Муниципальный этап олимпиады школьников
национально-регионального компонента
2016-2017 учебного года
по цахурской литературе
10 класс
I задание
(50 баллов)
Комплексный художественный анализ гьеъэ.
Халбынан инсанар
Авала-замана са хив вухьа. Мани хивун инсанар гейб гьыIрснан, сабыр дешин хъаIл гьаъан, сачаахаран карбы вухьа. Манчихъа гора адамейршихъа акьвак, джанак чапых дешда ыхьа деш. Амма мани хивей АIлий донана 60-и ешена са адамий ыхьа, манкъуни е акьвак, е джанал чапых (шрам) ыхьа деш.
АIлийлхъа мани хивуни кьоIни джаванна ул’ хъувайле, югба иляака, АIлийни акьвак чапых дешод, эйгье: яраб манкъуни джанакид чапых эйхье.
Са йигъыл’ АIлий айхаранкъаI, шени гадебишикIле къедже, югба фагьам гьааъа иляака, АIлийни джанакид кIылинджад мыкIани ярахын чапых дешод. Инбише эйгьен. МахуIд ихьес деш, хивуни гыргыни адамейршик чапыхбы, са АIлийке чапых дешда ихьес, манкъукид са чапых гьаъас ыккан.
Юххьанна некбы суламыш гьаъана вахтний вобна. АIлийхъад суламиш гьаъасын нек ыхьай гадебишикIле ацIа ыхьа. Са багьна тIабал гьааъа вухьа АIлийка саIвху, манкъуни акьвак чIиканыка са чапых гьаъас. Гозете вухьа, мысайий мана нек суламыш гьаъас уххъаIс. Са йигъыл АIлийлхъа нубат хъады, нек суламыш гьаъас гьаркIын архалхъа хьян селлим гьау, неккис хьян гьеле эйхье. Архане авуни сурал’ кол-кос, къара тиканбы ыхьа. Шена кьоIйре джегьилер абы, АIле нек суламыш гьаъана архейдын хьян къацIадкIун, архак авудни кол-косейхъа къайккы, джойиб гьамаа гивийъар. АIлий илякка, хьян хъооI дешод, эйгьен: ненченхан арх хъобху, курак алятIу архаке алла хъары, шена кьоIйре джегьил гивъурни джигэйхъа гьирхьыр илякка, хьян кол-косейхъод къайккы. АIле адабыка салам гьооли, джегьилерше хъаIлаква салам хъившу, эйгьен: “АIлий дайий, гьиджоне вас ыккан, архаке алла вор ийкар?” АIле джаваб хъелен: “Хыдылар, ыкканан гьиччуджад дешин, некний суламыш гьаъас ыккан, гьаIшде иляккана, шу кол-косод суламыш гьаъа, маныд ыкканан кар водон. Амма закIле ацIахьес ыккан, шу мысайий таам вухьес, зас нубат ихьес. Зы ешли адамий ворна, мейр-мейр ары иляккас деш”.
Джегьилершис наш хъихьа, сугъооцу къелилхъа эйгьен: “АIлий дайий, багъыш гьеъэ, ши гозетний гьаъа гъу хъары шака сачахарасва, йишди фыкрейид вак са чапых гьауйний водон. Гъу, АIлий дайий, гьаIкIена, сабырнана, суIлгь ыкканна инсанор, манчиссе йигъни акьвак, е джанак са чапых деш. ГьаIшде хъале ман курак шасхъа, йигъын нек ши суламыш гьаъас”.
АIлий дайе ахъаIна гьау, курак гадебишисхъа хъиво. ГьаIкIедад АIлий дайийн нек мани кьоIни гаде суламыш гьау. КьаIсынкъвейиб джос югна мигьманийвалла гьавъу.
II задание
(50 баллов)
Текстын поэтический интерпретация гьеъэ.
Йизда яр
Зас кIел’водун кулякнани юххьанни йигъыл’
Гъу илёрзулий фыкырамишехье йигъыIл’
Шавамы увгьойн: «Танышхье гъу манкъыIква,
Къошмиш гьеъе са шеч’ гъу манкъыIхъа.
ГIынише йишди язее одкIун ыхьа деш
Са джиге зынай гъуна ешемишивхьес,
Гъу аркIынна мерынкъуква ешемишийхьес,
Зы гьиджоммы йизди дердек’ гьаъас ацIа деш.
КIел’ водон за вакIле увгьойн: «Бахтыкана йихьена»
Гъу вукIул’ салламиш гьавъу, бытагъ хьинне,
ЗакIле увгьойн, нагъ кIёгъаI хьянхьинне:
«Мерна алвамиш гьимейъа зына хьинне».
ГьаIшде гъе йизди яныл’ деш
Медена яр тIалабейас захъаб мумкум деш,
АцIан закIле, мани ярайхъаб дарман деш,
Гъу кIелийханеъэс, някIхьинне, макар деш.
Вахтбы, саъаIтбы адкIынийнбы гъу тIабалейъа
Архайн, дехьана зы гъу дена,
ВукIул’ алебтIу гьайни дюнейле,
Мумкум деш гьихвас гъу дена.
III задание
(по 3 балла за каждый правильный ответ)
1. Сувагилий Незире джуни шечIе «ГьайняхуIдне эйхьи хинкIалбы» инсанын гьиджо хасиятый гьагва:
а) гьаIракат; б) кубытийвалла; в) къитI’мирыйвалла; г) тамбалыйвалла
2. Гьайин джуваббы «…Арна мигьман хаахъа хъойтIалан...» Гь.Ибрагьимовни нении шечIенченбыйи:
а) аIдатбы; б) гьайна зы ворна; в) мигьман; г) адаб
3. ШечIбы «НикIан тIетI’», «Хьойикна хив» шаване одкIун:
а) Дабуз Шавкате; б) Хьойиккелий Сафаре; в) АIбдураIгьман Дадашеве; г) А. УлуцIаIхийе.
4. Эпический жанрехъа нен асарне гехьа:
а) шечI’; б) повесть; в) поэма; г) пьеса
5. ШечIбишин сборник «Суван тIетI’» шаване одкIун:
а) А. УлуцIаIхийе; б) Д. Шавкате; в) АI. Дадашеве; г) В. Мирзоеве
6. Дабыз Шавкатей нена шечIне ХаIбни Ватанни даIвъийс гьаср гьавъу:
а) Гъам вухьайн йигъ; б) Сувал’ни МаIгьалын йаIххъар; в) Биссийи няк; г) Ед’на мизий урусна миз
7. Кь. Омахановни повесте «КьоIдле язы» гьиджо инсанын хасият тенкьит гьаъа:
а) напс; б) муIгьуб; в) уцIур; г) хиянат
8. В. Мирзоеве джуна шечI «Аалим» шавусне гьаср гьавъу:
а) язычийс; б) дохтурыс; в) устадыс; г) пешекарыс
9. Драматический асарбы цIаIхни мизел’ цIедда шаване одкIун:
а) Д. Джаббаре; б) С. ДжаIфарове; в) В. Мирзоеве; г) Гьамзате
10. Кь. Омахановни повесте «Сувабы цIаей» нена девырне гьаагва:
а) Совет гьоIкуматна; б) НикIолайна; в) ГьаIшдийна
Ключ к тесту