Тақырыбы: Ит пен мысық біздің досымыз Мақсаттары: Дамытушылық: ойлау, есте сақтау қабілеттерін дамыту. - Оқыту: Балалардың үй жануары – мысық, ит туралы әңгімелей білуге үйрету.

Екінші кіші Шаңырақ тобындағы ұйымдастырылған оқу қызметінің конспектісі

Тәрбиеші:Есмагулова Г.С

Білім беру саласы: «Әлеумет»

Пән: Экология негіздері

Өтпелі тақырып: Жануарлар әлемі

Тақырыбы: Ит пен мысық біздің досымыз

Мақсаттары:

- Тәрбиелік: баланың қоршаған ортаға деген сүйіспеншілігін арттыру, ақыл - ой, адамгершілік, имандылық тәрбиелеу.

- Дамытушылық: ойлау, есте сақтау қабілеттерін дамыту.

- Оқыту: Балалардың үй жануары – мысық, ит  туралы әңгімелей білуге үйрету.

Ресурстармен қамтамасыз ету: ит пен мысықтың суреттері

Билингвалдық компонент:, жеті лақ– семь козлята

Ұйымдастырылған оқу қызметінің барысы:

І. Ұйымдастырушылық кезеңі                                                                                                               Қазір қандай мезгіл? Жарайсыңдар балалар! - Ағаштар қандай? - Қар жұмсақ. - Түсі қандай? - Түсі ақ.

ІІ. Негізгі бөлімі

Жұмбақ жасыру (ит пен мысық)

- Үй жануарлары. Үй жануарларының пайдасы, түрлері туралы сұрайды. Иттер туралы сұрайды. Төбеттер туралы слайдтар. - Күшіктің жүндері қандай әдемі! Түсі қандай? - Түсі қара. - Балалар, күшіктің анасын не деп атаймыз? - Ит деп атаймыз. - Осы күшікке ат қояйықшы. Балалар Ақтөс деп ат қояды. - Енді Ақтөстің дене мүшелеріне тоқталып өтейік. - Мынау несі? - Басы. - Мынау көзі, ал құлағы нешеу? - Құлағы екеу. - Ал, мынау тұмсығы, кеудесі, аяғы. Аяғы төртеу екен. Ал мынау құйрығы. Ақтөс адамға еркелегенде құйрығын қозғалтады. Балалар, күшік қандай дыбыс шығарады, білесіңдер ме? - Әу, әу, әу, әу. - Күшік кішкене кезінде сүтпен қоректенеді, өскеннен кейін сүйекті жақсы көреді. Ит үй жануары, жеті қазынаның бірі. Ит иесін көргенде қуанады, құйрығын бұлғаңдатып, артқы аяғына тұрады. Адам итті жібінен ұстап далаға қыдыртады. Даладан келгеннен кейін аяқтарын жуады. Ауырып қалса мал дәрігеріне көрсетеді. Ит ет, балық, құс етін және құрғақ жем жейді. Иттің сүйікті тамағы, ол сүйек. ИТ – адамның досы. Үй иесі қыдырып кеткенде ит үйді күзетіп қалады, және үй жануарларын бағуға да үй иесіне көмектеседі екен. Балалар ит адамның досы, оны жәбірлеп ұруға болмайды. Ол біздің, үйімізді, ауламызды күзетеді. Ал, енді мен сендерге күшіктің анасы иттің ерлігі туралы ертегі айтып берейін. Өлеңін оқу: Күшігім менің үріп тұр Бір нәрсені сезіп тұр Есікті ашып қарасам Атам. Әжем келіп тұр Сергіту сәті:

Тікірейіп құлағы,

Меннен бұрын тұрады.

Бойын жазып керіліп

Беті қолын жуады мяу-мяу бұл не?

Мысықтың дыбысы шығады. Тәрбиеші балаларға сүт ішіп отырған мысықтың суретіне қарауды ұсынады. - Мынау - мысық. Мысық сүт ішіп отыр. Себебі мысық сүтті жақсы көреді. Мысық өте сүйкімді үй жануары. Ол көп үйде болады. Мысықтар өте мейрімді, бауырмал болады. Адам мысықты қолға үйреткеніне қарамастан, ол жабайы үй жануары болып қалады. Мысық еркіндікті жақсы көреді, сондықтан түнде қыдырады, ол адамсыз өмір сүре алады. Мысықтар ет пен балық жегенді жақсы көреді. Тағы олар сүт тағамдарын: айран, сүт, қаймақты жақсы көреді. Мысықтарға құрғақ тамақтар да береді. Үлкен мысықтар тышқан, кейбір мысықтар шөппен қоректенеді. Мысықтар өте таза жануарлар, олар уақытында жуынады, үстерін тазалап тұрады. Уақытында далаға шығады. Мысықтар ұйықтағанды өте жақсы көреді. Мысықты сен ренжітсең ол сені тырнағымен тырнап алады. Сондықтан мысықпен абай болу керек. Құйрығынан тартуға болмайды. Мысықтың түсі қара, екі көзі, екі құлағы, төрт аяғы, құйрығы бар. Балалар мысық та адамның досы. Иесіне әбден бауыр басқан мысық оның ауырып тұрған жерін тауып сол ауырған жерге жайғасып бар жылуын беріп пырылдаған күйде ұйықтайды екен. Мысықтың ұзын мұртшасы бар ол иісті дәл сезіп табуға көмектеседі. Е. Елубаевтың «Ала мысық» өлеңін оқып береді. Беті - қолын жуады. Тышқандарды қуады, Тазалықты сақтайды, Апам оны мақтайды. - Балалар, мысық қалай дыбыстайды? (Мияу, мияу). Балалар мысықтың дыбысын салады. ІІІ. Қорытынды:

Бүгінгі сабақ ұнады ма? Қонаққа нелер келді? Ит қалай дыбыстайды? Иттің баласын «күшік» деп атаймыз, Көбіне иттер немен ойнағанды ұнатады? итті немесе күшікті тамақтандырған соң, ойнатып болған соң қолымызды жуып отыруымыз керек. Қолымызды жумайтын болсақ түрлі ауыруларды жұқтырып алуымыз мүмкін. Ит үйде тұра ма, әлде аулада ма? Ит адамға қалай көмектеседі? Мысықтың баласын біз «мысықай» деп атаймыз. Балалар, мысық қайда тұрады? Ол немен ойнағанды ұнатады? Сендерге басын изеп рахмет айтып жатыр. Жарайсыңдар балалар! Бүгін біз мысық пен ит туралы біраз мағлұматтар білдік. Жарайсыңдар балалар, сендер өздеріңнің бір - біріңмен жақсы дос екендеріңе сендіре білдіңдер. Олай болса достық туралы тақпақпен сабағымызды аяқтайық. Біз кішкентай баламыз, Өсіп - өніп толамыз Тату - тәтті дос болып, Достық шебін құрамыз.