Стихотворный монтаж ко «Дню матери»

Эҕэрдэ Ийэҕэ, иһирэх киһиэхэ!

Ийэ илиитэ сымнаҕас, сылаас, тугу барытын сатыыр.

Ийэ сүрэҕэ саамай истиҥ, кэрэ!

Ийэ биһигини мэлдьи таптыыр, ахтар, саныыр. (М.Андрей)

Ийэм киирэн кэллэҕинэ

Тымныы дьиэбит сылыйар

Эйэҕэстик көрдөҕүнэ

Бэл сибэкки тэтэрэр. (Айсаара)

Минньигэсчээн астарынан

Күнүн аайы күндүлүүр

Үтүө киһи үүннүн диэн

Үчүгэйи сүбэлиир. (Слава)

Ийэ иэйэр мичээрэ,
Истиҥ-кэрэ илдьитэ –
Күннүү күлүм сэбэрэ
Күндү сылаас көрүүтэ. (Юлианна)

Ийэ хайгыыр мичээрэ –
Илгэ тыынныыр үөрүүтэ
Күүскэр күүһү эбэрэ,
Кистэл кыаххын күөдьүтэ. (Нарияна)

Ийэ сулус мичээрэ –
Иитэр ситим суолдьута
Сырдык суолга сирдиирэ,
Сайдар аартык саҕата. (Айаана)

Күлүмнүү сандаарар күҥҥэ мин

Тэҥниибин таптыыр ийэбин,

Ол иһин, сүрэҕим иэйиитин

Уостубат уйгутун аныыбын. (И. Андрей)

Оҕо бары күнүн аайы

Ийэлэрин үөртүннэр,

Сырдык күннүү, сылаас саастыы,

Ийэ күлэ, мэлдьи үөрдүн. Кристина

Эҕэрдэ Ийэҕэ,

Иһирэх киһиэхэ,

Күн сирин көрдөрбүт

Күн күбэй Ийэҕэ! Витя