Стихотворение, посвященное А.Акаеву

Абусупьян (А.Акаевге багъышлап)

Булутлардан чыкъгъан бизин айыбыз,

Гюнешиби аламланы безеген.

Ярыкъ ёлгъа тюшсюн учун оьз халкъынг,

Ялын тапмай, дарман, эмлер излеген.

Ана тилге къуранны да гёчюрген,

Аян этген илмуланы ёлларын.

Билимли болсун учун миллети

Яшырмагъан юрек толгъан ойларын.

Намарт тайпа яла ябып ёкъ ерден

Сибирлени туснагъына ёллагъан.

Булгъавур заманланы ичинде

Янын тутар адам къаршы болмагъан.

Китапларынг айлар булан яллатды,

Къыйын тёкген алим эдинг халкъ учун.

Ёкъ ерлерден Сибирлеге гьайдады,

Котлас лагер болду артда къонушунг.

Бузлар япгъан Сибир эллер болса да,

Исив бердинг сендей ятгъан халкълагъа.

Чакъсыз тюшген умутсуз юреклеге

Бажарадынг умутларын якъмагъа.

Ругь байлыгъынг сёндюрмединг шонда да,

Шатлыкъ булан ругь берединг юзюне.

Пайхамаргъа тынглайгъандай инсанлар,

Тынглай эди гьар калиманг, сёзюнге.

Ахыр гюнюнг билегендей гелгенин

Яси н алма суралары охулду.

Айландырып алды туснакъ агьлюлер,

Эки гёзюнг асталаша юмулду.

Сагъа болгъан бу оьлюмге къарсалап,

Кюллю халкъны гёзьяшлары яшланды.

Гьарайгъа да, гьурайгъа да къарамай,

Нажжаслары элтип сени ташлады.

Эльмира Исаева

Къаягент район ,Оьтемиш орта школа

Тунлу айны он сегизи 2014 йыл