Сценарий праздника осетинского языка

Ирон ӕвзаджы бӕрӕгбон.

Сценарий праздника осетинского языка .

(Клип Аллы Хадиковой «Родной край»)

Вед.1-Уӕ бон хорз ӕмӕ нӕм ӕгас цӕут абон нӕ бӕрӕгбонмӕ уе ҆ ппӕт дӕр!

Вед2-Добрый день!

Вед.1-Абон у нӕ ирон ӕвзаджы бӕрӕгбон. Махмӕ Ирыстоны фӕзӕгъынц: «Уазӕг-Хуыцауы уазӕг у!»

Вед2-Сегодня праздник, посвященный Дню осетинского языка и мы очень рады вас всех приветствовать на нем! У нас в Осетии говорят: «Гость - Божий гость!»

Вед.1-Уе ҆ппӕт дӕр стут Хуыцауы уазджытӕ ӕмӕ махӕн тынг ӕхсызгон у,абон кӕй ӕрбамбырд стӕм уый.(иууылдӕр иумӕ кувынц «Мах фыд»)

Вед2-Все вы являетесь Божьими гостями и нам очень приятно, что все вы здесь сегодня собрались. Наш праздник нам хочется начать с молитвы. Давайте вместе помолимся.

Колыты Аксо «Мах фыд».

Аксо Колиев «Мах фыд»

Вед.1-Нӕ бӕрӕгбонмӕ конд ӕрцыдысты ӕртӕ кӕрдзыны ӕмӕ сӕ уӕ хорзӕхӕй Хуыцаумӕ скувӕм!

Вед2-По традиции к празднику осетинского языка были приготовлены три пирога и пусть наши мужчины произнесут тосты к Богу!

Куывдтӕ. (Тосты ребят).

1 хистӕр.

-Дунескӕнӕг Хуыцау,табу дӕхицӕн!Ацы ӕртӕ кӕрдзыны дӕ номыл конд сты ӕмӕ дын барст уӕнт.(Оммен,Хуыцау!)

-Уӕ Стыр Хуыцау!Чысылӕй-стырӕй иууылдӕр де сфӕлдыст стӕм ӕмӕ нӕ дӕ хорзӕх уӕнт!(Оммен,Хуыцау!)

-Ӕххуысгӕнӕг нын у!Ӕнӕнизӕй,амондджынӕй куыд цӕрӕм,царды рӕсугъд фӕндӕгтыл куыд фӕцӕуӕм!

-Оммен,Хуыцау!

2 хистӕр.

-О Стыр Хуыцау!Кӕстӕртӕ фыдбылызӕй бахиз!(Оммен,Хуыцау!)

-Кӕрӕдзийы уарзгӕйӕ,кӕрӕдзийы ӕмбаргӕйӕ куыд схъомыл уӕм,ахӕм амонд нын ратт!

-Оммен,Хуыцау!

3 хистӕр.

-Нӕ Ирыстон,нӕ райгуырӕн бӕстӕ,нӕ ирон адӕм ӕмӕ нӕ ирон ӕвзаг макуы фесӕфӕт!

-Оммен,Хуыцау! -Кӕстӕртӕй исчи ацаходӕт!

Ирон дзырд у махӕн

Нӕ фыдӕлты намыс

Ирон дзырд у махӕн

Нӕ Иры цӕсгом.

Вед.1-А дунейыл адӕймаджы Хуыцау сфӕлдыста цӕрынӕн,ӕмӕ цӕрынӕн та алкӕмӕн дӕр ис йӕхи Райгуырӕн бӕстӕ,йӕхи фыдӕлты уӕзӕг,йӕхи мадӕлон ӕвзаг.йӕхи цӕсгом.

Вед2-В этом мире Господь создал человека для жизни. А для этого у каждого есть свой родной край, место, где жили его предки. И у каждого есть свое лицо.

Куыд нӕ ис баивӕн цӕсгомӕн,

Нӕй афтӕ баивын мадӕлон ӕвзагӕн!

Как нельзя поменять свое лицо,

Так нельзя поменять и свой родной язык.

Вед.1-Ацы хъуыды тынг аивӕй равдыста йе ҆мдзӕвгӕйы Хаджеты Таймураз.

Баухъуысӕм ма йӕм.

Ме ҆взаг. Стих. «Мой язык».

У иу ӕвзаг дӕр а дунейӕн фаг,

Фӕлӕ нӕ ивынц мады риу ӕндӕрыл!...

Мӕлӕн дын нӕй, нӕ мадӕлон ӕвзаг,

Кӕд ма ӕрбайсӕфт хоры намыг мӕры?!

Ды незаманӕй ацы боны онг

Нӕ фесӕфтай дӕ уаз хъӕлӕс,дӕ намыс

Ӕнус-ӕнус дӕ сыгъдӕг уды конд

Цырен арт ӕмӕ карды комыл бахсыст.

Мӕлӕн дын нӕй, мӕ фыдӕлты ӕвзаг-

Дӕ зӕронд мад у ацы зӕххы къори,

Ӕмӕ куы сӕфӕй(ма зӕгъд ызнаг)-

Дӕуимӕ сӕфы дунейы истори.

Вед.1-Дунейы фарн зӕгъӕд,ӕмӕ алы ирон дӕр куыд уа цӕсгомджын ирон фарнӕй,алы ирон дӕр куыд уа хайджын Къостайы ӕвзагӕй!

Вед2-Так пусть же каждый живущий на осетинской земле искусно владеет языком Коста.

Вед.1-Байхъусӕм ма уӕдӕ нӕ кӕстӕр фӕсивӕдмӕ «Мадӕлон ӕвзаг» куыд зынаргъ у,уымӕ.

(Чтение стихов на осет.языке.)

Мадӕлон ӕвзаг.

О,мадӕлон ӕвзаг,дӕуӕн та цы зӕгъон,

Дӕу аккаг хӕзна дзырд зӕххыл цъарыл нӕй

Мӕ уды быцъынӕг куы хауид мӕ хъуырӕй,

Уӕддӕр дӕ ӕвдадзыл нӕ акӕнин уӕй.

Куыннӕ ис дунейы ӕвзӕгтӕ та бирӕ,

Къуымыхдӕр дзы иу иннӕмӕй нӕй.

Мӕ мадӕлон ӕвзаг,хӕрын дын стыр ард,

Ӕз сеппӕтыл иумӕ нӕ баивин дӕу.

Ӕнӕ дӕу ӕз уаин куысыфтӕгау афтид,

Цӕрдудӕй дын мардау ӕз уаин фынӕй,

Мӕн сусӕны хур дӕр ӕнӕ дӕу нӕ тавид,

О, мадӕлон ӕвзаг,цӕй диссаг дӕ,цӕй!

«Ирон ӕвзаг»

Нӕ цӕсты хъуамӕ кадджын уа ӕвзаг дӕр

Ирон ӕвзаг-нӕ мадӕлон ӕвзаг

Нӕ фыдӕлтау ӕй мӕ фесафӕм мах дӕр,

Фӕзминаг куыд уой не ҆гъдау ӕмӕ уаг!

Ирон ӕвзаг,ирон фӕндырӕн хъуамӕ

Ӕдзух кӕнӕм ныййарӕг мадау аргъ.

Нӕхӕдӕг сӕ куыннӕ хъахъхъӕнӕм царды,

Ӕндӕр адӕм нын нал кӕндзысты аргъ.

«Мадӕлон ӕвзаг»

Ӕмдзӕвгӕ .

«Ирон дзырд».

Ирон дзырды рӕсугъд азӕлд,

Куыд уарзон дӕ, куыд адджын дӕ!

Ныййарӕджы фӕлмӕн узӕлд-,

Ирон ӕвзаг-дӕ зарджытӕ.

Ирон ныхас –цӕугӕ кадӕг,

Нӕ фӕндагыл ӕрвхуыз суадон

Ирон ӕвзаг,ирон зарӕг-

Нӕ фарны сӕр, нӕ хӕзнадон!

Вед.1-Ӕмӕ куыд рӕсугъд сты нӕ ирон зарджытӕ!

Вед2 -Давайте послушаем красивую песню в исполнении наших девочек.

(исполнение песни «Арфӕт ӕ»)

Зарӕг «Арфӕтӕ».

Вед2-Какой праздник в Осетии смотрится без чарующих звуков осетинской гармошки?

(Стих. « Осет.гармошка»)

«Ирон фӕндыр».

Ирон фӕндыр нын баззади фыдӕлтӕй,

У махӕн та нӕ хӕзнаты хуыздӕр,

Ирон фӕндыр.Рӕсугъд зӕрдӕйы фӕндтӕй

Уый равзӕрди,уый райгуырди кӕддӕр.

Ӕнӕ фӕндыр нӕ фидауы Ирыстон,

Ӕнӕ фӕндыр мӕгуырдӕр кӕны зӕхх,

Фӕндырдзӕгъдӕг, дӕ цагъдмӕ дын ныхъхъуыстон,

О, исты мын йӕ цины зӕлтӕй зӕгъ!

(фӕндырзӕгъджыты 2 цагъды)

Вед2 -А сейчас выступают наши гармонистки.(2 мелодии)

«Ирон фӕндыр».

Чысылӕй нырмӕ адджын сты мӕ удӕн

Фыдӕлты хӕзна-фӕндыры зӕлтӕ.

О,уыцы зӕлтӕн макуы уӕд фӕцудӕн!

Рӕвдауӕнт-иу ирон лӕжы зӕрдӕ!

Вед.1-Ирон фӕндыр ӕмӕ ирон кафт сты нӕ фыдӕлты хӕзнатӕ. Ӕмӕ табуафси,бакӕсӕм ирон аив кафтмӕ.

Ирон кафт.

Осет.танец.

Вед.1-Ирон ӕвзаджы хъысмӕт аразгӕ у не ҆ппӕтӕй дӕр ӕмӕ йыл хъуамӕ иумӕ зӕрдиагӕй кусӕм.

Вед2-Судьба осетинского языка зависит от всех нас. И мы все вместе должны сохранить его. стихи

Нӕй фесӕфӕн ирон ӕвзагӕн ,нӕй,

Ирон адӕм уӕд фесӕфдзысты демӕ.

Ирон ӕвзаг, мӕ зӕрдӕ дӕ мӕнӕн.

Куы мӕла уый,уӕд амӕлдзынӕн йемӕ.

Сӕрыстырӕй нӕхи ирон куыд хонӕм

Уӕд не ҆взагыл куыд ауыгътӕм нӕ къух?

Ӕви,мыййаг ӕй нал хӕссӕм нӕ сӕрмӕ

Уырыссагау цӕмӕ дзурӕм ӕдзух?

Ирон ӕвзаг нын баззади Алантӕй

Кӕнӕм йӕ кадыл хъуамӕ тох

Цӕмӕй нӕ сомбоны кӕстӕртӕй

Ирон дзырд макуы ҆рцӕуа рох.

Вед. 1-Уарзут уӕ мадӕлон ӕвзаг,мадӕй зынаргъдӕр нӕй,мады руаджы базонӕм,цы ӕвзагыл дзурӕм уый,ӕмӕ йын кад кӕнын хъӕуы цӕрӕнбонты!

Вед2 -Любите свой родной язык как своих матерей и берегите его.

Зарӕг «Мадӕлон ӕвзаг» ӕмӕ презентаци.

(песня «Мадӕлон ӕвзаг» и показ презентации)

Вед.1-Абон нӕ чысыл равдыст кӕронмӕ ӕрхӕццӕ. Нӕ зӕрдӕ уын зӕгъы фыццаг ӕнӕниздзинад. Стыр Хуыцаумӕ ис бирӕ хорздзинӕдтӕ ӕмӕ уыцы хорздзинӕдтӕй хайджын ут!

Вед2-Наш вечер подошел к концу и мы хотим пожелать вам крепкого здоровья и всех земных благ.

Вед.1-Стыр бузныг уын кӕй сӕмбӕлдыстут нӕ равдысты. Ирон ӕвзаг цӕрӕт ӕнустӕм,тыхджынӕй-тыхджындӕр кӕнӕт ӕмӕ йын фесӕфӕн макуы уӕд. Афтӕмӕй уал хӕрзбон. Ног фембӕлдмӕ!

Вед2-Спасибо вам за внимание. Пусть осетинский язык – наш родной язык живет в веках и никогда не погибнет. До встречи!