«СЮРПРИЗТААХ, БЭЛЭХТЭЭХ КҮН»
Ийэ күнүгэр аналлаах орто бөлөх оҕолоругар бырааhынньык
Реквизит:1улахан кыраhыабай коробка, ийэлэр «баҕа санаалара» суруллубут 4-5 снежинка, Снежнай Королева куолаhа уhуллубут аудиозапись, икки араас өңнөөх 8-10 сибэккилэр, лего деталлара, фантиктар, 2 солурчах, 2 коробка, 2 пирамида, 2 пачкамакарон,2 кыра пакет хортуопуй, 2 үүт бытыылката, 2 корзина, былаат.
Ыалдьыттар киирэн олороллор, музыканан оҕолор чэпчэкитик сүүрэн киирэллэр.
Ведущий- Күндү ийэлэр, эбээлэр ! Бубүгүҥҥү үөрүүлээх—сааскы бастакы бырааhынньыгынан, кулун тутар 8 күнүнэн эhиэхэ эҕэрдэ буолуохтун! Санаабыккыт салалыннын, үөрүүгүт үксээтин, дьол-соргу тосхойдун, доруобуйа баар буоллун! Бэйэлэрин эҕэрдэлэрин этэллэр...(оҕолор ааттара).
Хоhооннор: Ийэ барахсан
Сайнаара Этиҥ эрэ,
Оҕолоор,
Эһигини биһиктээн,
Киммит
Маннык оҕолоон
Киһи гынар
Бүөбэйдээн?
-Күндү ийэ барахсан!
Вова Этэр
Сылаас тылынан
Эмиэ киммит
Саататар,
Эҥин нарын ырыаннан
Эһигини утутар?
-Көмүс ийэ барахсан!
Нарыйаана. Этиҥ,
Киммит кичэйэн
Үтүө суолга
Үөрэтэр,
Эһигини тэрийэн
Үөрэнэргэ көҕүтэр?
-Кини,
Кини барахсан!
Кини –
Ийэ барахсан!
Ырыа: Мамина песенка
Ведущий-Күндү ийэлэр,эбээлэр! Оҕолор бу күнү олус диэн кэтэспиттэрэ уонна эhиэхэ анаан бэйэлэрин илиилэринэн бэлэх оңорбуттара. Бэлэхтэрбитин бу кыраhыабай хоппоҕо укпуппут, чэйиң эрэ, арыйан көрүөҕүҥ....
хоппону арыйар, «тыал» тыаhаиhиллэр,куолас иhиллэр:
Куолас— «Оҕолор ийэлэригэр,эбээлэригэр бэлэхоңорбуттар, онтон миигин, Снежнай Королеваны, кыhын ааста диэн эмиэ умнан кэбиспиттэр, ким да миэхэ бэлэх оңорботох! Ол иhин эhиги бэлэхтэргитин мин барытын хаарга кубулуттум! Өскөтүн бу хаардары ууллардаххытына, бэлэхтэргитин төннөрүөм»
Ведущий — Оҕолор,кырдьык даҕаны,бэлэхтэрбит хаарга кубулуйбуттар... (арыйан көрөр) Чэ, санааҕытын түhэримэн, Снежнай Королева туох диэбитэй?... Бу снежинкалары уулларарга биhиги ийэлэрбит көмөлөhүөхтэрэ, ийэлэрбит баҕа санааларын толордохпутуна, ийэ сылаас таптала барытын уулларыа.
(1снежинканы уол оҕо ийэтигэр таhаартаран аахтарар):
Ийэ - «Мин баҕарабын, оҕом саллаат курдук хорсун санаалаах буола улааттын».
Ведущий – Билигин биhиги уолаттарбыт ырыа ыллаан иһитиннэриэхтэрэ.
Ырыа: “Хоһуун”.
Ведущай салгыы снежинкалары ийэлэргэ таhааран аахтарар
2 снежинка: «Миэхэ билигин сибэкки бэлэхтээтэхтэринэ олус үөрүөм этэ».
Оонньуу «Сибэкки дьөрбөтө» Оонньууга икки ийэ кыттар, кинилэргэ кыhыл эбэтэр араҕас өңнөөх сибэкки биэрэллэр, сибэккилээх оҕолор музыканан чэпчэкитик сүүрэллэр. Музыка тыаhаан бүттэҕинэ араҕас өңнөөх сибэккилээх ийэ тула араҕас сибэккилээх о5олор туруохтаахтар, кыhыл сибэккилээх ийэ тула кыhыл сибэккилээх оҕолор тураллар.
Ведущай салгыы эбээҕэ аахтарар: 3 снежинка: «Эйэҕэстэй эбээлэрин оҕолор күүскэ таптаатыннар, ытыктаатыннар»
Ырыа«Лучше друга не найти».
4 снежинка: «Мин баҕарабын оҕом мин тылбын истэригэр».
Ытыы-ытыы Куобахчаан киирэр
Куобахчаан — Маа-ма, маа-ма, ауу! Ханна бааргыный?
Ведущий—Куобахчаан, туох буоллуң, тоҕо ытаатың?
Куобахчаан—Мин мунан хааллым, маамам ыраах барыма диэбитэ, ону мин кини тылын истибэтэҕим...
Ведущий — Куобахчаан, ийэлэр тылларын оҕолор истиэхтээхтэр, эн оонньуурдаргынан оонньоон баран хомуйааччын дуо? Биhиги оҕолорбутуттан көрөн үөрэн.
Оонньуу «Оонньуурдары хомуй» (заал икки часка аңаарданар, оонньууга кытталлар 2 оҕо ийэлэрин кытта. Ханнык команда түргэнник хомуйар эбит: пирамиданы сааhылаан, конструкторы коробкаҕа, фантиктары солуурчахха).
Ведущий- Маладьыастар! Этиҥ, эрэ оҕолоор ханнык дьыл кэмэ кэллэ? Саамай сөп Саас. Саас күн күүскэ тыгар, хаар ууллар, күөллэр, өрүстэр уһукталлар, онтон мастар тыллаллар. Билигин ийэлэрбитигэр, эбээлэрбитигэр “Хатыҥчаан” – диэн хоробуоппутун бэлэхтиэххэ.
Хоровод “Хатыҥчаан”
Оонньуу «Перенеси мамины покупки» (оонньууга икки команда кыттар, бастакы оҕо сүүрэн тиийэн остуолга корзинкаттан биир аhылыгы таhааран уурар, төптөрү сүүэр, корзинкатын салгыы иккис оҕоҕо биэрэр, иккис оҕо корзинаттан эмиэ биир аhылыгы таhаарар…)
Куобахчаан өссө күүскэ ытыыр
Ведущий – Куобахчаан, ытаама, бүгүн ийэлэр бырааһынньыктара оҕолор ырыа, хоһоон бөҕөтө үөрэппиттэрэ. Билигин ийэлэригэр ааҕан иһитиннэриэхтэрэ.
Оҕолор хоһоон ааҕаллар
Милана П. : Мин күндү Ийэкээм
Эн миэхэ күндүгүн
Күн сирин көрдөрбүт
Аанньалым буолаҕын.
Айтал: Ол иһин бу бүгүн
Мин хоһоон айабын
Иһирэх тылларбын
Эйиэхэ аныыбын.
Уруйдаана: Мин бүгүн хоһооммун үөрэттим
Ийэбэр этэммин үөрдээри
Мин бүгүн хоһооммун үөрэттим
Тапталым тылларын этээри.
Уйгулаана: Таптыыбын эйигин, ийэкээм,
Күн сирин көрдөрбүт киһикээм,
Эн нарын, эн истиң мичээргин,
Эйэҕэс, элэккэй бэйэҕин.
Айсен: Мин ийэбин таптыыбын
Кини тылын истэбин,
Ийэм тугу соруйбутун
Тута толоро охсобун.
Камелия: Оонньуурдарбын сааһылыыбын,
Ороммун хомуйабын,
Сарсыарда эрдэ тураммын
Дьыссааппар айаннаан кэлэбин.
Ведущий – Билигин бэйэлэри бэлэхтэрин туттарыахтара “Карамелька” үҥкүү куруһуога.
Үҥкүү: Оҕо саас.
Ведущий—Куобахчаан, ытаама, булуохпут эн маамаҕын,эн мааман хайдаҕый?
Куобахчаан — Мин мамам олус кырасыабай, кини үтүө-эйэҕэс майгылаах, минньигэстик астыыр уонна уhун кулгаахтаах.
Ведущий— Биhиэхэ манна элбэх маамалар бааллар, кинилэр быыстарыгар эн маамаҕын көрдүөхпүт.
Оонньуу «Ийэҕин таай» (уолаттар ийэлэрэ сценаҕа тахсан олоппосторго олороллор, уол оҕоҕо хараҕын баайаллар, ийэтин таайыахтаах баттаҕыттан, илиититтэн, таңаhыттан. Салгыы кыргыттар ийэлэрин кытта оонньууллар)
Бүтэhик Куобахчаан оонньуур, ол кэмңэ Ийэ-Куобах киирэн оонньууга кыттыhар. Куобахчаан маматын булан үөрэр
Ийэ-Куобах—Куобахчааммын булан олус үөрдүм! Оҕобун көрбүккүтүгэр улахан махтал! Биһиги оҕобунаан дьиэбитигэр бардыбыт, көрсүөххэ диэри!
Ведущий—Көрсүөххэ диэри, ийэн тылын иһит! Итиччэ үөрүү буолбутун кэннэ бары туран оҕолоор, парнай үҥкүүбүтүн үҥкүүлүөх.
Үҥкүү: Весельчак
Ведущий—салгыы снежинкаларбытын уулларыаххайын.
Коробканы арыйар, тыал тыаhа иhиллэр, куолас саңарар Куолас– «Ийэ сылаас таптала мин тымныыбын уулларда, миигин бүгүн кыайда. Бэлэхтэргитин төннөрөбүн. Оҕолоор, ийэлэргитин, эбээлэргитин таптааң, харыстаан»
Ведущий- Күндү ийэлэр, эбээлэр, оҕолор эhиэхэ анаан бэйэлэрин илиилэринэн оңорбут оңоhуктарын бэлэхтиэхтэрин баҕараллар.
Ведущий—Манан биhигик өрдөөх-нардаах утренникпыт бүтэр.
45
232 082 
