Тесты по осетинскому языку в 10 классе

10 кълас

1. Стъæлфыты бæсты сæвæрут хъæугæ дамгъæтæ.

«Ирон æвзаг у, хъуыдыйы æмæ æнкъарæнты тæк…æ лыстæгдæр æмæ уæздандæр фæзилæнтæ равдисынмæ чи арæхсы, ахæм æнаипп, рæвдз æмæ ком…æгæс хотых. Ирон æвзаг у тынг тасаг æмæ рæсугъд, хъæздыг æмæ цардхъом.»

(Абайты Васо)

2. Тексты æмбæлынц орфограммæтæ:

1. Дæргъвæтин æмхъæлæсонты растфыссынад.

2. Вазыгджын дзырдты растфыссынад.

3. Миногонты растфыссынад.

4. Æрбайсгæ дзырдты растфыссынад.

5. Разæфтуанты растфыссынад.

6. Нымæцонты растфыссынад.

3. Дзырд рæсугъд фонетикон æвзæрст скæнут.

Дзуапп:______________________________________________________________________________________________________________________________

4. Дзырдтæм синонимтæ ссарут:

Рæсугъд -__________________________________________________________

Хъæздыг -________________________________________________________

5. Дзырд фæзилæнтæ морфемикон æвзæрст скæнут.

Дзуапп: __________________________________________________

6. Лæвæрд тексты дзырд хотых нысан кæны

1) хæцæнгарз

2) мадзал

7. Орфографион рæдыд цы дзырдбасты ис, уый фæнысан кæнут.

1) Мæскуыйы Стыр театр

2) Æрфæны фæд

3) завод «Электроцинк»

4) инæлар Хетæджы-фырты уынг

5) Мамысоны æфцæг

6)Кæсæг-Балхъары паддзахадон университет

8. Фразеологион дзырдбæстыты бын бахахх кæнут.

Ос-Бæгъатыр:

Кете, зæгъ-ма, цæй, чи зыдта, куы сыстадыстæм мах

Кæмдæр нæ хох-уынгæджыты Иры фæсивæдимæ,

Куы рацыдыстæм ацырдæм æфсадæй, чи зыдта,

Кæйдæр бæсты кæй ыссардзынæн мæ амонд.

Мæ зæрдыл бадардтон, куыд дæ федтон фыццаг хатт.

Нæй, нæй йын ферох уыцы диссаг сахатæн, нæй ферох…

Зын дын уыдис… цæмæй дæ барæвдыдтаин, уый нæ зыдтон.

Зын дын уыдис…Дæ фыд дæр рухсаг…Фæлæ уæдæй нырмæ

Мæ зæрдæйы æрцахстай ды стыр бынат…

9. Цавæр нысаниуæджы пайдагонд цæуы тексты дзырдæй сыстадыстæм?

1) хиуыл схæцын, уæлæмæ сыстын

2) æдгæрзтæ тохмæ рацæуын

10. Дзырд зæрдæ у

1) бирæнысанон

2) иунысанон

3) омоним

11. Æнæнцой уæд, лæгæй фыццагдæр йæ бартæ чи радта лæгмæ!

Хъуыдыйад у

1) бабæтгæвазыгджын

2) домгæвазыгджын

3) æнæбæттæгвазыгджын

4) хуымæтæг

12. Рæсугъд хъал чызг – Сайнæг-æлдары бындар Агуындæ-рæсугъд – æрхызтис айнæгæй, æрæмбырд кодта уадындзы сæстытæ æмæ сæ бахаста сæхимæ. (Н.к.)

Хъуыдыйады тире æвæрд цæуы

1. æнæбæттæгвазыгджын хъуыдыйады хæйтты ’хсæн

2. æмхуызон уæнгты иугæнæг дзырды разæй

3. сæйрат æмæ зæгъинаджы ’хсæн

4. æмхасæны разæй.

13. Раст сæвæрут æрхæцæн нысæнттæ.

«Нæй нæй ыссар цъаммар цагъайраг!»-

Йæхæдæг тагъдгомау фæзылд

Æмæ цыма уыдтæн йæ байраг

Йæ ехс мæ бæрзæйыл æрзылд … (Нигер)

14. Ныффыссут цыбыр нывæцæн (10-15 хъуыдыйады) темæйыл «Цавæр хъуамæ уа æцæг уарзондзинад?»

Бæрæггæнæнты критеритæ:

Бæрæггæнæн «5» æвæрд цæуы 23 æмæ фылдæр баллæн.

Бæрæггæнæн «4» æвæрд цæуы 20 баллæй 22 баллы онг.

Бæрæггæнæн «3» æвæрд цæуы 14 баллæй 19 баллы онг.

Бæрæггæнæн «2» æвæрд цæуы 13 æмæ къаддæр баллæн.