзинадыл схӕцой,
Гье, уӕд бамбардзӕн кӕй у ирон.

Стыр тӕхудыйӕ "ӕндӕрты" фенын:
Йӕ ӕвзаг зоны, йӕ историйӕн кад.
Гье,  афтӕмӕй Ирыстона ‘схъомыл,
Йӕ зонынад  ӕртывӕр у зынаргь.

Ӕфсӕддтон - спорты улӕфӕн лагер ‘скӕны
Нӕ хицауад, йӕ ном хуыйны "ФЫРАНК",
Ӕрыгон хъомылгӕнджыты фӕхонынц,
Кӕцытӕ сты сӕрӕй къӕхтӕм дӕнцӕг.

Сӕ хъомылдзинад ӕрмӕст ирон ӕвзагыл,
Сӕ ныхас æппын æдзухай дӕр - ирон.
Ирон фысджыты рох бынтӕм  ӕркӕсынц
Сӕ мадӕлон, сын ‘скӕнынц ӕрмӕст ирон.

Мӕ хъуыды нӕу нацистон фӕлтӕр скӕнын.
Ӕрмӕстдӕр мадзал - дуавӕр у цӕмӕй
Ирон фӕсивӕд ма нымайой ӕгадыл
Сӕ мадӕлон ӕвзагыл дзурын уӕд.