Просмотр содержимого документа
«Текст сказки "Ты хэм вит"»
Ты’ӈ хэ’м вит.
(Кет шутпяԓс)
Кет таԓям маньшту”:
- Ты’ намэхэԓт шеԓкат ни’ дехеԓа’, не’шаӈ вачи каматымпита.
Ңоп кет, Латиков веԓ’ԓата, тэ’та тадя’мэмай. Чики тэта’ пон нянанта диԓимай. Ни’ нюдюм чики тэмта’ дёԓьше хашаӈо”мыта, нянанта шанакоштомай. Ты”куша нюча веԓта ӈупчики хомана хашаӈо”мыта.
Ңоп мэман, нешадюм ма’май:
- Кынсума ня’на тэма” кыԓадима”.
Ты’ ӈаԓка веԓта вачи” намтуԓмэта, та’ минта каматайта, вита вома. Намтпа” та ӈо’тнаӈ веԓхат”та ни’ кай, веԓта нита кади. Ты шичитуӈ хашаӈо”май. Винта ӈыԓ’нахама маӈа:
- Туԓши” кан’нитав’.
Таԓям винта дятыԓ’тан хэм”та вит’ кадя”. Нюча веԓдюм тэнта’ хэм” вит маны”ӈа, конку:
- Ты”кушаком, ӈамым дяԓ’таӈан?
Ты’ муньшипёй мэӈа. Ка’мамвана? Веԓта вачи каматампюпа’та ӈу”, пы’та муну”мам выни чедемь. Детԓиӈ веԓта кэван ва”най. Ңайԓя веԓта кэвхат хэмта вит” ӈа’шей камтума”. Веԓдюм ӈай маӈа:
- Ты’удем, ӈ амэл, куше кадя? Ңамым дяԓтаӈан? Мань ши”т дёльше’ шаӈат.
Тэнта дяԓнан, ни’ ӈашки пон кэвхананта мэӈа, палап’тымпита, няньха”на, выдихи”на ӈамԓампита.
Нешадём тэмта шанна нюнта дет хыӈиԓя. Чикехет пушан ма’:
- Пушов, мань куԓвадянш навышуӈ кайнам. Тэудема” ӈай’ тадя диԓиӈадя. Дёԓьше’ хома ты’, дёԓьше” хома няма”!
Ты’ ӈаԓка веԓта вачи намташь хомана мадяй’!