T. Marinoglunun artistik literatura uurunda çalışmaları (peetleri, prozası, publiţistikası).

T. Marinoglunun artistik literatura uurunda çalışmaları (peetleri, prozası, publiţistikası).

Gagauz yazıcıların birliin azası Todur Marinoglu duudu Avdarma küüyündä. Bitirdi Kişinöv Devlet Universitedini jurnalistika fakultedini. Moldova Parlamentinin deputatı (1990-1994 yy.) oldu. Çalışȇr Avdarma okulunda gagauz dili üüredicisi hem Avdarma muzeyinin müdürlük işini götürärdi.Çıkardı tipardan birkaç artistik kiyadını: «Ürek dalgası», «Tatlı düşlär», «Benim sevgili dostlarım». Çok şiirleri türkü oldu.

Literatura tarlasına o halizdän geldi 70-ci yıllarda. İlk şiirleri bastırıldı rayon gazetasında. Sora çıktı bir payı şiir toplumunda «İlkyaz türküsü». Çıktı kiyadı «Ürek dalgası». Düzdü 1-ci klaslarına deyni üürenmäk kiyadını, angısının adı «Dış okumakları».Uşaklara deyni kiyadı «Tatlı düşlär» çıktı. Avtor yazȇr şiir hem proza hem büüklerä, hem küçüklerä deyni. Onun şiirlerindä var temperament, onnar dolu taazä süretlärlän, derin fikirlärlän. T.Marinoglunun en sevgili yaratma metodu- tabiyatın obyektlerini hem görünür gözelliklerini diri göstermää. Onuştan, okuyarkan onun şiirlerini görüner,ani insannar hem tabiyat birliktä bulunȇrlar. Onun şiirlerin temaları: gençlik için, insannık için, analar-bobalar için, kıyaklık için, ana tarafı için, vatan için hem başka.Onnar yazılı uygun rifmaylan, herbir sırada laflar kolay hem birtürlü sölenerlär, gözäl işidilerlär hem aklına çabuk girerlär.Avtorun en ii şiirlerin arasında bulunȇrlar: «Avdarma, Avdarma», «Gül-çiçek dolaylar», «Yaz ortasında», «Türlü-türlü güllär», «Gölün boyunda», «Çaarış» hem başka.

T.Marinoglu yazȇr proza da.Onun küçüräk kısa annatmaları pek meraklı. Kısa annatmaları «Ana», «Fasıl gecä», «Uursuz Dokäna» h.b. göstererlär onun eni yaratma yolunu bu taraftan. «Uursuz Dokäna» annatmasında baş personaj Dokäna- küülü bir insan,çiftçi uşaa kısmetli yıldız altında duumuş, çünkü terekä toplayıcılar razgelmemişlär, bulmamışlar kuyuda saklı boodayı. Küüdä hergün aaçlıktan ölärmiş birkaç kişi. Dokäna düşünmüş, terekenin birazını satıp, almaa türlü varlık da boyamaa adamın gözlerini. Ama bu da kurtarmȇȇr Dokänayı. Yaşamak zakonnarına görä, personaj, fenalık yapan adam, mutlak lääzım bitki-bitkiya cezalansın, kabletsin yaptıkları için. Bu çıkışa bizi avtor getirer. T.Marinoglu askerlii yaptı Ungariyada, iki yıl oldu asker gazetanın korespondentı. Sora KDU jurnalistika fakultetini bitirer da yollanȇr işä Komrat gazetasına, neredä ayda bir kerä çıkardı bir sayfacık gagauz dilindä «Bucak dan erleri». Tiparlandı «Ana sözü» gazetasında kiyatçii «İlkyaz girdi aramıza».