Сценарий детской сказки на якутском языке

совместное авторство с Портнягиной Е.Н

Куобахчаан дьикти түүлэ

(остуоруйа сценарийа)     

Автордар: Портнягина Евдокия Николаевна,

                      Семенова Светлана Иннокентьевна      

Уус – Алдан улууһа

Саһылыкаан д\с           

 апрель 2015

ОРУОЛЛАРГА:куобах, зебра , крокодил , кобра , жирафа , эбисийээнэ

ДЕКОРАЦИЯ: кыһыҥҥы ойуур, чөҥөчөк

Вед- Биир үтүө күн куобахчаан бииргэ оонньуур доҕотторун көрдүү маҥан хаар устун ойуоккалаан испит. Ол баран иһэн туох эрэ дьиктини көрөн, соһуйан туора ойдо. Тулатын кэтэнэн көрөн баран, куттала суоҕун билэн, сыыйа чугаһыыр. Көрбүтэ – кинигэ эбит. Куобахчаан ол кинигэ кэрэчээн ойуутун кэрэхсээн көрбүт. Кинигэҕэ дьикти бэйэлээх кыыллар ойууламмыттар. Куобахчаан үөрүүтүттэн ойуоккалаан ылбыт.

(куобах үҥкүүтэ)

Куобах-А-фри-ка

                Бу дойдуну көрбүт киһиии...

Автор-кинигэтин көрө олорон кобахчаан устунан утуйан хаалар (куобах                 утуйар)

(африка музыката тыаһыыр. Кыыллар киирэллэр.

Декорация уларыйар –пальмалар)

Жирафа- хайа, бу туох дьикти кыыла кэлэн олороруй?

(кыыллар бары куобаҕы көрөллөр-истэллэр)

Змея-эчи маҥанын, кулгааҕа аата уһунун

(кулгааҕын тыытар, онуоха куобахчаан соһуйан уһуктан кэлэр. Кыыллары көрөн куттанар, тэйэ сүүрэр)

Зебра -тоҕо куттаннын биһигиттэн?

Обезьяна - куттаныма, куттаныма, биһиги эйиигин тыытыахпыт соуҕа.

Куобахчаан-эһиги кимнээхтэргитий. Бу мин ханна кэллим?

(хоһооннорун ааҕаллар)

Күнү күннүктээн ууга сытабын   (о5о)

Адьырҕа кыыл буолабын.

Сэрэнин, мин тиистэрбиттэн,

Ырааҕынан куота сылдьыҥ.

Саамай үрдүк лабааҕа үүнэр       (о5о)

Сэбирдэхтэри мин сиибин,

Тоҕо диэтэр көрөҕүт дуо,

Саамай уһун моонньулаахпын.

Мастан маска хатаастабын,         (о5о)

Мэник-тэник эбисийээнэбин,

Ол хатаастарбар миэхэ

Кутуругум эмиэ көиөлөһөр.

Эриэн дьураа кыра ат             (о5о)

Африка зебратабын

От быыһыгар миигин кытта

Ким сасыһа оонньуон баҕарар.

                                                         Эриэн үөн элбэх көрүҥэ                        (о5о)

Африкаҕа баар, оҕолоор,

онтон биирдэрэ мин буолабын-

кобра диэн ааттаахпын.

жирафа- биһиги итии дойду-Африка кыыллара буолабыт.

Куобахчаан- Африка даа(үөрэр). Мин хонууга оонньуу сылдьан кинигэ булан ылбытым. Ол кинигэ ойуутугар баар кыылчааннар эбиккит дии. Мин кинигэни көрөн баран эһигини кытта оонньуохпун наһаа баҕарбытым.

Крокодил-онтон эн кимҥиний?

Куобахчаан-мин Саха сиригэр олоробун. Куобахчаан диэн буолабын. Кыһынын маҥаммын, сайынын-бороҥмун.

Кобра- ол кыһын диэн тугуй?

Куобахчаан- кыһын диэн дьыл кэмэ. Кыһынын мин дойдум муус маҥан хаарынан бүрүллэр, тымныы буолар. Онно мин доҕотторбунанн хаарынан бырахса оонньооччубун. Ол оонньууну мин эһиэхэ билигин үөрэтиэм.

(Куобах санныгар туора сүгэ сылдьар суумкатыттан хаардары хостуур,хаарынан бырахса оонньууллар)

(хоһоон бары)

Африкаҕа кыһын буолбат

Куобах түүтэ хаар түспэт

Ким да билбэт букатын

Сааскы таммах ырыатын.

ОБЕЗЬЯНА-чэ доҕоттоор, бары үҥкүүлүөххэйин эрэ. Куобахчаан, биһигини кытта үҥкүүлэс.

(үҥкүү бары, кыыллар тахсан бараллар, куобах чөҥөчөгөр утуйа хаалар, декорация – кыһыҥҥы ойуур)

Куобахчаан- утуйа сытан уһуктан кэлэр, тыыллаҥныыр-олус да үчүгэй дьикти түүлү түһээтим. Түһээмин Африкаҕа баран кэллим.

Уу-дьэ хойутаатым, доҕотторум кэтэстэхтэрэ буолуо. Доҕотторбор баран дьикти түүлбүн кэпсии охсуохха.

(кинигэтин кыбыммытынан тахсан барар)