Ули ли васта подвигти и афкуксонь ялгаксшити эряфса

ТЕМАСЬ:Ули ли васта подвигти и афкуксонь ялгаксшити эряфса.

(Ф. М. Чеснаковонь»Аляка лефкс» азксонц коряс)

ЦЕЛЬСЬ:1.Ваномс азксть главнай смузенц.

2.Ваномс геройхнень прянь вятемаснон и максомс оценочнай характеристика.

3Азомс,кодама васта занци подвигсь и афкуксонь ялгаксшись эряфса.

ОБОРУДОВАНИЯСЬ:Учебниксь,цветной карточкат,рабочай тетратть,стенд Мамаев курганть коряс,стенд «Мордовиясь ВОВ пингста.»

Урокть ётафтомань методонза:аналитическяй беседа диспутонь элемент мархта.

УРОКТЬ МОЛЕМАЦ:

1.УЧИТЕЛЬТЬ ВАЛОЦ.

Минь ,шабат, мархтонт знакомондаме Фёдор Маркелович Чеснаковонь творчестванц и «Аляка лефкс»азксонц мархта.Тячи минь уроконьконь темац: Ули ли васта подвигти и афкуксонь ялгаксшити эряфса

Цельсь: Шарьжкодемс азксть главнай смузенц, ваномс геройхнень прянь вятемаснон и максомс оценочнай характеристика, азомс .кодама васта занци подвигсь и афкуксонь ялгаксшись эряфса.

Тячи минь инжиеньке, и синь аф содасазь «Аляка лефкс»азксть содержаниянц.

-Кие азондсы азксть содержанияц?

Азондомода мельге азови, што азкссь ащи 4 пяльксста.

Васенце пяльксть эса азондови, кода Ильгя эняльди тядянцты, штоба ся сяволезе мархтонза паксяв работама. Сонь ульсь мялец лездомс тядянцты аф аньцек кудъётконь тевса но и паксянь тевса.Тейнза ульсь ужяль тядяц. Тяса минь няйсаськ цёранять трудонь кельгикс. 1пяльксса корхтави кельгомать колга .

Мезть колга корхтави пяльксса?

СЛОВАРНАЙ РАБОТА.

Тя работась тиевсь кудса самостоятельна.

Толковай валксста мумс кельгомась (любовь) валть значениянц и сёрмадомс тетрадьс.

Любовь – чувство самоотверженной, сердечной привязанности.

Виде, шабат, афкуксонь кельгомась виияфтсыне стама ломанть характерса качестватнень, кода улемс ответственнайкс эсь поступкатнень инкса, чеснайкс, порядочнайкс.

2. Тяни ванцаськ 2-це пяльксть.

Кода можна лемдемс 2-це пяльксть? Мезть колга корхтави 2-це пяльксса?

Омбоце пяльксса корхтави ялгаксшить колга.

Ванови словарнай работасна:мумс валксста ялгаксшись (дружба)валть значенияц.

Азксса корхтави колма цёранянь, колма ялгань колга

-Отвечада:можна ли азомс,што ня цёранятне афкуксонь ялгат?

(ванови текстста,кода Саша и Оська вешендихть Ильгянь эса.Стр-89).

Лувость,шабат, текстста ся вастть,коса няеви, кодама цёрашабатнень ялгаксшисна.

Кинь текстста сяволесть ба тинь ялгакс? А тинь,шабат, улихть афкуксонь ялганте?

Азость,мезенкса тинь лувсайнть, што синь афкуксонь ялгат тейнть?

3. Тяни давайте ванцаськ, кодама валмуворкст тинь анокладе ялгаксшить колга.

4. Шабат, ванцаськ, кодама васта занци природать описанияц азксса? Мусть текстста стр-86.

-Но Вов уфазевсь варманя…

морафтомок тя пялькскять, азови, кода можна лемдемс 3-це пяльксть.(подвиг).

5. Ванови словарнай работась.

Подвиг-героический, самоотверженный поступок.

Давайте ванцаськ, кодама поступка тись Ильгя.

(Сон эцесь палы кудти и таргазе Ванькань).

Можна ли азомс, што Ильгя герой? Да!

Кда Ильгя афоль сува палы кудти, сон улель мувору, кода тинь арьсетяда?

Шабат, кода тинь тиеледе Ильгянь вастса?

Вывод:штоба тиемс героическяй поступка ,эряви оцю сила воле, смелши и аф пелемс эсь эряфцень инкса, аф арьсемс эсь пряцень колга.

Васьфнеде ли тинь, шабат, тяфтама подвиг мархта эряфса?

Кода лемдьсаськ 4-це пяльксть? Видешись.

Кода корхтайхть, васькафнек тят васькафне, а видешись лиси лангс.

Сембось, шабат, и кальдявсь, и пара тефне тиендевихть кядьса.

Аноклаф кядьлапшкянтенди эрь сурняти сёрмадода валнят,конат характеризовандасазь Ильгянь тевонзон,а меле Оськань и Сёмань.

Ильгя--кие сон? Оська и Сёма — кит синь? (ученикне курок тисазь васенце заданиять,омбоцеть тиемста сембе сурнятне аф пяшкодевихть).

Няйсасть,шабат, кодама курок тинь тиесть васенце заданиять,а омбоцесь изь тиев.Няйсасть ,кальдяв тефненди мянь эрявикс валхтка аф мувихть.

1. Налхкома цветной карточка мархта.

Доскаса сёрматфт выраженият,синь разнай тюсонь.

Кода тинь.ребята, шарьхкодьсасть азксть главнай смузенц?Кеподесть эрявикс тюсонь карточкатнень.

Азксть лемоц «Аляка лефкс»,мес авторсь лемдезе тяфта эсь азксонц,штоба сингордамс или наабарот шназь? Минь содасаськ аньцек сянь,што цёранять аляц шавовсь войнаса.

Шабат, можна ли тиемс подвиг,кда тонь седице аф содасы кельгомать,ялгаксшить и видешить? (Аф).

Мирнай эряфть пингста можна тиемс подвиг и коса? (Чечняса, Афганистанца,пожар пингста).Ученикне няфтьсазь рисункаснон,конань рисовандазь кудса «героическяй поступка»

7.Кодама юбилей тя кизоня минь васьфтям май ковста?

75-нь киза Сяськомати.

Кеподесть кядентень,кие содасы,што сонь семьястонза улихть войнаса шавфт? (кядьснон кеподьсазь сембе)

Нейсасть,ребята ,мзяра ни ётась кизода ,а войнась кодонга аф юкстави.

(шарфтови мяль аноклаф стендть лангс).

Мамаев курганць-тя мемориальнай комплекс,кона тиф,штоба няфтемс событиятнень ВОВ пингста. Мраморть,бетонть,гранить вельде няфневихть ломаттнень героическяй подвигсна войнаса.

Азость,пожалуйста,мезе тиендеви,штоба аф юкстамс войнань событиятнень геройхнень и синь подвигснон?

(путневихть памятникт).

А кие содасы,кодама памятник путф минь велесонк?

(Памятник Аф содаф солдатти).

Шарфтови мяль стендти Мордовиять колга,кона путозе эсь путксонц Сяскомати.

Акие содай стихт войнать колга?(азондовихть)

8. Обобщениясь: уроконьке аделакшневи,минь корхтаме ялгакс шить,видешить,подвигть,кельгомать колга.

Ломанць,кона содасыйне ня чувстватнень,может тиемс подвиг,и минь лац содасаськ,што цебярь поступкатне,подвигсь аф юкставихть.

9.Оценкатне азовихть и азови сембонди спасиба.