Сценарий театрализованного обряда "Нысаплъэ"

«Нысаплъэ»

Учитель кабардинского языка и литературы

Люева Мадина Азраталиевна

1 ведущэм. Ди жюри лъап1э!

2 ведущэм. Ди ныбжьэгъу ц1ык1ухэ! Мыбы кърихьэл1а псоми Ф1эхъус апщий, вжыдо1э!.

1 ведущэм. Ф1эхъус апщий ,Адыгэ хэку!

Ф1эхъус апщий,ди лъэпкъ дахащэ!

Щ1эк1ауэ щытми куэд ди нэгу,

Иджыри 1эджэр ди гуращэщ!

Тетыху адыгэ мы дунейм

Птеуэнкъым,Хэку, уэ зеиншафэ,

Бзэрабзэ,ди бзэ дахэк1ей!

Узэпымыу,адыгэ къафэ!

1.ведущэм Дэтхэнэ зы лъэпкъми

Езым и1эжщ и хабзэ дахэ.

Хабзэр лъэпкъым и набдзэщ,

И напэщ,и бзыпхъэщ,нэмысщ.

2-ведущэм. Хабзэф1 зи1э лъэпкъыр узыншэщ.

Адыгэ хабзэм щыщ.1ыхьэхэр

Нобэрей утыкум идолъхьэ,

Къыдэхъул1эми ди гуапэщ.

1-ведущэм.Ди утыкур игъэбжьыф1эну,

Ди гукъыдэжыр къыдди1ыгъыну

Къытхуеблэгъащ ди ажэгъафэр.

(Ажэгъафэр утыкум къохьэ,и башыр игъэдалъэурэ ину же1э)

Утыку дыкъихьауэ, мис дитщи,сыт тщ1эн?

Дыхэтми ,дысытми иджы нывжет1энщ.

Гушы1эм ауаныр щыдашх санэхуафэм

Щытепщэр къэфщ1эжыт,

Фыпсэу-ажэгъафэрщ.

Сэращ гушы1алъэу ди лъэпкъым я1эр

зезыхьэу,зыхъумэу,зыгъэнщ1у щытар.

Пэжщ, нобэк1э си ц1эр нэхъыбэм ящ1эжкъым.

Ат1эми сэ япэм джэгу бжьыпэр с1ыгъащ,

Сэрыншэу мыхъуну къащыхъууи щытащ.

Хьэнапэр зы1услъэм,ажафэр зэсшэк1т,

Си макъыр сыт макъыуи сыхуеймэ зэсхъуэк1т...

Зэсхъуэк1ырти-Уэху-уджэгунум къеблагъэ.

(Макъамэр къоуэ,ажэгъафэм утыкур зэ къефыхьри къоувыж.)

1-ведущэм.Щэнейрэ зэхэпх нэхърэ

Зэ плъагъумэ зэрынэхъыф1ыр псоми дощ1э.

Дыхуейщ абы дэ щ1ыдгъуну

Зэхэпх,плъагъу нэхърэ

Уи 1эдакъэм щ1эк1ырщ нэхъыф1ыр.

2-ведущэм.Гуф1эгъуэ,хэхъуэ,къафэ.

Сыт щы1эн а псалъэхэм нэхърэ

Уи лъэр нэхъ щ1эзыгъэк1,

Нэжэгужагъэ къозыт.

1-ведущэм.Пасэрей адыгэ нысаплъэм и теплъэ

Зэф1эдгъэувэжыну дыхэтщ,

Псори къыдэмыхъул1эми и ныбжь

Тридзэми ди гуапэщ.

2-в.И1э, ажэгъафэ,джэгур зэхэшэ,

Ди щ1алэхэм я лъэгухэр къэплъащ.

Ажэгъафэм пщаф1эр къыдешри къегъафэ.

1Щ1алэм. Нысаплъэр къэса си гугъэщ,

Пшынауэ макъ зэхэсхащ.

Къедвгъэгъэблагъэ ахэр гуапэу,

Емык1у къэдмыхьмэ, дехъул1ащ.

2Щ1алэм.Уэ фыкъеблагъэ,фыкъеблагъэ

Дэ зи хьэщ1эгъуэр тхуэмыгъуэт.
Гуф1эгъуэр нобэ къыддэф1эту

Фыкъытхыхьащи гуапэ тщохъу.

Бысымым хьэщ1э щ1алэхэр кърегъэблагъэ.

Хъыджэбзхэм хъыджэбз хьэщ1эхэр кърагъэблагъэ.Ажэгъафэм хъыджэбз хьэщ1эхэр къигъафэурэ ,къигъэуджурэ тыгъэ къахьахэр къы1ех.Бысымым хьэщ1э щ1алэр нэхъыжьхэр зыщ1эсымк1э щ1ешэ.Хьэщ1эм нысащ1эм хуэгъэзауэ хъуэхъу же1э.Мыдэк1э ажэгъафэм хъыджэбз хьэщ1эхэр къегъафэ.

Ведущэхэм я к1эух псалъэ.

Нысаплъэм къык1элъык1уэр хьэгъуэл1ыгъуэ дахэщи

Ар зылъагъун,

Ар дэзыхын,

Гуф1эгъуэ куэд зи нэгу щ1эк1ын.

Ирехъу дэтхэнэ къек1уэл1ари.

Щыре1у анэбзэр ди унагъуэ,

Щыре1у пшынэбзэр ди хэку дахэм.

Ди щ1алэ жанхэм тхьэ1ухудхэр ирещ1 1эпэгъу,

Къащ1эхъуэу щ1эблэ.

Ди лъэпкъыр куэдрэ ирепсэу.

Ар ди тхьэлъэ1ущи,къытхупищэм.

Ди хабзэ дахэр мык1уэдын,

Ди лъэпкъ и къуэпсыр мыгъущын!

6